സിറിയയിൽ സ്​ഫോടനം; 40 മരണം

ഡമസ്​കസ്​:വടക്കുപടിഞ്ഞാറൻ സിറിയയിലെ തുർക്കിയെ പിന്തുണക്കുന്ന വിമതരുടെ നിയന്ത്രണത്തിലുള്ള അഫ്രിൻ നഗരത്തിൽ സ്​ഫോടനത്തിൽ 40 പേർ കൊല്ലപ്പെട്ടു. 47 പേർക്ക്​ പരിക്കേൽക്കുകയും ചെയ്​തു.

ചൊവ്വാഴ്​ചയാണ്​ സംഭവം.അഫ്രിനിലെ തിരക്കേറിയ മാർക്കറ്റിൽ ബോംബ്​ ഘടിപ്പിച്ച ഇന്ധനടാങ്കർ പൊട്ടിത്തെറിക്കുകയായി​രുന്നു. ആക്രമണത്തി​​െൻറ ഉത്തരവാദിത്തം ആരും ഏറ്റെടുത്തിട്ടില്ല.

സ്​​േഫാടനത്തിനു പിന്നിൽ കുർദിഷ്​ പീപ്​ൾസ്​ പ്രൊട്ടക്ഷൻ യൂനിറ്റ്​ (വൈ.പി.​ജി) ആണെന്ന്​ തുർക്കി ഭരണകൂടം ആരോപിച്ചു. കൊല്ലപ്പെട്ട 40 പേരിൽ 11പേർ കുട്ടികളാണ്​. പരിക്കേറ്റവരുടെ നില ഗുരുതരമായതിനാൽ മരണസംഖ്യ ഉയരാനാണ്​ സാധ്യത.