ബോംബിങ്ങിനിടയിലും ഗസ്സക്കാർ പറയുന്നു; ഫലസ്തീൻ അതോറിറ്റി വേണ്ട

ഗ​സ്സ: ഫ​ല​സ്തീ​നി​ൽ ഇ​സ്രാ​യേ​ൽ ആ​​ക്ര​മ​ണം അ​വ​സാ​നി​ക്കു​മ്പോ​ൾ ഗ​സ്സ മു​ന​മ്പി​ന്റെ ഭ​ര​ണം ഫ​ല​സ്തീ​ൻ അ​തോ​റി​റ്റി ഏ​റ്റെ​ടു​ക്കു​മെ​ന്ന പ്ര​ചാ​ര​ണ​ത്തി​ൽ താ​ൽ​പ​ര്യം പ്ര​ക​ടി​പ്പി​ക്കാ​തെ ജ​ന​ങ്ങ​ൾ. അ​ധി​നി​വി​ഷ്ട ഫ​ല​സ്തീ​ൻ ദേ​ശ​മാ​യ വെ​സ്റ്റ് ബാ​ങ്ക് ഭ​രി​ക്കു​ന്ന ഫ​ല​സ്തീ​ൻ അ​തോ​റി​റ്റി​യെ, ഗ​സ്സ​യു​ടെ ഭ​ര​ണ​ച്ചു​മ​ത​ല​യി​ലേ​ക്ക് കൊ​ണ്ടു​വ​രു​മോ​യെ​ന്ന ച​ർ​ച്ച​ക​ൾ എ​ങ്ങും സ​ജീ​വ​മാ​യി​ട്ടു​ണ്ട്.

ഈ ​അ​വ​സ​രം മു​ൻ​കൂ​ട്ടി ക​ണ്ട് ക​ഴി​ഞ്ഞ​ദി​വ​സം പ്ര​സി​ഡ​ന്റ് മ​ഹ​മൂ​ദ് അ​ബ്ബാ​സ്, ഭാ​വി​യി​ലെ രാ​ഷ്ട്രീ​യ ഒ​ത്തു​തീ​ർ​പ്പി​ന്റെ ഭാ​ഗ​മാ​യി ഗ​സ്സ​യി​ലേ​ക്ക് മ​ട​ങ്ങാ​ൻ അ​ഥ​വാ ഭ​ര​ണ​മേ​​റ്റെ​ടു​ക്കാ​ൻ ഫ​ല​സ്തീ​ൻ അ​തോ​റി​റ്റി ത​യാ​റാ​ണെ​ന്ന് സൂ​ചി​പ്പി​ച്ചി​രു​ന്നു.

കി​ഴ​ക്ക​ൻ ജ​റൂ​സ​ല​മും ഗ​സ്സ മു​ന​മ്പും അ​ധി​നി​വി​ഷ്ട വെ​സ്റ്റ് ബാ​ങ്കും ഉ​ൾ​പ്പെ​ടു​ന്ന സ​മ​ഗ്ര​മാ​യ ഒ​രു രാ​ഷ്ട്രീ​യ പ​രി​ഹാ​ര​ത്തി​ന്റെ ച​ട്ട​ക്കൂ​ടി​നു​ള്ളി​ൽ ഫ​ല​സ്തീ​നി​ന്റെ ഉ​ത്ത​ര​വാ​ദി​ത്തം പൂ​ർ​ണ​മാ​യും ഏ​റ്റെ​ടു​ക്കു​മെ​ന്ന് ക​ഴി​ഞ്ഞ ദി​വ​സം മ​ഹ​മൂ​ദ് അ​ബ്ബാ​സു​മാ​യു​ള്ള കൂ​ടി​ക്കാ​ഴ്ച​യി​ൽ യു.​എ​സ് വി​ദേ​ശ​കാ​ര്യ സെ​ക്ര​ട്ട​റി ആ​ന്റ​ണി ബ്ലി​ങ്ക​ൻ വ്യ​ക്ത​മാ​ക്കി​യി​രു​ന്നു. അ​തേ​സ​മ​യം, ഗ​സ്സ​യി​ൽ ഹ​മാ​സി​നെ മാ​റ്റി​നി​ർ​ത്തി​യു​ള്ള ഭ​ര​ണം വേ​ണ്ടെ​ന്ന നി​ല​പാ​ടി​ലാ​ണ് ജ​ന​ങ്ങ​ൾ.

