കോവിഡ്​ 19​െൻറ രണ്ടാം വരവിൽ ഞെട്ടി യൂറോപ്​: പടരുന്നത്​ അതിവേഗം, സ്​ഥിതി അതിഗുരുതരമെന്ന്​ ലോകാരോഗ്യ സംഘടന

ലണ്ടൻ: പുതുവർഷത്തിൽ ഇന്ത്യയുൾപെടെ ലോക രാജ്യങ്ങൾ പതിവു ജീവിതം തിരിച്ചുപിടിക്കാൻ ഒരുങ്ങുന്നതിനിടെ ​േകാവിഡ്​-19​െൻറ രണ്ടാം വ്യാപനത്തിൽ ഞെട്ടിവിറച്ച്​ യ​ൂറോപ്​. ചെറിയ ഇടവേളക്കു ശേഷമാണ്​ അതിവേഗം പടരുന്ന പുതിയ കൊറോണ വൈറസിനെ ലോകം തിരിച്ചറിഞ്ഞത്​. ഇതാക​ട്ടെ, ഏറ്റവും കൂടുതൽ പിടികൂടുന്നത്​ യൂറോപിലെ വിവിധ രാജ്യങ്ങളെ.

ബ്രിട്ടനിൽ പ്രധാനമന്ത്രി ബോറിസ്​ ജോൺസൺ മാർച്ച്​ വരെ ലോക്​ഡൗൺ പ്രഖ്യാപിച്ചിരുന്നു.

മഹാമാരി യൂറോപി​നെ പ്രതിസന്ധിയുടെ മുനമ്പിൽ നിർത്തുകയാണെന്ന്​ ലോകാരോഗ്യ സംഘടന മുന്നറിയിപ്പ്​ നൽകുന്നു. വാക്​സിൻ എത്തിയത്​ കോവിഡ്​ പ്രതിരോധത്തിന്​ പുതുവഴി തുറ​െന്നങ്കിലും യൂറോപ്യൻ മേഖലയിലെ 53 രാജ്യങ്ങളിൽ പകുതിയിലും വൈറസി​െൻറ വ്യാപനത്തിന്​ വേഗം കൂടുതലാണ്​. ലക്ഷത്തിൽ 150 പേരിലേറെയാണ്​ ഇവിടങ്ങളിൽ വ്യാപനമെന്നത്​ ആശങ്കപ്പെടുത്തുന്നതാണെന്ന്​ ഡബ്ല്യൂ.എച്ച്​.ഒ യൂറോപ്​ മേഖല ഡയറക്​ടർ ഹാൻസ്​ ക്ലുഗ്​ പറയുന്നു. 22 രാജ്യങ്ങളിലാണ്​ വൈറസി​െൻറ പുതിയ മാരക വകഭേദം പടർന്നുപിടിക്കുന്നത്​. കഴിഞ്ഞ നവംബറിൽ ആദ്യമായി തിരിച്ചറിഞ്ഞ പുതിയ വകഭേദം ഏറ്റവും എളുപ്പം നാശം വിതക്കുന്നത്​ ബ്രിട്ടനിലാണ്​.

2020ൽ യൂറോപിൽ കോവിഡ്​ ബാധിച്ച്​ മൊത്തം മരണസംഖ്യ ആറു ലക്ഷത്തോളമാണ്​. യു.കെ, റഷ്യ, ഇറ്റലി, ഫ്രാൻസ്​, സ്​പെയിൻ എന്നിവയിലൊക്കെയും അരലക്ഷത്തിനു മേലെയാണ്​ മരണം. ബ്രിട്ടൻ, സ്​പെയിൻ, ഫ്രാൻസ്​ എന്നിവയാണ്​ ഇതിൽ മുന്നിലുള്ളത്​. മുക്കാൽ ലക്ഷ​ത്തിൽ കൂടുതലോ അതിനരികെയോ പേർ ഇവിടങ്ങളിൽ കോവിഡ്​ ബാധയെ തുടർന്ന്​ ഇവിടങ്ങളിൽ മരിച്ചിട്ടുണ്ട്​.

യൂറോപിൽ ഇപ്പോഴും ലോക്​ഡൗണിൽ കുടുങ്ങി 23 കോടി പേർ വിവിധ രാജ്യങ്ങളിലെ