ഇറാഖ്​, അഫ്​ഗാൻ അധിനിവേശങ്ങളുടെ ശിൽപിയായ മുൻ യു.എസ്​ പ്രതിരോധ സെക്രട്ടറി ഡോണൾഡ്​ റംസ്​ഫെൽഡ്​ അന്തരിച്ചു

വാഷിങ്​ടൺ: ഇറാഖിലും അഫ്​ഗാനിസ്​താനിലും അമേരിക്ക നയിച്ച യുദ്ധങ്ങളുടെ ശിൽപിയും 'ഭീകരതക്കെതിരായ യുദ്ധ'ത്തി​െൻറ പ്രണേതാവുമായി വിശേഷിപ്പിക്കപ്പെടുന്ന ഡോണൾഡ്​്​ റംസ്​ഫെൽഡ്​ അന്തരിച്ചു. 1975-77 കാലത്ത്​ ജെറാർഡ്​ ഫോഡിനു കീഴിലും ഏറെ കഴിഞ്ഞ്​ 2001- 2006ൽ ജോർജ്​ ഡബ്ല്യു. ബുഷിനു കീഴിലും പദവി അലങ്കരിച്ച റംസ്​ഫെൽഡ്​ അമേരിക്കയുടെ ഏറ്റവും പ്രായം കുറഞ്ഞ പ്രതിരോധ സെക്രട്ടറിയെന്ന റെക്കോഡ്​ സ്വന്തം പേരിൽ കുറിച്ചയാളാണ്​.

പതിനായിരങ്ങളുടെ മരണത്തിനിടയാക്കി 2001ൽ അഫ്​ഗാനിസ്​താനിലും 2003ൽ സദ്ദാം ഹുസൈൻ ഭരിച്ച ഇറാഖിലും അധിനിവേശം നടത്താൻ ഭരണകൂടങ്ങൾക്ക്​ ബുദ്ധിയുപദേശിച്ച്​ പ്രശസ്​തനാണ്​ റംസ്​ഫെൽഡ്​. കുറ്റവാളികളുടെ വിചാരണയെന്ന പേരിൽ അധിനിവിഷ്​ട ഭൂമികളിലും പുറത്തും തടങ്കൽ പാളയങ്ങൾ തീർത്ത്​ മഹാക്രൂരതകൾ അടിച്ചേൽപിക്കുന്നതിലും അദ്ദേഹത്തി​െൻറ പങ്ക്​ വലുതായിരുന്നു.

''നിയമവിരുദ്ധമായ ഒ​ട്ടേറെ യുദ്ധങ്ങൾക്കും സിവിലിയന്മാരുടെ കൂട്ടക്കുരുതികൾക്കും​ കാർമികത്വം വഹിക്കുകയും ആസൂത്രിത പീഡനവും കൊള്ളയും വ്യാപകമായ അഴിമതിയും നടത്തുകയും ചെയ്​ത യുദ്ധക്കുറ്റവാളിയാണ്​ ഡോണൾഡ്​ റംസ്​ഫെൽഡ്​' എന്ന്​ കവാകിബി ഫൗണ്ടേഷൻ പ്രസിഡൻറ്​ ഇയാദ്​ അൽബഗ്​ദാദി കുറ്റപ്പെടുത്തി.

ഇറാഖിലും അഫ്​ഗാനിസ്​താനിലും ജനാധിപത്യം തിരികെ കൊണ്ടുവരാനെന്ന പേരിൽ സദ്ദാം ​ഹുസൈനെയുൾപെടെ കൊല നടത്തി ഭരണകൂടങ്ങളെ പുറത്താക്കുകയും അരാജകത്വം പകരം നൽകുകയും ചെയ്​തതിലെ വലിയ പങ്ക്​ റംസ്​ഫെൽഡിനായിരുന്നു. ആവശ്യത്തിന്​ സൈന്യത്തെ വിന്യസിക്കാതെയായിരുന്നു ഇരു രാജ്യങ്ങളിലും അമേരിക്ക നയിച്ച അധിനിവേശങ്ങൾ. പ്രതിരോധ സെക്രട്ടറി പദവി അദ്ദേഹം​ വിട്ട്​ പിന്നെയും അഞ്ചു വർഷം കഴിഞ്ഞ്​ 2011ലാണ്​ ഇറാഖിൽനിന്ന്​ യു.എസ്​ സേന ഭാഗികമായി പിൻവാങ്ങിയത്​. അഫ്​ഗാനിസ്​താനിൽനിന്നാക​ട്ടെ, ഇപ്പോഴും പിൻമാറ്റം പൂർത്തിയായിട്ടില്ല.

മഹാനാശം വരുത്തുന്ന ആയുധക്കൂമ്പാരം ആരോപിച്ചായിരുന്നു 2003ൽ ഇറാഖിൽ റംസ്​ഫെൽഡി​െൻറ നേതൃത്വത്തിൽ യു.എസ്​ എത്തിയതെങ്കിലും അത്തരം ആയുധങ്ങളുണ്ടായിരുന്നില്ലെന്ന്​ പിന്നീട്​ യു.എസ്​ സമ്മതിച്ചു. ഇറാഖിൽ ലക്ഷങ്ങളാണ്​ കൊല്ലപ്പെട്ടത്​. യു.എസ്​ സൈനികർ പോലും ആയിരങ്ങൾ മരിച്ചു. ലോകത്തി​െൻറ വിവിധ ഭാഗങ്ങളിൽനിന്ന്​ പിടികൂടി എത്തിച്ച

നിരപരാധികളെ വിചാരണകൂടാതെ മഹാക്രൂരതകൾക്കിടയാക്കിയ ഗ്വാണ്ടാനമോ, അബൂഗുറൈബ്​ തടവറകളുടെ പേരിലും പഴിയേറെ കേട്ട റംസ്​ഫെൽഡ്​ 2006ൽ രാജിവെക്കുകയായിരുന്നു.

1932ൽ ഷിക്കാഗോയിൽ ജനിച്ച അദ്ദേഹം 1960കളിലാണ്​ യു.എസ്​ രാഷ്​ട്രീയത്തിൽ സജീവമാകുന്നത്​. 2001ൽ ലോകത്തെ ഞെട്ടിച്ച ഭീകരാക്രമണം നടക്കു​േമ്പാൾ റംസ്​ഫെൽഡ്​ പെൻറഗൺ ആസ്​ഥാനത്തുണ്ടായിരുന്നു. അതുകഴിഞ്ഞ്​ ഒരു മാസത്തിനു ശേഷമാണ്​ ഭീകര സംഘടനയായ അൽഖാഇദക്കു നേരെ ആക്രമണം ആരംഭിക്കുന്നതും അത്​ അഫ്​ഗാനിസ്​താൻ അധിനിവേശമായി പരിണമിക്കുന്നതും. ആഴ്​ചകൾക്കകം താലിബാൻ ഭരണം ഇല്ലാതാക്കിയ റംസ്​ഫെൽഡ്​ 2003ൽ മാർച്ചിൽ ഇറാഖ്​ അധിനിവേശവും ആരംഭിച്ചു.