ഉത്തരകൊറിയൻ ബന്ധം: സിഡ്​നിയിൽ ഒരാൾ അറസ്​റ്റിൽ

സിഡ്​നി: ഉത്തരകൊറിയയുടെ സാമ്പത്തിക വക്​താവെന്ന്​ സംശയിക്കുന്ന ഒരാൾ ആസ്​ട്രേലിയിൽ അറസ്​റ്റിൽ. ആസ്​ട്രേലിയൻ ഫെഡറൽ ​പൊലീസാണ്​ ചാൻ ഹാൻ ചോയെന്ന 59കാരനെ അറസ്​റ്റ്​ ചെയ്​തത്​.  അനധികൃത ആയുധ കച്ചവടവുമായി ബന്ധപ്പെട്ടാണ്​ അറസ്​റ്റ്​ ചെയ്​തത്​. 30 വർഷമായി ഇയാൾ ആസ്​ട്രേലിയയിൽ സ്ഥിരതാമസമാണ്​​. ഉത്തരകൊറിയയിലെ ഉന്നത ഉദ്യോഗസ്ഥരുമായി ഇയാൾക്ക്​ ബന്ധമുണ്ടെന്ന്​ സംശയിക്കുന്നു​. ആറ്​ കുറ്റങ്ങളാണ്​ ഇയാൾക്കെതിരെ പൊലീസ്​ ചുമത്തിയിരിക്കുന്നത്​.

ഉത്തരകൊറിയ വികസി​പ്പിച്ചെടുത്ത ബാലിസ്​റ്റിക്​ മിസൈലി​​െൻറ സാ​േങ്കതികവിദ്യ വിദേശവ്യവസായ സ്ഥാപനങ്ങൾക്ക്​ വിൽക്കുന്നതിന്​ ഇയാൾ ഇടനില നിന്നുവെന്നും ആരോപിക്കുന്നു​. വൻ വ്യവസായ സ്ഥാപനങ്ങൾക്ക് കൊറിയയിൽ നിന്ന്​ കൽക്കരി​ ഇറക്കുമതി ചെയ്യുന്നതിന്​ ഇയാൾ ഇടനില നിന്നിട്ടുണ്ടെന്നും പൊലീസ്​ പറഞ്ഞു.