നാഗസാകിയെ അതിജീവിച്ച പോസ്​റ്റ്​മാൻ അന്തരിച്ചു

ടോക്കിയോ:രണ്ടാം ലോകമഹായുദ്ധത്തിൽ നാഗസാകിയിൽ അമേരിക്ക വർഷിച്ച അണുബോംബാക്രമണത്തെ അതിജീവിച്ച പോസ്​റ്റുമാൻ സുമിതേരു താനിഗുച്ചി (88) ഒടുവിൽ മരണത്തിന്​ കീഴടങ്ങി. അർബുദത്തെ തുടർന്ന്​ തെക്ക്​പടിഞ്ഞാറൻ ജപ്പാനിലെ സ്വകാര്യ ആശുപത്രിയിലായിരുന്നു​ അന്ത്യം. 
അണുബോംബാക്രമണത്തി​​െൻറ ഇരയായ താനിഗുച്ചി നിരായുധീകരണത്തിനായി ലോകമെമ്പാടും പ്രചരണം നടത്തിയിരുന്നു. താനിഗുച്ചിയുടെ പ്രവർത്തനങ്ങൾക്ക്​ അംഗീകാരമായി അ​േദഹത്തെ നെബേൽ പുരസ്​കാരത്തിന്​ ശിപാർശ ചെയ്തിരുന്നു.  

 1945ൽ അമേരിക്ക നാഗസാകിയിൽ അണുബോംബ്​ വർഷിച്ചപ്പോൾ പതിനാറുകാരനായ താനിഗുച്ചി സൈക്കിളിൽ യാത്രചെയ്യുകയായിരുന്നു. അന്ന്​ പോസ്​റ്റുമാനായിരുന്ന സുമിതേരു താനിഗുച്ചി കത്തുകൾ നൽകാൻ വേണ്ടി പോവുകയായിരുന്നു. ബോംബാക്രമണത്തിൽ അദ്ദേഹത്തിന്​ ഗുരുതരമായി പൊള്ളലേറ്റു. 

‘ബോംബ്​ വർഷിച്ച നാഗസാകിയിൽ നിന്നും ഒന്നര കിലോമീറ്റർ അകലെ സൈക്കിളിൽ പോയികൊണ്ടിരിക്കുകയായിരുന്നു. മഴവില്ലുപോലെ തെളിഞ്ഞ പ്രകാശത്തിനു പിന്നലെ ഇരുട്ടുപടരുകയും പ്രദേശമൊന്നാകെ തകരുകയും ചെയ്​തു. തെറിച്ചു വീണ ത​​െൻറ ഇടതുകൈയ്യുടെ വിരൽ തുമ്പിൽ നിന്നും മുതുകുവരെയുള്ള തൊലി പാടെ പൊള്ളി തൂങ്ങി. പതിയെ പുറത്തുതൊട്ടപ്പോൾ വസ്​ത്രമൊന്നുമില്ലായിരുന്നു. ഇടതുകൈയ്യിലും മുതുകിലും പൂർണമായും പൊളളലേറ്റിരുന്നു. കണ്ണുതുറക്കു​േമ്പാൾ ചുറ്റും കരിഞ്ഞ മൃതദേഹങ്ങളും തകർന്ന കെട്ടിടങ്ങൾക്കുള്ളിൽ നിന്ന്​ ജീവനായുള്ള നിലവിളികളും, മാംസം അടർന്നു വീഴ്​ന്നുകൊണ്ടിരുക്കുന്ന ജീവനുകൾ.. ആ പ്രദേശം തീകടലായി മാറിയിരുന്നു. അത്​ ഒരു നരകമായി’’– താനിഗുച്ചി ആ ദിവസത്തെ ഒാർത്തെടുത്തത്​ ഇങ്ങനെയായിരുന്നു.
ഗുരുതരമായി പരിക്കേറ്റ അദ്ദേഹം മൂന്നര വർഷമാണ്​ ആശുപത്രിയിൽ കഴിഞ്ഞത്​. ശേഷം ആണവ നിരായുധീകരണ പ്രചരണവുമായി രാജ്യത്തും  പുറത്തും സഞ്ചരിച്ചു. അദ്ദേഹത്തി​​െൻറ ജീവിതവും അനുഭവവുമായിരുന്നു പ്രചരണത്തിനായി ഉപയോഗിച്ചത്​. 

ആണവായുധങ്ങൾ മുനുഷ്യവംശത്തെ രക്ഷിക്കില്ലെന്നത്​ പുതുതലമുറ ഒാർമ്മിക്കണമെന്ന സന്ദേശമാണ്​ താനിഗുച്ചി പ്രചരിപ്പിച്ചത്​. ആഗസ്​റ്റ്​ ഒമ്പതിന്​ നാഗസാകിയിൽ യു.എസ്​ വർഷിച്ച പ്​ളൂ​േട്ടാണിയം ബോംബാക്രമണത്തിൽ 74,000 പേരാണ്​ കൊല്ലപ്പെട്ടത്.