‘‘ജ​ന​ങ്ങ​ൾ അം​ഗീ​ക​രി​ച്ചാ​ലും പി​ന്തു​ണ​ച്ചാ​ലും ഗ​സ്സ ഫ​ല​സ്തീ​ൻ അ​തോ​റി​റ്റി ഏ​റ്റെ​ടു​ക്കു​ന്ന​ത് ഒ​രു പ​രി​ഹാ​ര​മാ​ണെ​ന്ന് ഞാ​ൻ ക​രു​തു​ന്നി​ല്ല. അ​വ​ർ ഭ​രി​ക്കു​ന്ന വെ​സ്റ്റ് ബാ​ങ്കി​ൽ എ​ന്താ​ണ് സം​ഭ​വി​ക്കു​ന്ന​തെ​ന്ന​റി​ഞ്ഞാ​ൽ അ​ത് അം​ഗീ​ക​രി​ക്കാ​നാ​വി​ല്ല. വെ​സ്റ്റ് ബാ​ങ്കി​ലെ നി​ര​വ​ധി പ​ട്ട​ണ​ങ്ങ​ളി​ൽ എ​ല്ലാ​യ്‌​പോ​ഴും റെ​യ്‌​ഡു​ക​ളും ആ​ളു​ക​ളെ അ​റ​സ്റ്റ് ചെ​യ്യ​ലു​മാ​ണ്. ഇ​തു​ത​ന്നെ ഗ​സ്സ​യി​ലും തു​ട​ർ​ന്നേ​ക്കും. ആ​യ​തി​നാ​ൽ, ഹ​മാ​സും ഫ​ത്ഹു​മെ​ല്ലാം ഉ​ൾ​പ്പെ​ടു​ന്ന ഒ​രു ദേ​ശീ​യ ഐ​ക്യ​സ​ർ​ക്കാ​ർ വ​രാ​നാ​ണ് ഞാ​ൻ താ​ൽ​പ​ര്യ​പ്പെ​ടു​ന്ന​ത്’’ -ഗ​സ്സ​ക്കാ​ര​നാ​യ മു​ഹ​മ്മ​ദ് അ​ൽ ജ​സീ​റ​യോ​ട് പ​റ​ഞ്ഞു.

ഫ​ല​സ്തീ​ൻ അ​തോ​റി​റ്റി​ക്ക് ഗ​സ്സ​​യെ സം​ര​ക്ഷി​ക്കാ​നാ​കു​മെ​ന്ന് താ​ൻ വി​ശ്വ​സി​ക്കു​ന്നി​ല്ലെ​ന്ന് 53കാ​ര​നാ​യ ക​മാ​ൽ പ​റ​ഞ്ഞു. മ​ഹ​മൂ​ദ് അ​ബ്ബാ​സ് പ​റ​യു​ന്ന​ത​ല്ല പ്ര​വ​ർ​ത്തി​ക്കു​ന്ന​തെ​ന്നും ഗ​സ്സ​ക്ക് ജ​ന​ങ്ങ​ൾ തെ​ര​ഞ്ഞെ​ടു​ക്കു​ന്ന ദേ​ശീ​യ ഐ​ക്യ​സ​ർ​ക്കാ​ർ ആ​യി​രി​ക്കും യോ​ജി​ക്കു​ക​യെ​ന്നും അ​ദ്ദേ​ഹം അ​ഭി​പ്രാ​യ​പ്പെ​ട്ടു.

അ​ധി​നി​വി​ഷ്ട പ്ര​ദേ​ശ​ങ്ങ​ളി​ൽ വ​ർ​ഷ​ങ്ങ​ളാ​യി നി​ല​നി​ൽ​ക്കു​ന്ന അ​ധി​നി​വേ​ശ​വും സൈ​നി​ക​ഭ​ര​ണ​വും പൊ​ളി​ച്ചെ​ഴു​താ​നു​ള്ള മാ​ർ​ഗ​ങ്ങ​ൾ​ക്ക് മു​ൻ​ഗ​ണ​ന ന​ൽ​ക​ണ​മെ​ന്ന അ​ഭി​പ്രാ​യ​മാ​ണ് 29കാ​രി​യാ​യ സോ​മ​യ​ക്ക്.

ഇ​പ്പോ​ൾ ച​ർ​ച്ച ചെ​യ്യു​ന്ന​ത് എ​ന്തു​ത​ന്നെ​യാ​യാ​ലും, ഇ​സ്രാ​യേ​ൽ യു​ദ്ധ​വി​മാ​ന​ങ്ങ​ളു​ടെ വെ​ടി​വെ​പ്പി​ൽ​നി​ന്ന് ഗ​സ്സ​യി​ൽ ക​ഴി​യു​ന്ന എ​ന്റെ കു​ടും​ബ​ത്തി​ന്റെ​യോ മ​റ്റ് ആ​യി​ര​ക്ക​ണ​ക്കി​ന് ആ​ളു​ക​ളു​ടെ​യോ സു​ര​ക്ഷ ഉ​റ​പ്പാ​ക്കാ​ൻ പ​ര്യാ​പ്ത​മ​ല്ലെ​ന്ന് 45കാ​ര​നാ​യ അ​ബു ഹ​ക്കീം പ​റ​ഞ്ഞു.

അ​തേ​സ​മ​യം, യു​ദ്ധ​ത്തി​നു​ശേ​ഷം ഗ​സ്സ ഫ​ല​സ്തീ​ൻ അ​തോ​റി​റ്റി​യു​ടെ കീ​ഴി​ലാ​യി​രി​ക്കി​ല്ലെ​ന്ന് ഇ​സ്രാ​യേ​ലി​ലെ തീ​വ്ര വം​ശീ​യ​ക​ക്ഷി നേ​താ​വ് സിം​ച ​റോ​ത്ത്മാ​ൻ അ​ഭി​പ്രാ​യ​പ്പെ​ട്ടു. ജൂ​ത​രെ കൊ​ല്ലാ​നു​ള്ള അ​ടു​ത്ത ത​ല​മു​റ കൊ​ല​യാ​ളി​ക​ളെ വ​ള​ർ​ത്തു​ക​യാ​യി​രി​ക്കും ഇ​തി​ലൂ​ടെ ചെ​യ്യു​ക​യെ​ന്നും റോ​ത്ത്​​മാ​ൻ ആ​രോ​പി​ച്ചു.