യൂ​റോ​പ്പ് വ​ര​ൾ​ച്ച​യി​ലേ​ക്ക്...

ല​ണ്ട​ൻ: ഫ്രാ​ൻ​സി​ലെ ലാ​ക് ഡി ​മോ​ണ്ട്ബെ​ൽ ത​ടാ​ക​ത്തി​ന്റെ 80 ശ​ത​മാ​നം ഭാ​ഗ​ത്തും വെ​ള്ള​മി​ല്ല. ബോ​ട്ടു​ക​ൾ വ​ര​ണ്ട ക​ര​യി​ൽ വെ​റു​തെ കി​ട​ക്കു​ന്നു, ബോ​ട്ടി​ൽ മാ​ത്രം എ​ത്താ​ൻ ക​ഴി​യു​മാ​യി​രു​ന്ന വ​ട​ക്ക​ൻ ഇ​റ്റ​ലി​യി​ലെ സാ​ൻ ബി​യാ​ജി​യോ ദ്വീ​പി​ലേ​ക്ക് വി​നോ​ദ​സ​ഞ്ചാ​രി​ക​ൾ ന​ട​ന്നു​പോ​കു​ന്നു, ആ​ൽ​പ്സ് പ​ർ​വ​ത​നി​ര​യി​ൽ മ​ഞ്ഞ് പ​തി​വി​നെ​ക്കാ​ൾ 63 ശ​ത​മാ​നം കു​റ​വാ​ണ്, ജ​ർ​മ​നി​യി​ലെ ആ​ഴം കു​റ​ഞ്ഞ ജ​ല​പാ​ത​ക​ളി​ൽ ഗ​താ​ഗ​തം ത​ട​സ്സ​പ്പെ​ട്ടു; ബോ​ട്ടു​ക​ൾ പ​കു​തി ശേ​ഷി​യി​ൽ മ​ധ്യ യൂ​റോ​പ്പി​ലേ​ക്ക് തി​രി​ച്ചു​വി​ടാ​ൻ നി​ർ​ബ​ന്ധി​ത​രാ​യി, സ്​​പെ​യി​നി​ലെ ബാ​ഴ്സ​ലോ​ണ​യി​ൽ പാ​ർ​ക്കു​ക​ളി​ൽ ജ​ല വി​നോ​ദോ​പാ​ധി​ക​ൾ നി​ർ​ത്തി​യി​രി​ക്കു​ക​യാ​ണ്; കാ​റ്റ​ലോ​ണി​യ​യി​ൽ മൂ​ന്നു വ​ർ​ഷ​മാ​യി ജ​ല​ക്ഷാ​മം അ​നു​ഭ​വ​പ്പെ​ടു​ന്നു​ണ്ട്, ല​ണ്ട​നി​ലെ ത​ടാ​ക​ങ്ങ​ളി​ൽ ഈ ​മാ​സ​ങ്ങ​ളി​ൽ ജ​ല​നി​ര​പ്പ് ഇ​ത്ര താ​ഴ്ന്ന​ത് പു​തു​ത​ല​മു​റ ക​ണ്ടി​ട്ടി​ല്ല... യൂ​റോ​പ്പി​ലെ ശൈ​ത്യ​കാ​ല വ​ര​ൾ​ച്ച​യു​ടെ ചി​ത്ര​ങ്ങ​ളാ​ണി​ത്.

വീ​ട്ടി​ലെ​യും കൃ​ഷി​യി​ട​ത്തി​ലെ​യും ഫാ​ക്ട​റി​ക​ളി​ലെ​യും ജ​ല​സു​ര​ക്ഷ​യെ കു​റി​ച്ച് ഗൗ​ര​വ​മാ​യി ചി​ന്തി​ച്ചു​തു​ട​ങ്ങി​യി​രി​ക്കു​ന്നു. മൂ​ന്നു പ​തി​റ്റാ​ണ്ടി​നി​ടെ ഇം​ഗ്ല​ണ്ടി​ൽ ഫെ​ബ്രു​വ​രി​യി​ൽ ഇ​ത്ര​മാ​ത്രം ജ​ല​നി​ര​പ്പ് താ​ഴ്ന്നി​ട്ടി​ല്ലെ​ന്ന് വി​ദ​ഗ്ധ​ർ ചൂ​ണ്ടി​ക്കാ​ട്ടു​ന്നു.

രൂ​ക്ഷ​മാ​യ വ​ര​ൾ​ച്ച​യു​ടെ നാ​ളു​ക​ളി​ലേ​ക്കാ​ണ് വി​ദ​ഗ്ധ​ർ വി​ര​ൽ ചൂ​ണ്ടു​ന്ന​ത്. നൂ​റ്റാ​ണ്ടി​ലെ ഏ​റ്റ​വും വ​ലി​യ വ​ര​ൾ​ച്ച യൂ​റോ​പ്പി​നെ കാ​ത്തി​രി​ക്കു​ന്നു​വെ​ന്ന് ഉ​പ​ഗ്ര​ഹ വി​വ​ര​ങ്ങ​ളും ഭൂ​ഗ​ർ​ഭ ജ​ല​നി​ര​പ്പും വി​ശ​ക​ല​നം ചെ​യ്ത് ഓ​സ്ട്രി​യ​യി​ലെ ഗ്രാ​സ് സാ​​ങ്കേ​തി​ക സ​ർ​വ​ക​ലാ​ശാ​ല ജ​നു​വ​രി​യി​ൽ പു​റ​ത്തു​വി​ട്ട പ​ഠ​ന​റി​പ്പോ​ർ​ട്ടി​ൽ പ​റ​യു​ന്നു. ജ​ർ​മ​നി​യി​ലും ഓ​സ്ട്രി​യ​യി​ലും ജ​ല​ക്ഷാ​മ​മു​ണ്ടാ​കു​മെ​ന്ന് താ​ൻ ക​രു​തി​യി​രു​ന്നി​ല്ലെ​ന്ന് ഗ​വേ​ഷ​ക​രി​ലൊ​രാ​ളാ​യ ടോ​ർ​സ്റ്റ​ൻ മേ​യ​ർ പ​റ​ഞ്ഞു. കാ​ലാ​വ​സ്ഥ വ്യ​തി​യാ​ന​ത്തി​ൽ മ​നു​ഷ്യ​ന്റെ ഇ​ട​പെ​ട​ലി​ന്റെ പ​ങ്ക് ചൂ​ണ്ടി​ക്കാ​ട്ടു​ന്നു വേ​ൾ​ഡ് വെ​ത​ർ ആ​ട്രി​ബ്യൂ​ഷ​ൻ സ​ർ​വി​സ്. 2018ലും ​ക​ഴി​ഞ്ഞ വ​ർ​ഷ​വും അ​നു​ഭ​വ​പ്പെ​ട്ട വ​ര​ൾ​ച്ച സൂ​ച​ന​യാ​യി​രു​ന്നു​വെ​ന്നും കൂ​ടു​ത​ൽ ക​ടു​ത്ത സാ​ഹ​ച​ര്യ​ത്തെ അ​ഭി​മു​ഖീ​ക​രി​ക്കേ​ണ്ടി​വ​രു​മെ​ന്നും യൂ​റോ​പ്യ​ൻ വ​ര​ൾ​ച്ച നി​രീ​ക്ഷ​ണ കേ​ന്ദ്ര​ത്തി​ലെ മു​തി​ർ​ന്ന ശാ​സ്ത്ര​ജ്ഞ​ൻ ആ​ൻ​ഡ്രി​യ ടോ​റെ​റ്റി പ​റ​ഞ്ഞു.