ക്രൈസ്​റ്റ്​ ചർച്ച്​ ഭീകരാക്രമണം: ന്യൂസിലൻഡിൽ തോക്ക്​ നിരോധനവുമായി പ്രധാനമന്ത്രി

ക്രൈസ്​റ്റ്​ ചർച്ച്​: ക്രൈസ്​റ്റ്​ ചർച്ച്​ ഭീകരാക്രണത്തി​​െൻറ പശ്​ചാത്തലത്തിൽ ന്യൂസിലൻഡിൽ തോക്ക്​ നിരോധനവുമായി പ്രധാനമന്ത്രി ജ​സീ​ന്ത ആ​ർ​ഡേ​ൻ. സെമി ഓ​േട്ടാമാറ്റിക്​ ആയുധങ്ങളും റൈഫിളുകളുമെല്ലാം നിരോധിച്ചവയിൽ ഉൾപ്പെടും. വ്യാഴാഴ്​ച നടത്തിയ വാർത്ത സമ്മേളനത്തിൽ ക്രൈസ്​റ്റ്​ചർച്ച്​ ഭീകരാക്രമണത്തിൽ ഉപയോഗിച്ച എല്ലാ ആയുധങ്ങളും നിരോധിക്കുമെന്ന്​ ജസീന്ത ആർഡേൻ വ്യക്​തമാക്കി.

ഏപ്രിൽ 11 മുതൽ നിയമം നടപ്പിലാക്കാൻ കഴിയുമെന്നാണ്​ പ്രതീക്ഷയെന്ന്​ ന്യൂസിലൻഡ്​ പ്രധാനമന്ത്രി പറഞ്ഞു. ഇത്തരം ആയുധങ്ങൾ ഉപയോഗിക്കുന്നവർ ഉടൻ തന്നെ അത്​ സർക്കാറിൽ​ സറണ്ടർ ചെയ്യണം. നിയമം പരിഷ്​കരിക്കുന്നതിനായി നടപടികൾ വേഗത്തിലാക്കുമെന്നും ജസീന്ത വ്യക്​തമാക്കി.

തീ​വ്ര​വ​ല​തു​പ​ക്ഷ വം​ശീ​യ​ത തു​ട​ച്ചു​നീ​ക്കാ​ൻ ലോ​കം ഒ​റ്റ​ക്കെ​ട്ടാ​യി അ​ണി​നി​ര​ക്ക​ണ​മെ​ന്ന്​ ന്യൂ​സി​ല​ന്‍ഡ് പ്ര​ധാ​ന​മ​ന്ത്രി ജ​സീ​ന്ത ആ​ർ​ഡേ​ൻ ആ​വ​ശ്യ​പ്പെ​ട്ടിരുന്നു. ഇതിന്​ പിന്നാലെയാണ്​ തോക്ക്​ നിയമങ്ങളും കർശനമാക്കുന്നത്​.