ഗോൾഡൻ ഗ്ലോബിൽ എമിലിയ പെരെസ് മികച്ച ചിത്രം; ഇന്ത്യക്ക് നിരാശ

കാ​ലി​ഫോ​ർ​ണി​യ: 82ാമ​ത് ഗോ​ള്‍ഡ​ന്‍ ഗ്ലോ​ബ് പു​ര​സ്കാ​ര​വേ​ദി​യി​ല്‍ ഇ​ന്ത്യ​യു​ടെ ‘ഓ​ള്‍ വി ​ഇ​മാ​ജി​ന്‍ ആ​സ് ലൈ​റ്റി’​നെ പി​ന്ത​ള്ളി ഫ്ര​ഞ്ച് ചി​ത്രം ‘എ​മി​ലി​യ പെ​രെ​സ്’ മി​ക​ച്ച വി​ദേ​ശ​ഭാ​ഷ ചി​ത്ര​മാ​യി തി​ര​ഞ്ഞെ​ടു​ക്ക​പ്പെ​ട്ടു. ദി ​ബ്രൂ​ട്ട​ലി​സ്റ്റി​ന്റെ ബ്രാ​ഡി കോ​ർ​ബെ​റ്റാ​ണ് മി​ക​ച്ച സം​വി​ധാ​യ​ക​ൻ. ഡ്രാ​മ വി​ഭാ​ഗ​ത്തി​ലെ മി​ക​ച്ച സി​നി​മ​യും ദി ​ബ്രൂ​ട്ട​ലി​സ്റ്റാ​ണ്. ഹോ​​ളോ​കോ​സ്റ്റ് അ​തി​ജീ​വി​ച്ച് യു.​എ​സി​ലെ​ത്തി ആ​ർ​കി​ടെ​ക്ടാ​യി മാ​റു​ന്ന ജൂ​ത​ന്റെ ജീ​വി​തം പ​റ​യു​ന്ന ചി​ത്ര​മാ​ണി​ത്. മി​ക​ച്ച ന​ട​നും ചി​ത്ര​ത്തി​നും സം​വി​ധാ​യ​ക​നു​മു​ള്ള പു​ര​സ്കാ​ര​മാ​ണ് ബ്രൂ​ട്ട​ലി​സ്റ്റ് സ്വ​ന്ത​മാ​ക്കി​യ​ത്.

ഏ​റ്റ​വും കൂ​ടു​ത​ൽ നാ​മ​നി​ർ​ദേ​ശം ല​ഭി​ച്ച എ​മി​ലി​യ പെ​രെ​സ് നാ​ലു പു​ര​സ്കാ​ര​ങ്ങ​ളാ​ണ് സ്വ​ന്ത​മാ​ക്കി​യ​ത്. മി​ക​ച്ച മ്യൂ​സി​ക്ക​ൽ, കോ​മ​ഡി സി​നി​മ, വി​ദേ​ശ​ഭാ​ഷ ചി​ത്രം, സ​ഹ​ന​ടി, ഗാ​നം തു​ട​ങ്ങി​യ ഗോ​ൾ​ഡ​ൻ ഗ്ലോ​ബു​ക​ളാ​ണ് ഈ ​ചി​ത്രം നേ​ടി​യ​ത്. മെ​ക്സി​കോ​യി​ലെ നാ​ലു സ്ത്രീ​ക​ളു​ടെ ക​ഥ വെ​ള്ളി​ത്തി​രി​യി​ലെ​ത്തി​ച്ച എ​മി​ലി​യ പെ​രെ​സാ​ണ് ഓ​സ്ക​റി​ലേ​ക്കു​ള്ള ഫ്രാ​ൻ​സി​ന്റെ ഔ​ദ്യോ​ഗി​ക എ​ൻ​ട്രി.

ഐ ​ആം സ്റ്റി​ൽ ദേ​ർ എ​ന്ന ചി​ത്ര​ത്തി​ലെ അ​ഭി​ന​യ​ത്തി​ന് ബ്ര​സീ​ലി​യ​ൻ ന​ടി ഫെ​ർ​ണാ​ണ്ട ടോ​റ​സ് മി​ക​ച്ച ന​ടി​യാ​യി. ആ​ഞ്ജ​ലീ​ന ജോ​ളി​യെ​യും നി​ക്കോ​ള്‍ കി​ഡ്മാ​നെ​യും കേ​റ്റ് വി​ന്‍സ്​​ലെ​റ്റി​നെ​യും പ​മേ​ല ആ​ന്‍ഡേ​ഴ്സ​ണെ​യും പി​ന്ത​ള്ളി​യാ​ണ് 59കാ​രി​യാ​യ ഫെ​ർ​ണാ​ണ്ട നേ​ട്ടം കൈ​വ​രി​ച്ച​ത്.

