പാരിസ്​ ഉടമ്പടി പ്രായോഗികമാക്കാൻ 200ഒാളം രാജ്യങ്ങൾ ധാരണയിലെത്തി

കാറ്റോവൈസ്​: 2015ൽ നിലവിൽവന്ന പാരിസ്​ കാലാവസ്​ഥ ഉടമ്പടി പ്രാ​​േയാഗികവത്​കരിക്കുന്നതിന്​ പോളണ്ടിലെ കാറ്റോ വൈസിൽ ചേർന്ന ലോകരാജ്യങ്ങളുടെ ഉച്ചകോടി ധാരണയിലെത്തി. കാലാവസ്​ഥ വ്യതിയാനം നിയന്ത്രിക്കുന്നതിനുള്ള പൊതുവായ നിയമസംഹിതക്കാണ്​ 200ഒാളം രാജ്യങ്ങൾ അംഗീകാരം നൽകിയത്. ആഗോള താപനില രണ്ടു ഡിഗ്രി സെൽഷ്യസ്​ എങ്കിലും കുറക്കാനുള്ള പാരിസ്​ ഉടമ്പടിയിലെ ലക്ഷ്യം കൈവരിക്കാൻ ഇനിയുമേറെ മുന്നോട്ടുപോകേണ്ടതുണ്ടെന്ന്​ 24ാമത്​ യുനൈറ്റഡ്​ നേഷൻസ്​ കാലാവസ്​ഥ വ്യതിയാന സമ്മേളന പ്രസിഡൻറ്​​ മൈക്കി​ൾ കുർട്ടിക പറഞ്ഞു.

എന്നാൽ, കരാർ ലോകത്തിന്​ ആവശ്യമായ തലത്തിലേക്ക്​ ഉയർന്നില്ലെന്ന്​ വിവിധ രാജ്യങ്ങളുടെ പ്രതിനിധികൾ വിമർശനമുയർത്തി. പ്രകൃതിദുരന്തങ്ങൾ മൂലം ദുരിതമനുഭവിക്കുന്ന വിവിധ രാജ്യങ്ങളാണ്​ കാർബൺ പുറന്തള്ളലിനെ നിയന്ത്രിക്കാൻ ഉതകുന്നതല്ല കരാറെന്ന്​ പ്രതികരിച്ചത്​. വികസ്വര രാജ്യങ്ങളോട്​ ഉടൻ നടപടി ആവശ്യപ്പെടുന്നതും വികസിത രാജ്യങ്ങൾക്ക്​ ഭാരമില്ലാത്തതുമാണ്​ കരാറെന്ന്​ ചിലർ ഉന്നയിച്ചു.

ഇൗജിപ്​ത്​, കാനഡ തുടങ്ങിയ രാജ്യങ്ങൾ കരാറി​​​െൻറ പരിമിതികൾ ഉന്നയിച്ചു. ഉടമ്പടി സംബന്ധിച്ച്​ ബ്രസീൽ അവസാനഘട്ടം വരെ മറ്റു രാജ്യങ്ങളുടെ നിലപാടിനെ എതിർത്തുനിന്നെങ്കിലും പിന്നീട്​ അംഗീകരിച്ചു.