ഫ്രഞ്ച് പാർലമെൻറിൽ മത ചിഹ്നങ്ങളുള്ള വസ്ത്രങ്ങൾക്ക് നിരോധനം
text_fieldsപാരിസ്: ഫ്രാൻസ് പാർലമെൻറിൽ മത ചിഹ്നങ്ങളുള്ള വസ്ത്രങ്ങൾ ധരിക്കുന്നത് നിരോധിച്ചു. പാർലമെൻറിൽ ധരിക്കേണ്ട വസ്ത്രങ്ങൾ സംബന്ധിച്ച് പുറത്തിറക്കിയ പുതിയ നിർദേശത്തിലാണ് ഇക്കാര്യമുള്ളത്. രാജ്യത്തിെൻറ മതേതര നിയമങ്ങൾ കർശനമാക്കുന്നതിെൻറ ഭാഗമായാണ് നിരോധനം.
മത ചിഹ്നങ്ങൾക്ക് പുറമെ പ്രത്യേക യൂനിഫോമുകൾ, ലോഗോകൾ, വാണിജ്യ-രാഷ്ട്രീയ മുദ്രാവാക്യങ്ങൾ എന്നിവയും നിരോധിച്ചിട്ടുണ്ട്. പാർലമെൻറ് അംഗങ്ങളിലൊരാൾ ഫുട്ബാൾ ടീഷർട്ട് ധരിച്ച് സഭയിലെത്തിയതാണ് പുതിയ നിർദേശത്തിന് കാരണമായത്. എന്നാൽ, വിവിധ കോണുകളിൽനിന്ന് ഇതിന് വിമർശനമുയർന്നിട്ടുണ്ട്. തീവ്ര മതേതരത്വം അടിച്ചേൽപിക്കാനുള്ള ശ്രമമാണിതെന്ന് ക്രിസ്ത്യൻ സംഘടനയായ പ്രൊട്ടസ്റ്റൻറ് ഫെഡറേഷൻ ഒാഫ് ഫ്രാൻസ് പ്രതികരിച്ചു.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.