ജൂലിയൻ അസാൻ​ജിന്​ 50 ആഴ്​ച തടവ്​

ലണ്ടൻ: വിക്കിലീക്ക്​സ്​ സ്​ഥാപകൻ ജൂലിയൻ അസാൻ​ജിന്​ 50 ആഴ്​ച തടവ്​ ശിക്ഷ. ജാമ്യ വ്യവസ്​ഥകൾ ലംഘിച്ചതിനാണ്​ ശിക്ഷ. സൗത്വർക്​​ ക്രൗൺ കോടതിയാണ്​ അസാൻ​ജിനെ ശിക്ഷിച്ചത്​.

ജയിലിലേക്ക്​ കൊണ്ടുപോകു​േമ്പാൾ ത​െന്ന പിന്തുണക്കാനായി പിറകിലെ ഗാലറിയിൽ ഇരുന്നവർക്ക്​ നേരെ അസാൻ​ജ്​ മുഷ്​ടി ഉയർത്തിക്കാട്ടി. അവരും ഐക്യദാർഢ്യം പ്രകടിപ്പിച്ച്​ മ​ുഷ്​ടി ഉയർത്തി. തുടർന്ന്​ കോടതിക്ക്​ നേരെ തിരിഞ്ഞ്​ അപമാനം തോന്നുന്നുവെന്ന്​ വിളിച്ചു പറയുകയും ചെയ്​തു.

എക്വഡോർ എംബസിയിൽ കയറി ബ്രിട്ടീഷ്​ പൊലീസ്​​ അറസ്​റ്റ്​ ചെയ്​ത ശേഷം ഏപ്രിലിലാണ്​ ജാമ്യ ഉപാധികൾ ലംഘിച്ച കേസിൽ ജൂലിയൻ അസാൻ​ജ്​ കുറ്റക്കാരനാണെന്ന്​ വെസ്​റ്റ്​ മിനിസ്​റ്റർ മജിസ്​ട്രേറ്റ്​ കോടതി കണ്ടെത്തിയത്​. സ്വീഡനിലായിരിക്കു​േമ്പാൾ അസാൻ​ജ്​ പീഡിപ്പിച്ചു​െവന്ന്​ ആരോപിച്ച്​ രണ്ടു യുവതികൾ നൽകിയ കേസിലാണ്​ ജാമ്യ വ്യവസ്​ഥകൾ ലംഘിച്ചതായി കണ്ടെത്തിയത്​.

2010ൽ സ്വീഡനിലായിരിക്കു​േമ്പാഴാണ്​ അസാൻ​ജിനെതിരെ പീഡന പരാതി ഉയർന്നത്​. 2010 ഡിസംബറിൽ ​ബ്രി​ട്ട​ിഷ്​ പൊലീസിൽ കീഴിടങ്ങിയ അസാൻജിനെ സ്വീ​ഡ​നി​ലേ​ക്ക്​ നാ​ടു​ക​ട​ത്താ​നാ​ണ്​ ജ​ഡ്​​ജി ഉ​ത്ത​ര​വി​ട്ട​ത്. ഡി​സം​ബ​ർ 16ന്​ ഉ​പാ​ധി​ക​ളോ​ടെ ഹൈ​കോ​ട​തി ജാ​മ്യം ന​ൽ​കി. 2012ലാണ്​ ല​ണ്ട​നി​ലെ എക്വ​ഡോ​ർ എം​ബ​സി​യി​ൽ അ​ഭ​യം​തേ​ടി​യത്​.

അന്നുതൊ​ട്ട്​ ഇ​ക്വ​ഡോ​ർ എ​ബം​സി​യി​ലെ ചെ​റി​യ ഫ്ലാ​റ്റി​ലാ​ണ്​ അ​സാ​ൻ​ജ്​ ക​ഴി​ഞ്ഞ​ത്. ബലാത്സംഗക്കേസിൽ തടവു ശിക്ഷക്കു വിധിക്കപ്പെട്ട അസാൻജ്​ 2012ൽ ജാമ്യ വ്യവസ്​ഥകൾ ലംഘിച്ച്​ എക്വഡോർ എംബസിയിൽ അഭയം തേടിയ കുറ്റത്തിലാണ്​ ശിക്ഷ. ബലാത്​സംഗക്കേസ്​ നേരത്തെ തള്ളി പോയിരുന്നു. എന്നാൽ ജാമ്യവ്യവസ്​ഥ ലംഘിച്ചതിന്​ ശിക്ഷ ലഭിക്കുകയായിരുന്നു.