അഭയാര്‍ഥികളെ സ്വീകരിക്കാന്‍ യൂറോപ് സന്നദ്ധമാകണമെന്ന് പോപ്

വത്തിക്കാന്‍ സിറ്റി: സിറിയയില്‍നിന്നും മറ്റും വരുന്ന അഭയാര്‍ഥികളെ സ്വീകരിക്കാന്‍ യൂറോപ്യന്‍ രാജ്യങ്ങള്‍ തയാറാകണമെന്ന് പോപ് ഫ്രാന്‍സിസ് മാര്‍പ്പാപ്പ. അഭയാര്‍ഥി പ്രവാഹം മൂലമുണ്ടായേക്കാവുന്ന പ്രത്യാഘാതങ്ങള്‍ കണക്കിലെടുത്തുതന്നെ, അവരെ സ്വീകരിക്കാന്‍ യൂറോപ്യന്‍ സര്‍ക്കാറുകള്‍ സന്നദ്ധമാകണം. വത്തിക്കാനില്‍ സഭാ പ്രതിനിധികളെ അഭിസംബോധന ചെയ്യവെയാണ് അദ്ദേഹം ഇക്കാര്യം വ്യക്തമാക്കിയത്. ജര്‍മന്‍ നഗരമായ കൊളോണില്‍ കുടിയേറ്റക്കാര്‍ക്കെതിരെയുണ്ടായ അതിക്രമ സംഭവങ്ങളുടെ പശ്ചാത്തലത്തില്‍കൂടിയാണ് പോപ്പിന്‍െറ പ്രസ്താവന.