സു​ഡാ​നി​ൽ​നി​ന്ന് സൈ​നി​ക​രെ ഒ​ഴി​പ്പി​ച്ച് ഈ​ജി​പ്ത്

ഖ​ർ​ത്തൂം: ആ​ഭ്യ​ന്ത​ര സം​ഘ​ർ​ഷം രൂ​ക്ഷ​മാ​യ സു​ഡാ​നി​ൽ​നി​ന്ന് ഈ​ജി​പ്ത് ത​ങ്ങ​ളു​ടെ സൈ​നി​ക​രെ ഒ​ഴി​പ്പി​ച്ചു. സൈ​ന്യ​വു​മാ​യി പോ​രാ​ട്ടം ന​ട​ത്തു​ന്ന അ​ർ​ധ​സൈ​നി​ക വി​ഭാ​ഗം ത​ട​വി​ലാ​ക്കി​യ സൈ​നി​ക​രെ​യാ​ണ് ര​ക്ഷി​ച്ച​ത്. സ​മാ​ധാ​ന​ത്തി​നു​ള്ള അ​ന്താ​രാ​ഷ്ട്ര ശ്ര​മ​ങ്ങ​ൾ പ​രാ​ജ​യ​പ്പെ​ട്ട​തോ​ടെ, രാ​ജ്യ​ത്ത് ക​ഴി​യു​ന്ന ത​ങ്ങ​ളു​ടെ പൗ​ര​ന്മാ​രെ ര​ക്ഷി​ക്കു​ന്ന​തി​ന് ജ​പ്പാ​നും നെ​ത​ർ​ല​ൻ​ഡ്സും സു​ഡാ​ന് സ​മീ​പ​മു​ള്ള വി​മാ​ന​ത്താ​വ​ള​ത്തി​ലേ​ക്ക് വി​മാ​ന​ങ്ങ​ള​യ​ച്ചു.

ത​ല​സ്ഥാ​ന ന​ഗ​ര​ത്തി​ന് വ​ട​ക്കു​ള്ള മെ​റോ​വ് എ​യ​ർ​പോ​ർ​ട്ട് ആ​ക്ര​മി​ച്ചാ​ണ് റാ​പ്പി​ഡ് സ​പ്പോ​ർ​ട്ട് ഫോ​ഴ്സ്‍സ് ഈ​ജി​പ്ത് വ്യോ​മ​സേ​ന ടെ​ക്നീ​ഷ്യ​ന്മാ​രെ ത​ട​വി​ലാ​ക്കി​യ​ത്. സു​ഡാ​ൻ സൈ​ന്യ​വു​മാ​യി അ​ടു​പ്പം പു​ല​ർ​ത്തു​ന്ന രാ​ജ്യ​മാ​ണ് ഈ​ജി​പ്ത്. പ​രി​ശീ​ല​ന​ത്തി​നും സം​യു​ക്ത സൈ​നി​കാ​ഭ്യാ​സ​ത്തി​നു​മാ​യാ​ണ് സൈ​നി​ക​ർ സു​ഡാ​നി​ൽ എ​ത്തി​യ​തെ​ന്ന് ഈ​ജി​പ്ത് അ​റി​യി​ച്ചു. ബു​ധ​നാ​ഴ്ച വൈ​കീ​ട്ട് മു​ത​ൽ 24 മ​ണി​ക്കൂ​ർ വെ​ടി​നി​ർ​ത്ത​ലി​ന് ഇ​രു​പ​ക്ഷ​വും സ​മ്മ​തി​ച്ച സാ​ഹ​ച​ര്യ​ത്തി​ലാ​ണ് സൈ​നി​ക​രെ ഒ​ഴി​പ്പി​ച്ച​ത്. ചൊ​വ്വാ​ഴ്ച​യും 24 മ​ണി​ക്കൂ​ർ വെ​ടി​നി​ർ​ത്ത​ൽ പ്ര​ഖ്യാ​പി​ച്ചി​രു​ന്നെ​ങ്കി​ലും വി​ജ​യം ക​ണ്ടി​രു​ന്നി​ല്ല.

അ​ഞ്ച് ദി​വ​സം മു​മ്പ് തു​ട​ങ്ങി​യ സം​ഘ​ർ​ഷ​ത്തി​ൽ ഇ​തു​വ​രെ 330 പേ​ർ കൊ​ല്ല​പ്പെ​ട്ട​താ​യാ​ണ് യു.​എ​ൻ വ്യ​ക്ത​മാ​ക്കു​ന്ന​ത്. മൂ​വാ​യി​ര​ത്തോ​ളം പേ​ർ​ക്ക് പ​രി​ക്കേ​ൽ​ക്കു​ക​യും ചെ​യ്തു. ബു​ധ​നാ​ഴ്ച രാ​ത്രി​യി​ലും പ​ല​യി​ട​ങ്ങ​ളി​ലും വെ​ടി​​യൊ​ച്ച കേ​ട്ട​താ​യി റി​പ്പോ​ർ​ട്ടു​ണ്ട്. എ​ന്നാ​ൽ, ത​ലേ​ദി​വ​സ​ത്തെ​പ്പോ​ലെ രൂ​ക്ഷ​മാ​യ ആ​ക്ര​മ​ണ​മു​ണ്ടാ​യി​ല്ല.