ആരെ പുറത്താക്കാനാണോ അമേരിക്ക ഇടപെട്ടത്​, ഇപ്പോൾ അവരുടെ കൈയ്യിൽ തന്നെ രാജ്യം ഏൽപ്പിച്ചിരിക്കുന്നു - അഫ്​ഗാൻ എഴുത്തുകാരൻ ഖാലിദ്​ ഹുസൈനി

കാബൂൾ: താലിബാൻ ഭരണത്തിൽ ആശങ്ക പ്രകടിപ്പിച്ച്​ ലോക പ്രശസ്​ത അഫ്​ഗാനി എഴുത്തുകാരൻ ഖാലിദ്​ ഹുസൈനി. താലിബാൻ മാറിയെന്ന്​ പ​റയേണ്ടത്​ ​വാക്കുകൾ കൊണ്ടല്ല, ചെയ്​തികൾ കൊണ്ടാണെന്ന്​ ഖാലിദ്​ ഹുസൈനി പറഞ്ഞു. താലിബാൻ മാറിയെന്ന്​ പറയുന്നത്​ വലിയ സംശയത്തോടെയാണ്​ നോക്കുന്നതെന്നും അദ്ദേഹം കൂട്ടിച്ചേർത്തു.

''താലിബാനെ ഇപ്പോൾ ലോകം ശ്രദ്ധിക്കുകയാണ്​. അതുകൊണ്ടുതന്നെ വനിതകളുടെ അവകാശങ്ങളും മനുഷ്യാവകാശങ്ങളും സംരക്ഷിക്കുമെന്ന്​ പറയുന്നതിൽ ഒട്ടും അതിശയമില്ല. ഇസ്​ലാമിക നിയമത്തിനുള്ളിൽ എന്ന്​ അവർ പ്രത്യേകം പറയുന്നുണ്ട്​''

''അമേരിക്കൻ പ്രസിഡൻറ്​ ജോബൈഡനോട്​ കഴിഞ്ഞ 20 വർഷത്തെ ഇടപെടലുകളുടെ പരിണിത ഫലത്തെക്കുറിച്ച്​ എനിക്ക്​ ചോദിക്കണം. ആരെ പുറത്താക്കാനാണോ അമേരിക്ക ഇടപെട്ടത്​, ഇപ്പോൾ അവരുടെ കൈയ്യിൽ തന്നെ രാജ്യം ഏൽപ്പിച്ചിരിക്കുന്നു. അഫ്​ഗാ​െൻറ ഭാഗത്ത്​ നിന്ന്​ നോക്കുകയാണെങ്കിൽ ആയിരക്കണക്കിന്​ പേർ മരിച്ചു. നിരവധി പേർക്ക്​ പരിക്കേറ്റു. ഗ്രാമങ്ങളിൽ ബോംബിട്ടു. അതുകൊണ്ടുതന്നെ രാജ്യത്തിന്​ ഇനി നല്ല ഭാവിയില്ലെന്ന്​ നിരവധി പേർ വിശ്വസിക്കുന്നു.'' ഖാലിദ്​ ഹുസൈനി സി.എൻ.എനിന്​ നൽകിയ അഭിമുഖത്തിൽ പറഞ്ഞു.

അഫ്​ഗാനിലെ ജനങ്ങൾ ഇത്തരം ദുരവസ്ഥകൾ അർഹിക്കുന്നവരല്ലെന്നും അമേരിക്ക അഫ്​ഗാൻ അഭയാർഥികളെ സ്വീകരിക്കണമെന്നും ഹുസൈനി നേരത്തേ പറഞ്ഞിരുന്നു.അഫ്​ഗാൻ അമേരിക്കൻ എഴുത്തുകാരനായ ഖാലിദ്​ ഹുസൈനിക്ക്​ ലോകമെമ്പാടും വലിയ വായനക്കാരുണ്ട്​. 2003ൽ പുറത്തിറങ്ങിയ 'ദി കൈറ്റ്​ റണ്ണർ', 2007ൽ പുറത്തിറങ്ങിയ 'എ തൗസൻഡ്​ സ്​​െപ്ലൻഡിഡ്​ സൺസ്​, 203ൽ പുറത്തിറങ്ങിയ 'ആൻഡ്​ ദി മൗണ്ടയിൻസ്​ എക്കോഡ്​' എന്നിവയാണ്​ പ്രധാന പുസ്​തകങ്ങൾ.