രാജ്​ഞിപദത്തിൽ എലിസബത്തിന് 65 വർഷം

ബ്രിട്ടീഷ് രാജ്ഞി പദത്തിൽ ഏറ്റവും കൂടുതൽ കാലം പൂർത്തിയാക്കിയതിന്‍റെ റെക്കോർഡ് എലിസബത്ത്​-രണ്ടിന്.  എലിസബത്ത് രാജ്ഞിയുടെ സ്ഥാനാരോഹണം നടന്നിട്ട് ഇന്നേക്ക്​ 65 വർഷം പൂർത്തിയായി. പിതാവ് ജോർജ്​ നാലാമൻ ശ്വാസകോശ അർബുദത്തെ തുടർന്ന് മരണപ്പെട്ടപ്പോൾ 1952 ഫെബ്രുവരി ആറിനാണ് എലിസബത്ത്​ ബ്രിട്ടീഷ്​ സിംഹാസനത്തിന്‍റെ അധിപയായത്. 2002ൽ കിരീടധാരണത്തിന്‍റെ 50ാം വാർഷികവും 2013ൽ 60ാം വാർഷികവും എലിസബത്ത്​ ​രാജ്ഞി ആഘോഷിച്ചിരുന്നു.

കിരീടധാരണത്തിന്‍റെ 65ാം വാർഷികത്തിൽ എലിസബത്ത്​ ​രാജ്ഞിക്ക്​ ആദരമർപ്പിച്ച്​ ലണ്ടനിൽ പീരങ്കി പട്ടാളം 41 ആചാരവെടിയുതിർത്തു. പിതാവ്​ ജോർജ്​ നാലാമൻ വിവാഹ സമ്മാനമായി നൽകിയ വസ്​ത്രമാണ്​ 65ാം വാർഷികാഘോഷവേളയിൽ എലിസബത്ത്​ രാജ്​ഞി ധരിക്കുക.

90കാരിയായ രാജ്​ഞി വിദേശ സന്ദർശനങ്ങൾ ഒഴിവാക്കിയിട്ടുണ്ടെങ്കിലും ഇപ്പോഴും ഒൗദ്യോഗിക ജോലികളിൽ സജീവമാണ്​. എല്ലാ ദിവസത്തേയും പോലെ ഇന്നും കിഴക്കൻ ഇംഗ്ലണ്ടിലെ സാൻ​ട്രിങ്​​ഹാമിലുള്ള വസതിയിൽ തന്നെ എലിസബത്ത്​ രാജ്​ഞി ചെലവഴിക്കുമെന്ന്​ അവരുടെ ഒാഫീസ്​ അറിയിച്ചു.

ബ്രിട്ടീഷ്​ രാജകുടുംബത്തി​​െൻറ പാരമ്പര്യമനുസരിച്ച്​ അടുത്ത കിരീടാവകാശി എലിസബത്ത്​ രാജ്​ഞിയുടെ മകൻ ചാൾസ്​ രാജകുമാരനാണ്​. തുടർന്ന് ചാൾസ്-ഡയാന ദമ്പതികളുടെ മൂത്ത മകനായ മകൻ വില്യം രാജകുമാരനും വില്യമി​​െൻറ രണ്ട് മക്കളാ‍യ ജോർജും ചാർലറ്റുമായിരിക്കും​ കിരീടാവകാശികൾ.