ജൂലിയൻ അസാൻജ്​ അറസ്​റ്റിൽ -വിഡിയോ

ലണ്ടൻ: വിക്കിലീക്​സ്​ സ്ഥാപകന്‍ ജൂലിയന്‍ അസാന്‍ജിനെ ലണ്ടനിലെ എക്വഡോര്‍ എംബസി കെട്ടിടത്തിൽ കയറി ​ ബ്രിട്ടീഷ് പൊലീസ് അറസ്​റ്റ്​ ചെയ്​തു. സ്വീഡനില്‍ രജിസ്​റ്റര്‍ ചെയ്ത രണ്ടു ലൈംഗികാതിക്രമ കേസുകളില്‍ ഇൻറര്‍പോള്‍ അസാന് ‍ജിനെതിരെ നേരത്തേ ‘റെഡ് കോര്‍ണര്‍’ പുറപ്പെടുവിച്ചിരുന്നു.

അസാൻജ്​ ഏഴുവർഷമായി എക്വഡോർ എംബസിയിൽ രാഷ്​ട് രീയ അഭയം തേടിയിരിക്കയായിരുന്നു. എന്നാൽ, അഭയം നല്‍കാനുള്ള തീരുമാനം എക്വഡോര്‍ സര്‍ക്കാര്‍ പിന്‍വലിച്ചതോടെയാണ് ​ മെട്രോപൊളിറ്റന്‍ പൊലീസ് എംബസി കെട്ടിടത്തിലെത്തി അറസ്​റ്റ്​ രേഖപ്പെടുത്തിയത്​. മധ്യലണ്ടനിലെ പൊലീസ് സ്‌റ്റേഷനിലേക്കാണ് അസാന്‍ജിനെ ആദ്യം കൊണ്ടുപോയത്. വിവരങ്ങൾ ചോർത്തിയെന്ന കേസിൽ അസാന്‍ജിന്​ അഞ്ചു വർഷം വരെ തടവുശിക്ഷ ലഭിക്കാമെന്ന്​ ബ്രിട്ടീഷ് ജസ്​റ്റിസ്​ വകുപ്പ്​ അറിയിച്ചു.

WATCH: Moment Julian Assange is CARRIED out of the Ecuadorian Embassy in London. pic.twitter.com/OEeqmoksGr

— RT UK (@RTUKnews) April 11, 2019

കീഴടങ്ങാത്തതിനെ തുടർന്ന്​ ലണ്ടനിലെ വെസ്​റ്റ്​മിൻസ്​റ്റർ മജിസ്​​േട്രറ്റ്​ കോടതി 2012 ജൂണിൽ അസാൻജിനെതിരെ അറസ്​റ്റ്​ വാറൻറ്​ പുറപ്പെടുവിച്ചിരുന്നു. അസാൻജിനെതിരായ പീഡനക്കേസ്​ പിന്നീട്​ റദ്ദാക്കി. അതേസമയം, ജാമ്യവ്യവസ്​ഥകൾ ലംഘിച്ചതിനാണ്​ ഇപ്പോ​ഴത്തെ അറസ്​റ്റ്​. എക്വഡോർ അന്താരാഷ്​ട്ര നിയമങ്ങൾ ലംഘിച്ചിരിക്കയാണെന്ന്​ വിക്കിലീക്​സ്​ ആ​േരാപിച്ചു. ആരും നിയമത്തിനു മുകളിലല്ലെന്ന്​ ബ്രിട്ടീഷ്​ വിദേശകാര്യ സെക്രട്ടറി ജെറമി ഹണ്ട്​ പ്രതികരിച്ചു.

യു.എസ് സര്‍ക്കാറി​​െൻറ നയതന്ത്ര രേഖകള്‍ ഉൾപ്പെടെ നിരവധികാര്യങ്ങൾ ചോര്‍ത്തി വിക്കിലീക്‌സില്‍ പ്രസിദ്ധീകരിച്ചതിന് അന്വേഷണം നേരിടുന്നതിനാൽ സ്വീഡനിലേക്കു നാടുകടത്തിയാല്‍ അമേരിക്ക അറസ്​റ്റ്​ ചെയ്യുമെന്ന്​ അസാൻജ്​ ഭയപ്പെട്ടിരുന്നു. വിക്കിലീക​്​സ്​ രഹസ്യ രേഖകള്‍ പുറത്തുവിട്ടതിനുള്ള പ്രതികാരം എന്ന നിലയില്‍ അമേരിക്കയുടെ രഹസ്യപദ്ധതിയുടെ ഭാഗമാണ് അദ്ദേഹത്തിനെതിരായ കേസുകളെന്നാണ് വിക്കിലീക്​സും അസാന്‍ജിനെ അനുകൂലിക്കുന്നവരും പറയുന്നത്.

രാഷ്​ട്രീയ അഭയം പിന്‍വലിച്ച എക്വഡോര്‍, എംബസി മുഖേന ലണ്ടന്‍ പൊലീസിനെ വിളിച്ചുവരുത്തി അറസ്​റ്റ്​ ചെയ്യിക്കുകയായിരുന്നുവെന്ന് ചില അന്താരാഷ്​ട്ര മാധ്യമങ്ങള്‍ റിപ്പോര്‍ട്ട് ചെയ്​തു.

അ​േതസമയം, അസാന്‍ജി​​െൻറ പൗരത്വം എക്വഡോറിലെ ലെനിൻ മോറേനോ സർക്കാർ പിൻവലിച്ചു. വിദേശകാര്യ മന്ത്രി ജോസ്​ വലേൻസിയയാണ്​ ഇക്കാര്യം അറിയിച്ചത്​. അറസ്​റ്റിനു തൊട്ടു മുമ്പായിരുന്നു നടപടി. ആസ്​ട്രേലിയൻ വംശജനായ അസാൻജ്​​ ഏഴു വർഷമായി എക്വഡോർ എംബസിയിലാണ്​ കഴിഞ്ഞത്​. അദ്ദേഹം ഹാജരാക്കിയ രേഖകളിൽ നിരവധി ക്രമക്കേടുകൾ കണ്ടതിനെ തുടർന്നാണ്​ 2017ൽ നൽകിയ പൗരത്വം റദ്ദാക്കിയതെന്നാണ്​ എക്വഡോര്‍ സർക്കാർ വിശദീകരണം.