പുതിയ തീവ്രവാദ വിരുദ്ധ നിയമത്തിന്​ ഫ്രഞ്ച്​ പാർലമെൻറി​െൻറ അംഗീകാരം

പാരീസ്​: പുതിയ തീവ്രവാദ വിരുദ്ധ നിയമത്തിന്​ ഫ്രഞ്ച്​ പാർലമ​െൻറി​​െൻറ അംഗീകാരം. 415 വോട്ടുകൾക്കാണ്​ നിയമം പാർലമ​െൻറിൽ പാസാക്കിയത്​. പൊലീസിന്​ അധിക അധികാരങ്ങൾ നൽകുന്നതിനുള്ള വ്യവസ്ഥകളാണ്​ നിയമത്തിലുള്ളത്​. വർധിച്ചു വരുന്ന തീവ്രവാദ ആക്രമണങ്ങൾ തടയുന്നതിനായാണ്​ പുതിയ നിയമം.

പൊലീസിന്​ വാറൻറില്ലാതെ വീടുകൾ പരിശോധിക്കുന്നതിന്​ അധികാരം നൽകുന്നതാണ്​ പുതിയ നിയമം. ആളുകളെ വീട്ടുതടങ്കലിൽ വെക്കുന്നതിനും പൊലീസിന്​ പ്രത്യേകധികാരങ്ങൾ നിയമം  നൽകുന്നു. അതേ സമയം നിയമത്തിനെതിരെ മനുഷ്യാവകാശ പ്രവർത്തകർ രംഗത്തെത്തിയിട്ടുണ്ട്​. സുരക്ഷ, സ്വാതന്ത്രം, മതസ്വാതന്ത്രം തുടങ്ങിയ അവകാശങ്ങളെ ലംഘിക്കുന്നതാണ്​ പുതിയ നിയമമെന്ന്​ മനുഷ്യാവകാശ പ്രവർത്തകർ കുറ്റപ്പെടുത്തി. രാജ്യത്ത്​ ശാശ്വതമായ അടിയന്തരാവസ്ഥ നിയമം മൂലം സൃഷ്​ടിക്കപ്പെടുന്നുവെന്നും ഇവർ ചൂണ്ടിക്കാട്ടുന്നു.

2015 പാരീസ്​ ഭീകരാക്രമണത്തിന്​ ശേഷം ഫ്രാൻസിൽ അടിയന്തരാവസ്ഥയുടെ സാഹചര്യമാണ്​ നില നിന്നിരുന്നത്. ഇത്​ ശാശ്വതമാക്കുകയാണ്​ പുതിയ നിയമത്തിലൂടെ ഫ്രഞ്ച്​ സർക്കാറെന്നാണ്​ പര​െക്ക ഉയർന്നിരിക്കുന്ന വിമർശനം.