സ്​​പെ​യി​നി​ലും പോ​ർ​ചു​ഗ​ലി​ലും ​വൈ​ദ്യു​തി പു​നഃ​സ്ഥാ​പി​ച്ചു

ബാ​ഴ്സ​ലോ​ണ: യൂ​റോ​പ്പി​നെ 18 മ​ണി​ക്കൂ​റി​ലേ​റെ നി​ശ്ച​ല​മാ​ക്കി​യ വൈ​ദ്യു​തി പ്ര​തി​സ​ന്ധി​ക്ക് പ​രി​ഹാ​ര​മാ​യി. സ്പെ​യി​നി​​ന്റെ​യും പോ​ർ​ചു​ഗ​ലി​ന്റെ​യും ഭൂ​രി​ഭാ​ഗം പ്ര​ദേ​ശ​ങ്ങ​ളി​ലും ചൊ​വ്വാ​ഴ്ച പു​ല​ർ​ച്ച 6.30 ഓ​ടെ വൈ​ദ്യു​തി പു​നഃ​സ്ഥാ​പി​ച്ചു.

തി​ങ്ക​ളാ​ഴ്ച ഉ​ച്ച​യോ​ടെ​യാ​ണ് സ്​​​പെ​​യി​​ൻ, പോ​​ർ​​ചു​​ഗ​​ൽ, ഫ്രാ​​ൻ​​സ് എ​ന്നീ രാ​ജ്യ​ങ്ങ​ളി​ൽ വൈ​ദ്യു​തി മു​ട​ങ്ങി​യ​ത്. അ​തേ​സ​മ​യം, യൂ​റോ​പ്പി​നെ ഏ​റ്റ​വും രൂ​ക്ഷ​മാ​യി ബാ​ധി​ച്ച വൈ​ദ്യു​തി മു​ട​ക്ക​ത്തി​ന്റെ കാ​ര​ണം അ​ജ്ഞാ​ത​മാ​യി തു​ട​രു​ക​യാ​ണ്. വൈ​ദ്യു​തി വി​ത​ര​ണ സം​വി​ധാ​ന​ത്തി​ൽ ഇ​ത്ത​ര​മൊ​രു ത​ക​ർ​ച്ച ഒ​രി​ക്ക​ലും ഉ​ണ്ടാ​യി​ട്ടി​ല്ലെ​ന്ന് സ്പാ​നി​ഷ് പ്ര​ധാ​ന​മ​ന്ത്രി പെ​ഡ്രോ സാ​ഞ്ച​സ് പ​റ​ഞ്ഞു. സം​ഭ​വ​ത്തെ​ക്കു​റി​ച്ച് അ​ന്വേ​ഷി​ച്ചു​വ​രു​ക​യാ​ണ്. മേലിൽ ഇത്തരം സംഭവങ്ങഹ ആവർത്തിക്കാതിരിക്കാൻ മുൻകരുതൽ നടപടികൾ കൈകൊള്ളുമെന്നും അദ്ദേഹം പറഞ്ഞു. സൈ​ബ​ർ ആ​ക്ര​മ​ണ​മാ​ണെ​ന്ന ഉൗ​ഹാ​പോ​ഹ​ങ്ങ​ൾ പോ​ർ​ചു​ഗ​ൽ ദേ​ശീ​യ സൈ​ബ​ർ സു​ര​ക്ഷ കേ​ന്ദ്രം ത​ള്ളി. ഇ​തി​ന്റെ സൂ​ച​ന​ക​ളി​ല്ലെ​ന്ന് ​കേ​ന്ദ്രം വ്യ​ക്ത​മാ​ക്കി.

ഏ​തെ​ങ്കി​ലും ത​ര​ത്തി​ലു​ള്ള അ​ട്ടി​മ​റി​യാ​ണെ​ന്ന വാ​ദം യൂ​റോ​പ്യ​ൻ ക​മീ​ഷ​ന്റെ എ​ക്സി​ക്യു​ട്ടി​വ് വൈ​സ് പ്ര​സി​ഡ​ന്റ് തെ​രേ​സ റി​ബെ​റ​യും ത​ള്ളി. വൈ​ദ്യു​തി മു​ട​ങ്ങി​യ​തോ​ടെ യൂ​റോ​പ്പി​ലെ ഇ​ൻ​റ​ർ​നെ​റ്റ്, ട്രെ​​യി​​ൻ, വി​​മാ​​ന, മെ​​ട്രോ സ​​ർ​​വി​സു​​ക​​ൾ, മൊ​​ബൈ​​ൽ ​ഫോ​​ൺ സേ​വ​ന​ങ്ങ​ൾ, ട്രാ​​ഫി​​ക് സം​വി​ധാ​ന​ങ്ങ​ൾ, എ.​​ടി.​​എം മെ​​ഷീ​​ൻ തു​​ട​​ങ്ങി അ​​വ​​ശ്യ സേ​​വ​​ന​​ങ്ങ​​ൾ സ്തം​ഭി​ച്ചി​രു​ന്നു. ഗ​താ​ഗ​ത സം​വി​ധാ​ന​ങ്ങ​ൾ മു​ട​ങ്ങി​യ​തോ​ടെ നി​ര​വ​ധി​പേ​ർ വ​ഴി​യി​ൽ കു​ടു​ങ്ങി. വെ​ളി​ച്ച​മി​ല്ലാ​ത്ത തു​ര​ങ്ക​ങ്ങ​ളി​ൽ നി​ന്നു​പോ​യ ട്രെ​യി​നു​ക​ളി​ൽ​നി​ന്ന് യാ​ത്ര​ക്കാ​ർ ഇ​റ​ങ്ങു​ന്ന​തി​ന്റെ ചി​ത്ര​ങ്ങ​ൾ സ്പാ​നി​ഷ് ദേ​ശീ​യ ടി.​വി സം​പ്രേ​ഷ​ണം ചെ​യ്തു. റെ​യി​ൽ‌​വേ​യി​ലും ഭൂ​ഗ​ർ​ഭ ലൈ​നു​ക​ളി​ലും കു​ടു​ങ്ങി​യ 35,000 യാ​ത്ര​ക്കാ​രെ ര​ക്ഷ​പ്പെ​ടു​ത്തി​യ​താ​യി സ്പെ​യി​നി​ലെ പ്ര​വ​ർ​ത്ത​ക​ർ പ​റ​ഞ്ഞു. വി​നോ​ദ സ​ഞ്ചാ​രി​ക​ൾ പ​ല​രും ട്രെ​യി​ൻ സ്റ്റേ​ഷ​നി​ലെ ബെ​ഞ്ചു​ക​ളി​ലും ത​റ​ക​ളി​ലു​മാ​ണ് ഉ​റ​ങ്ങി​യ​ത്. ബാ​ഴ്‌​സ​ലോ​ണ മു​നി​സി​പ്പാ​ലി​റ്റി ഇ​ൻ​ഡോ​ർ വി​നോ​ദ കേ​ന്ദ്ര​ങ്ങ​ളി​ലേ​ക്ക് 1200 ക​ട്ടി​ലു​ക​ളാ​ണ് വി​ത​ര​ണം ചെ​യ്ത​ത്.