റാഉള്‍ കാസ്ട്രോയുടെ ഫ്രാന്‍സ് സന്ദര്‍ശനം തുടങ്ങി

പാരിസ്: ചരിത്രം കുറിച്ച് ക്യൂബന്‍ പ്രസിഡന്‍റ് റാഉള്‍ കാസ്ട്രോയുടെ ഫ്രാന്‍സ് സന്ദര്‍ശനം തുടങ്ങി. 2006ല്‍ അധികാരമേറ്റെടുത്തതിനു ശേഷം ആദ്യമായാണ് കാസ്ട്രോ യൂറോപ്യന്‍ രാജ്യം സന്ദര്‍ശിക്കുന്നത്. കഴിഞ്ഞ വര്‍ഷം ഉഭയകക്ഷി ബന്ധം പുന$സ്ഥാപിച്ചതിനുശേഷം കാസ്ട്രോയെ ഫ്രാന്‍സ് സന്ദര്‍ശനത്തിന് ക്ഷണിച്ചിരുന്നു. ഫ്രാന്‍സ് പ്രസിഡന്‍റ് ഫ്രാങ്സ്വ ഓലന്‍ഡുമായുള്ള കൂടിക്കാഴ്ചയില്‍ തന്ത്രപ്രധാന കരാറുകള്‍ക്ക് ധാരണയാവുമെന്ന് വിലയിരുത്തലുണ്ട്. ശീതയുദ്ധത്തെ തുടര്‍ന്നാണ് ഇരുരാജ്യങ്ങളും തമ്മിലുള്ള ബന്ധം താറുമാറായത്.