സൈനിക അഭ്യാസത്തിനിടെ പാർക്ക്​ ​െചയ്​ത വാഹനങ്ങളിലേക്ക്​ റോക്കറ്റ്​ പതിച്ചു- വിഡിയോ

മോസ്‌കോ: റഷ്യയിൽ സൈനികാഭ്യാസ പരിശീലനത്തിനിടെ മിലിട്ടറി ഹെലികോപ്ടര്‍ അബദ്ധത്തിൽ നിര്‍ത്തിയിട്ടിരുന്ന വാഹനങ്ങള്‍ക്കു മേല്‍ റോക്കറ്റുകള്‍ വര്‍ഷിച്ചു. താഴ്​ന്നു പറക്കുന്ന ഹെലികോപ്​ടറിൽ നിന്ന്​ റോക്കറ്റ്​ വാഹനത്തിൽ പതിക്കുന്നതി​​​െൻറ ദൃശ്യങ്ങൾ സ്വതന്ത്ര വാര്‍ത്താ സൈറ്റായ ഫൊണ്ടാങ്ക.ആര്‍ യുവാണ് ചൊവ്വാഴ്ച പുറത്തുവിട്ടത്.

​ വാഹനങ്ങൾ നിർത്തിയിട്ട തുറസായ സ്ഥലത്താണ്​ സൈനികകോപ്​ടറി​ൽ നിന്ന്​ അബദ്ധത്തിൽ റോക്കറ്റ്​ വർഷിച്ചത്​. നിർത്തിയിട്ട പഴയ പട്ടാള ട്രക്കി​​​െൻറ മുകളിലേക്കാണ്​ റോക്കറ്റ് പതിച്ചത്​. പട്ടാളവാഹനത്തിനു സമീപം മറ്റ് മൂന്നുവാഹനങ്ങള്‍ നിര്‍ത്തിയിട്ടിട്ടുണ്ടായിരുന്നു. ട്രക്കിനു സമീപമുണ്ടായിരുന്ന ഒരാള്‍ റോക്കറ്റ് പതിച്ചതിനു ശേഷം പൊടിപടലത്തില്‍ പെടുന്നതും ദൃശ്യത്തില്‍ കാണാം. 

സെപ്റ്റംബര്‍ പതിനെട്ടിനാണ് സംഭവം നടന്നതെന്ന്​ ന്യൂസ്​ ഏജൻസി റിപ്പോര്‍ട്ട് ചെയ്യുന്നു. എന്നാൽ സംഭവത്തിൽ ആളപയമുണ്ടായതായി റിപ്പോർട്ടില്ല. 
നിലവില്‍ ‘സപദ് 2017’ സൈനികപരിശീലനമാണ് പടിഞ്ഞാറൻ റഷ്യയിൽ നടത്തിക്കൊണ്ടിരിക്കുന്നത്. പ്രസിഡൻറ്​ വ്‌ളാഡിമിര്‍ പുടിന്‍ തിങ്കളാഴ്ച സൈനികാഭ്യാസങ്ങള്‍ പരിശോധിക്കും.