ലണ്ടനിൽ നവജാത ശിശുവിനും കോവിഡ്​ 19

ലണ്ടൻ: വടക്കുപടിഞ്ഞാറൻ ലണ്ടനിൽ നവജാത ശിശുവിനും കൊറോണ വൈറസ്​ ബാധ സ്​ഥിരീകരിച്ചു. കുഞ്ഞി​​െൻറ അമ്മക്ക്​ പ്രസവത്തിന്​ മുമ്പ്​ ന്യുമോണിയ രോഗം സ്​ഥിരീകരിച്ചിരുന്നു. പ്രസവശേഷം സംശയം തോന്നിയ ഡോക്​ടർമാർ ഉടനെ കുഞ്ഞി​​െൻറ മാതാവിനെ കോവിഡ്​ 19 പരിശോധനക്ക്​ വിധേയമാക്കി.

അമ്മക്ക്​ കോവിഡ്​ 19 ബാധ കണ്ടെത്തിയതിനെ തുടർന്ന്​ ശിശുവിനും പരിശോധന നടത്തുകയായിരുന്നു. കുഞ്ഞിന്​​ ജനിക്കുന്നതിന്​ മുമ്പ​ാണോ ശേഷമാണോ രോഗം ബാധിച്ചതെന്ന കാര്യം വ്യക്തമല്ലെന്ന്​ ആശുപത്രി അധികൃതർ അറിയിച്ചു. കുഞ്ഞി​​െൻറ മാതാവിനെ വിദഗ്​ധ ചികിത്സക്കായി മറ്റൊരു ആശുപത്രിയിലേക്ക്​ മാറ്റി.

ഫെബ്രുവരിയിൽ ചൈനയിൽ ഒരു സ്​ത്രീക്കും നവജാത ശിശുവിനും കോവിഡ്​ 19 വൈറസ്​ ബാധ സ്​ഥിരീകരിച്ചിരുന്നു. യൂറോപ്പിൽ കോവിഡ്​ 19 ബാധിതരുടെ എണ്ണം ക്രമാതീതമായി ഉയരുന്നുണ്ട്​. ലണ്ടനിൽ മാത്രം 136 പേർക്കാണ്​ രോഗം സ്​ഥിരീകരിച്ചത്​. സ്​കോട്ട്​ലൻഡിൽ ആദ്യ കോവിഡ്​ മരണം കഴിഞ്ഞദിവസം സ്​ഥിരീകരിച്ചു.