ദി ​ബ്രൂ​ട്ട​ലി​സ്റ്റി​ലെ ആ​ഡ്രി​യ​ൻ ബ്രോ​ഡി​യാ​ണ് മി​ക​ച്ച ന​ട​ൻ. ദി ​പി​യാ​നി​സ്റ്റ് എ​ന്ന ചി​ത്ര​ത്തി​ലെ അ​ഭി​ന​യ​ത്തി​ന് ന​ഷ്ട​പ്പെ​ട്ട ഗോ​ൾ​ഡ​ൻ ഗ്ലോ​ബാ​ണ് ആ​ൻ​ഡ്രി​യ​ൻ ബ്രൂ​ട്ട​ലി​സ്റ്റി​ലൂ​ടെ തി​രി​ച്ചു​പി​ടി​ച്ച​ത്. മ്യൂ​സി​ക്ക​ൽ, കോ​മ​ഡി വി​ഭാ​ഗ​ത്തി​ൽ ഡെ​മി മൂ​റെ (ദി ​സ​ബ്സ്റ്റ​ൻ​സ്) മി​ക​ച്ച ന​ടി​ക്കും സെ​ബാ​സ്റ്റ്യ​ൻ സ്റ്റാ​ൻ (എ ​ഡി​ഫ്ര​ന്റ് മാ​ൻ) മി​ക​ച്ച ന​ട​നു​മു​ള്ള ഗോ​ൾ​ഡ​ൻ ഗ്ലോ​ബ് ക​ര​സ്ഥ​മാ​ക്കി. ‘കോ​ൺ​ക്ലേ​വ്’ ചി​ത്ര​ത്തി​നു​വേ​ണ്ടി തി​ര​ക്ക​ഥ ര​ചി​ച്ച പീ​റ്റ​ർ സ്ട്രോ​ഗ​നാ​ണ് മി​ക​ച്ച തി​ര​ക്ക​ഥകൃത്ത്. മി​ക​ച്ച ആ​നി​മേ​ഷ​ൻ ചി​ത്ര​മാ​യി ജി​ന്റ്സ് ഗി​ൽ​ബ​ലോ​ഡി​സ് സം​വി​ധാ​നം ചെ​യ്ത ‘ഫ്ലോ’ ​​തി​ര​ഞ്ഞെ​ടു​ക്ക​പ്പെ​ട്ടു. ഷോ​ഗ​ന്‍ മി​ക​ച്ച ടെ​ലി​വി​ഷ​ന്‍ സീ​രി​സ് ആ​യ​പ്പോ​ള്‍ റെ​യ്ന്‍ഡീ​ര്‍ ലി​മി​റ്റ​ഡ് സീ​രി​സ് വി​ഭാ​ഗ​ത്തി​ലെ ഗോ​ള്‍ഡ​ന്‍ ഗ്ലോ​ബും നേ​ടി.

മി​ക​ച്ച സിനിമ, സം​വി​ധാ​നം തു​ട​ങ്ങി​യ വി​ഭാ​ഗ​ങ്ങ​ളി​ലാ​ണ് ‘ഓ​ള്‍ വി ​ഇ​മാ​ജി​ന്‍ ആ​സ് ലൈ​റ്റ്’ സി​നി​മ​ക്ക് നാ​മ​നി​ർ​ദേ​ശം ല​ഭി​ച്ചി​രു​ന്ന​ത്. സം​വി​ധാ​ന​ത്തി​നു​ള്ള ഗോ​ള്‍ഡ​ന്‍ ഗ്ലോ​ബ് നാ​മ​നി​ർ​ദേ​ശം ല​ഭി​ച്ച ആ​ദ്യ ഇ​ന്ത്യ​ക്കാ​രി​യാ​ണ് പാ​യ​ല്‍ ക​പാ​ഡി​യ. എ​ഡ്വേ​ര്‍ഡ് ബെ​ര്‍ഗ​ര്‍, ബ്രാ​ഡി കോ​ര്‍ബ​റ്റ്, കോ​റാ​ല്‍ ഫാ​ര്‍ഗീ​റ്റ്, ജാ​ക്വി​സ് ഓ​ഡി​യാ​ര്‍ഡി​നോ​ടു​മാ​ണ് പാ​യ​ല്‍ മ​ത്സ​രി​ച്ച​ത്.