ഹിതപരിശോധന:കാറ്റലോണിയയിൽ സ്വാതന്ത്ര്യവാദത്തിന്​ വിജയം

മാഡ്രിഡ്​: കാറ്റിലോണിയയിൽ നടന്ന ഹിത​പരിശോധനയിൽ സ്വാതന്ത്ര്യവാദത്തിന്​ വിജയം. 90 ശതമാനം ആളുകളും സ്​പെയിനിൽ നിന്ന്​ പുറത്ത്​ പോകുന്നതിനെ അനുകൂലിച്ചതായി പ്രസിഡൻറ്​ കാ​ൾ​സ് പ​ഗ്ഡ​മ​ൻ​ഡി​​ൻറ്​  അറിയിച്ചു.

അതേ സമയം സ്​പാനിഷ്​ സർക്കാർ ഹിതപരിശോധനക്കെതിരെ കർശന നിലപാടുമായി മുന്നോട്ട്​ പോവുകയാണ്​. ഞായറാഴ്​ച കാറ്റലോണിയയിൽ ഒരു തരത്തിലുമുള്ള ഹിതപരിശോധനയും നടന്നിട്ടില്ലെന്ന്​  സെപ്​യിൻ പ്രധാനമന്ത്രി അറിയിച്ചു. സംഘർഷം കൂടുതൽ രൂക്ഷമാക്കിക്കൊണ്ട്​ ചൊവ്വാഴ്​ച മുതൽ രാജ്യവ്യാപകമായി സമരങ്ങൾ ശക്​തമാക്കാൻ കാറ്റലോണിയൻ സംഘടനകൾ തീരുമാനിച്ചു.

കാറ്റിലോണിയയിൽ ഞായറാഴ്​ച നടന്ന ഹിതപരിശോധനക്കിടെയുണ്ടായ ആക്രമണങ്ങളിൽ 800 പേർക്ക്​ പരിക്കേറ്റിരുന്നു.ഹിതപരിശോധന തടയാൻ വ്യാപക ആക്രമണമാണ്​ സെപ്​യിൻ സർക്കാർ അഴിച്ചുവിട്ടത്​. കഴിഞ്ഞ മാസം ആറിനാണു കാറ്റലോണിയ പാർലമ​​െൻറ്​ ഹിതപരിശോധനക്ക്​ അംഗീകാരം നൽകിയത്​. പിറ്റേന്ന്​ സ്​പാനിഷ്​ ഭരണഘടനകോടതി ഹിതപരിശോധന നടത്തുന്നതു വിലക്കി.