അൽജസീറ സർവെയിൽ ഉർദുഗാൻ പേഴ്​സൺ ഒാഫ്​ ദ ഇയർ

​ദോഹ: അൽജസീറ അറബിക്​ ​വെബ്​സൈറ്റ്​ നടത്തിയ സർവെയിൽ 2016ലെ പേഴ്​സൺ ഒാഫ്​ ദ ഇയർ ആയി തുർക്കി പ്രസി​ഡൻറ്​ റജബ്​ ത്വയ്യിബ്​ ഉർദുഗാനെ തെരഞ്ഞെടുത്തു. വെബ്​സൈറ്റി​​െൻറ ​ഫേസ്​ബുക്​ പേജ്​ വഴി നടത്തിയ സർവെയിൽ ഒന്നരലക്ഷത്തോളം പേർ​ വോട്ടു രേഖപ്പെടുത്തിയപ്പോൾ 40 ശതമാനം വോട്ട്​ നേടിയാണ്​ ഉർദുഗാൻ ഒന്നാമതെത്തിയത്​.

സിറിയയിൽ സർക്കാർ സൈന്യത്തി​​െൻറ വ്യോമാക്രമണത്തിനിടെ പരിക്കേറ്റ്​ ആംബുലൻസിൽ ഇരിക്കുന്ന ഉമ്രാൻ ദഖ്​നീഷ്​ എന്ന ബാലനാണ്​ 34 ശതമാനം വോ​േട്ടാടെ രണ്ടാമതെത്തിയത്​. തുനീഷ്യയിലെ വിമാന എഞ്ചിനീയറും ഹമാസ്​ മിലിറ്ററി വിഭാഗമായ ഇസ്സുദ്ദീൻ ഖസ്സാം ​ബ്രിഗേഡ്​ അംഗവുമായിരുന്ന മുഹമ്മദ്​ സവാരിയാണ്​ 17 ശതാമാനം ​വോ​േട്ടാടെ മൂന്നാമതെത്തിയത്​.

കഴിഞ്ഞ മാസം ഡിസംബർ 15ന്​ സവാരി കൊല്ലപ്പെട്ടിരുന്നു. കൊലക്ക്​ പിന്നിൽ ഇസ്രായേൽ ചാരസംഘടനയായ മൊസാദ്​ ആണെന്നാണ്​ ഹമാസ്​ ആരോപിക്കുന്നത്​.