ദ​രി​ദ്ര രാ​ജ്യ​ങ്ങ​ളി​ലേ​ക്ക്​​ മാ​ലി​ന്യ ക​യ​റ്റു​മ​തി നി​യ​ന്ത്രണം: യു.എസ്​ ഒഴികെ ലോക രാജ്യങ്ങളുടെ അംഗീകാരം

ല​ണ്ട​ൻ: സ​മ്പ​ന്ന രാ​ജ്യ​ങ്ങ​ൾ ഉ​ൽ​പാ​ദി​പ്പി​ക്കു​ന്ന ട​ൺ​ക​ണ​ക്കി​ന്​ പ്ലാ​സ്​​റ്റി​ക്​ മാ​ലി​ന്യ​ങ് ങ​ൾ ദ​രി​ദ്ര രാ​ജ്യ​ങ്ങ​ളി​ലേ​ക്ക്​ ത​ള്ളു​ന്ന ന​ട​പ​ടി​ക്ക്​ ത​ട​യി​ട്ട്​ യു.​എ​ൻ. ഇ​തു സം​ബ​ന്ധി​ച്ച ക​രാ ​റി​ൽ യു.എസ്​ ഒഴികെ ഒ​ട്ടു​മി​ക്ക രാ​ജ്യ​ങ്ങ​ളും ഒ​പ്പു​വെ​ച്ചു. ക​രാ​ർ പ്ര​കാ​രം പ്ലാ​സ്​​റ്റി​ക്​ മാ​ലി​ന ്യം ക​യ​റ്റു​മ​തി ചെ​യ്യു​ന്ന രാ​ജ്യ​ങ്ങ​ൾ ബ​ന്ധ​പ്പെ​ട്ട രാ​ജ്യ​ത്തി​​െൻറ അ​നു​മ​തി നേ​ട​ണം. ഇ​തു​വ​രെ​യു ം സ്വ​കാ​ര്യ സ്​​ഥാ​പ​ന​ങ്ങ​ൾ വ​ഴി ന​ട​ത്തി​യി​രു​ന്ന ക​യ​റ്റു​മ​തി​ക്ക്​ ഇ​തോ​ടെ താ​ൽ​ക്കാ​ലി​ക അ​റു​തി​യാ​കും.

യു.​എ​സി​ൽ​നി​ന്നു​ള്ള പ്ലാ​സ്​​റ്റി​ക്​ ഉ​ൽ​പ​ന്ന​ങ്ങ​ൾ പു​ന​രു​ൽ​പാ​ദി​പ്പി​ക്കു​ന്ന​ത്​ ചൈ​ന നേ​ര​ത്തേ നി​ർ​ത്തി​വെ​ച്ചി​രു​ന്നു. ഇ​തോ​ടെ​യാ​ണ്​ അ​വ മൊ​ത്ത​മാ​യി മൂ​ന്നാം​ലോ​ക രാ​ജ്യ​ങ്ങ​ളി​ലേ​ക്ക്​ ത​ള്ള​ൽ വ്യാ​പ​ക​മാ​യ​ത്. ഇ​ന്തോ​നേ​ഷ്യ, താ​യ്​​ല​ൻ​ഡ്, മ​ലേ​ഷ്യ തു​ട​ങ്ങി​യ രാ​ജ്യ​ങ്ങ​ളി​ൽ ഇ​ത്ത​രം മാ​ലി​ന്യ​ങ്ങ​ൾ ത​ള്ളാ​ൻ മാ​ത്ര​മു​ള്ള ഇ​ട​ങ്ങ​ൾ വ​ർ​ധി​ച്ചു​വ​ന്ന​താ​യി ‘ഇ​ൻ​സി​ന​റേ​റ്റ​ർ ആ​ൾ​ട്ട​ർ​നേ​റ്റി​വ്​​സ്​’ എ​ന്ന സം​ഘ​ട​ന കു​റ്റ​പ്പെ​ടു​ത്തി​യി​രു​ന്നു.

പ്ലാ​സ്​​റ്റി​ക്​ മാ​ലി​ന്യ​ങ്ങ​ൾ ക​ട​ലി​ൽ അ​ടി​ഞ്ഞു​കൂ​ടു​ന്ന​ത്​ സ​മു​ദ്ര​ങ്ങ​ളി​ലെ ആ​വാ​സ വ്യ​വ​സ്​​ഥ​ക്ക്​ ഭീ​ഷ​ണി​യാ​വു​ന്ന​താ​യി നേ​ര​ത്തേ റി​പ്പോ​ർ​ട്ടു​ക​ളു​ണ്ടാ​യി​രു​ന്നു. 100 മെ​ട്രി​ക്​ ട​ൺ മാ​ലി​ന്യ​ങ്ങ​ൾ ക​ട​ലി​ൽ മാ​ത്ര​മു​ണ്ടെ​ന്നാ​ണ്​ ക​ണ​ക്ക്. ഇ​വ​യി​ൽ 80-90 ശ​ത​മാ​ന​വും വ​രു​ന്ന​ത്​ ക​ര​യി​ൽ​നി​ന്നാ​ണ്.

സ്വി​റ്റ്​​സ​ർ​ല​ൻ​ഡി​ലെ ജ​നീ​വ​യി​ൽ യു.​എ​ൻ പ​രി​സ്​​ഥി​തി പ്രോ​ഗ്രാം സം​ഘ​ടി​പ്പി​ച്ച ഉ​ച്ച​കോ​ടി​യി​ൽ 187 രാ​ജ്യ​ങ്ങ​ളു​ടെ പ്ര​തി​നി​ധി​ക​ൾ ഉ​ട​മ്പ​ടി​യി​ൽ ഒ​പ്പു​വെ​ച്ചി​ട്ടു​ണ്ട്. 1400ഓ​ളം പ്ര​തി​നി​ധി​ക​ൾ 11 ദി​വ​സം ന​ട​ത്തി​യ സു​ദീ​ർ​ഘ ച​ർ​ച്ച​ക​ൾ​ക്കൊ​ടു​വി​ലാ​ണ്​ ക​രാ​ർ.