ദീപാവലി ആശംസിച്ച് ഡോണൾഡ് ട്രംപ്
text_fieldsന്യൂഡൽഹി: ദീപാവലി ആശംസിച്ച് അമേരിക്കൻ പ്രസിഡന്റ് ഡോണൾഡ് ട്രംപ്. വൈറ്റ് ഹൗസ് ജീവനക്കാർക്കൊപ്പം ദീപം തെളിയിക്കുന്ന ചിത്രത്തിനൊപ്പമാണ് ട്രംപ് ആശംസ ട്വീറ്റ് ചെയ്തത്.
അതേസമയം തെരഞ്ഞെടുപ്പ് പരാജയം അംഗീകരിക്കുന്നത് എന്നാണെന്ന മാധ്യമപ്രവർത്തകരുടെ ചോദ്യത്തിന് ട്രംപ് മറുപടി പറഞ്ഞില്ല. കോവിഡ് വ്യാപനത്തെക്കുറിച്ച് വൈറ്റ് ഹൗസിൽ വാർത്തസമ്മേളനത്തിൽ സംസാരിക്കവെയാണ് അദ്ദേഹത്തോട് ഇക്കാര്യം ചോദിച്ചത്.
തെരഞ്ഞെടുപ്പിൽ ഡെമോക്രാറ്റിക് സ്ഥാനാർഥി ജോ ബൈഡൻ വിജയിച്ചെങ്കിലും വോട്ടെണ്ണലിൽ കൃത്രിമം നടന്നെന്ന വാദത്തിൽ തന്നെയാണ് ട്രംപ്. എന്നാൽ ഇതുസംബന്ധിച്ച തെളിവുകൾ ഹാജരാക്കാൻ ട്രംപിന് സാധിച്ചിരുന്നില്ല. അരിസോണയും ജോർജിയയും വിജയിച്ചതോടെ ജോ ബൈഡൻ 306 ഇലക്ടറൽ വോട്ടുകൾ നേടി. ട്രംപ് 232 വോട്ടുകളിൽ ഒതുങ്ങുകയും ചെയ്തു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.