30 വയസിൽ താഴെയുള്ള ഏറ്റവും ധനികനായ ബ്രീട്ടീഷ്​ സ്റ്റാറായി വീണ്ടും എഡ്​ ഷീരൻ

ലണ്ടൻ: ആരാധകരും വിമർശകരും ഏറെയുള്ള ബ്രിട്ടീഷ്​ ഗായകനാണ്​ എഡ്​ ഷീരൻ. തുടർച്ചയായ മൂന്നാം വർഷവും 30 വയസിൽ ത​ാഴെയുള്ള ഏറ്റവും ധനികനായ ബ്രിട്ടീഷ്​ സ്​റ്റാറായി മാറിയിരിക്കുകയാണ്​ ഈ ഗ്രാമി അവാർഡ്​ ജേതാവ്​.

236.5 മില്ല്യൺ പൗണ്ടാണ്​ എഡ്​ ഷീരന്‍റെ ആസ്​തി. ഏറ്റവും കൂടുതൽ സ്​ട്രീം ചെയ്​ത​ 'ഷേപ്​ ഓഫ്​ യു' ഗാനമാണ്​ വരുമാനത്തിന്‍റെ എഡ്​ ഷീരന്‍റെ ഗതി മാറ്റിയത്​. യു ട്യൂബിൽ ഉൾപ്പെടെ എതിരാളികളില്ലാതെയാണ്​ ഷേപ്​ ഓഫ്​ യുവിന്‍റെ മുന്നേറ്റം.

ഗായകനായും ഗാനരചയിതാവും കഴിവ്​ തെളിയിച്ച എഡ്​ ഷീരന്​ ലോകമെമ്പാടും ആ​രാധകർ ഏറെയാണ്​. ഷീരന്‍റെ പുതിയ ആൽബത്തിന്​ വേണ്ടിയുള്ള കാത്തിരിപ്പിലാണ്​ ആരാധകർ.

ഗായകനായ ഹാരി സ്​റ്റൈൽസ്​ ആണ്​ 30 വയസിൽ താഴെയുള്ള ഏറ്റവും ധനികനായ രണ്ടാമത്തെ ബ്രിട്ടീഷ്​ താരം. 27കാരനായ സ്​റ്റൈൽസിന്‍റെ മൊത്തം ആസ്​തി 80 മില്ല്യൺ പൗണ്ട്​ വരും. ലിറ്റിൽ മിക്​സാണ്​ പട്ടികയിൽ മൂന്നാം സ്​ഥാനത്ത്​.