ന്യൂസിലൻഡ്​​ പ്രധാനമന്ത്രി ജസീന്ത ആർഡേൻ വിവാഹിതയാവുന്നു

വെല്ലിങ്​ടൻ: ന്യൂസിലൻഡ്​ പ്രധാനമന്ത്രി ജസീന്ത ആർഡേൻ വിവാഹിതയാവുന്നു. ടെലിവിഷൻ അവതാരകനായ ക്ലാർക്ക്​ ഗേഫോർഡാണ്​ ജസീന്തയുടെ വരൻ. കഴിഞ്ഞ ഈസ്​റ്റർ അവധിക്കാലത്ത്​ ഇരുവരുടെയും വിവാഹ നിശ്​ചയം കഴിഞ്ഞതായി ജസീന്തയുടെ വക്​താവ്​ അറിയിച്ചു.

2012ലാണ്​ ജസീന്തയും കാമുകൻ ക്ലാർക്ക്​ ഗേഫോർഡും തമ്മിൽ കണ്ടുമുട്ടുന്നത്​. ഏ​െറക്കാലമായി പ്രണയത്തിലായിരുന്ന ഇരുവർക്കും ഒരു മകളുണ്ട്​. ഇക്കഴിഞ്ഞ ജൂണിലാണ്​ ഇരുവർക്കും പെൺകുട്ടി പിറന്നത്​. കുട്ടിയുടെ ജനനം അന്നു തന്നെ വാർത്തകളിൽ ഇടംപിടിച്ചിരുന്നു.

ന്യുസിലൻഡിലെ ക്രൈസ്​റ്റ്​ ചർച്ചിൽ നടന്ന ഭീകരാക്രമണത്തെ തുടർന്ന്​ നടത്തിയ ഇടപ്പെടലുകളാണ്​ ജസീന്തയെ ആഗോളതലത്തിൽ പ്രശസ്​തയാക്കിയത്​. ഭീകരാക്രമണത്തിന്​ ശേഷം പൊതുവേദിയിൽ ഹിജാബ്​ ധരിച്ച്​ മുസ്ലീം സമുദായത്തോടുള്ള ബഹുമാനം ജസീന്ത പ്രകടനമാക്കിയതിനെയും ലോകം പുകഴ്​ത്തിയിരുന്നു.