അടച്ചിട്ട മുറികളിലൊതുങ്ങി ഈസ്​റ്റർ ദിനം

വത്തിക്കാൻ സിറ്റി: കോവിഡ്​-19 വിനാശം വിതക്കുന്ന സാഹചര്യത്തിൽ അടച്ചിട്ട മുറികളിലിരുന്ന്​ ലോകമെമ്പാടുമുള്ള കോടിക്കണക്കിന്​ ജനം ഈസ്​റ്റർ ആഘോഷിച്ചു. ലോകമെമ്പാടും അടച്ചിട്ട പള്ളിമുറികളിൽ വിരലിലെണ്ണാവുന്ന പുരോഹിതർ മാത്രം ചടങ്ങുകൾ നിർവഹിച്ചു. വത്തിക്കാനിലെ സ​െൻറ്​ പീറ്റേഴ്​സ്​ ബസിലിക്കയിലെ അടച്ചിട്ട മുറിയിൽ ഏതാനും അനുയായ ികൾക്കൊപ്പം ഫ്രാൻസിസ്​ മാർപാപ്പ പ്രാർഥന നടത്തി.

കോവിഡ്​ ബാധിച്ചവരെയും മരണപ്പെട്ടവരുടെ കുടുംബാംഗങ്ങളെ പോപ്​ അനുസ്​മരിച്ചു. ഇരുണ്ട മണിക്കൂറിൽ ജനങ്ങൾക്ക്​ പ്രതീക്ഷയുടെ സന്ദേശമാണ്​ ഈസ്​റ്റർ ​. മരണസമയത്ത്​ ദൈവദൂതന്മാരുടെ ജീവിതവും സമാനമായിരുന്നു. സംഘർഷങ്ങളിലേർപ്പെട്ടിരിക്കുന്നവർ വെടിനിർത്തൽ പ്രഖ്യാപിക്കണം. ആയുധ വിൽപനയെ അപലിച്ച പോപ്​ അഭയാർഥികൾക്കു നേരെ കരുണ കാണിക്കാനും ആവശ്യപ്പെട്ടു.

യു.എസ്​ കപ്പലിലെ 550 നാവികർക്ക്​ കോവിഡ്​

വാഷിങ്​ടൺ: പടിഞ്ഞാറൻ പസഫിക്​ സമുദ്രത്തിലെ അമേരിക്കൻ വിമാനവാഹിനിക്കപ്പലായ തിയഡോർ റൂസ്​വെൽറ്റിൽ 550 നാവികർക്ക്​ കോവിഡ്​ സ്ഥിരീകരിച്ചു. ശനിയാഴ്​ച 100 പേർക്കാണ്​ രോഗം കണ്ടെത്തിയത്​. 4800 നാവികരാണ്​ കപ്പലിൽ ഉണ്ടായിരുന്നത്​. മാർച്ച്​ 24ന്​ മൂന്ന്​ നാവികർക്ക്​ കോവിഡ്​ സ്ഥിരീകരിച്ചതിനു പിന്നാലെ 3000 നാവികരെ അമേരിക്കൻ ദ്വീപായ ഗുവാമിലേക്ക്​ മാറ്റി.

നേപ്പാളിൽ മൂന്ന്​ ഇന്ത്യൻ പൗരന്മാർക്ക്​ കോവിഡ്​ സ്​ഥിരീകരിച്ചു. രാജ്യത്ത്​ 12 പേർക്കാണ്​ കോവിഡ്​ സ്ഥിരീകരിച്ചത്​. കോവിഡിനെ പിടിച്ചുകെട്ടാനായെന്ന്​ അവകാശപ്പെടുന്ന ചൈനയിൽ രോഗികളുടെ എണ്ണം വർധിക്കുന്നു. ശനിയാഴ്​ച മാത്രം 99 പേരിലാണ്​ രോഗബാധ സ്ഥിരീകരിച്ചത്​.

മതനേതാക്കൾ പങ്കാളികളാകണം –ഗു​ട്ടെറസ്​

യുനൈറ്റഡ്​ നാഷൻസ്​: കോവിഡ്​-19നെ പരാജയപ്പെടുത്താനുള്ള പോരാട്ടത്തിൽ മതനേതാക്കളും പങ്കാളികളാകണമെന്ന്​ യു.എൻ സെക്രട്ടറി ജനറൽ അ​േൻറാണിയോ ഗു​ട്ടെറസ്. ലോകം ഭയപ്പാടിലാണ്​ കഴിയുന്നത്​.അതിനിടെ ആഘോഷങ്ങൾക്ക്​ സ്ഥാനമില്ല. ലോകം ഒറ്റ​​ക്കെട്ടായിനിന്ന്​ പോരാടിയാൽ വൈറസിനെ തുരത്താമെന്ന പ്രതീക്ഷയും അദ്ദേഹം പങ്കുവെച്ചു.