ജപ്പാനിൽ ഭൂചലനം; റിക്ടർ സ്കെയിൽ 6.0 തീവ്രത

ടോക്കിയോ: ജപ്പാനിലെ ഹോക്കൈഡോയിൽ റിക്ടർ സ്‌കെയിലിൽ 6.0 തീവ്രത രേഖപ്പെടുത്തിയ ഭൂചലനം അനുഭവപ്പെട്ടു. വെള്ളിയാഴ്ച രാവിലെയാണ് തീവ്രതയേറിയ ഭൂചലമുണ്ടായതെന്ന് ജർമൻ റിസർച്ച് സെന്റർ ഫോർ ജിയോസയൻസസ് (ജി.എഫ്‌.ഇസെഡ്) അറിയിച്ചു. ഭൂമിയുടെ ഉപരിതലത്തിൽ നിന്ന് 46 കിലോമീറ്റർ (28.58 മൈൽ) താഴെയാണ് ഭൂകമ്പത്തിന്റെ പ്രഭവകേന്ദ്രം.

അതേസമയം, വ്യാഴം, വെള്ളി ദിവസങ്ങളിൽ രാത്രിയിൽ പോർട്ട്ബ്ലെയർ, ആൻഡമാൻ നിക്കോബാർ ദ്വീപിന്റെ 112 കിലോമീറ്റർ എസ്.എസ്.ഇയിൽ റിക്ടർ സ്കെയിലിൽ 4.3 തീവ്രത രേഖപ്പെടുത്തിയ ഭൂചലനം രേഖപ്പെടുത്തിയതായി നാഷണൽ സെന്റർ ഫോർ സീസ്മോളജി അറിയിച്ചു.