മ​രി​യു​പോ​ളി​ൽ ആ​​ക്ര​മ​ണം രൂ​ക്ഷം

കി​യ​വ്: മ​രി​യു​പോ​ളി​ലെ അ​സോ​വ്സ്റ്റാ​ൾ ഉ​രു​ക്കു ഫാ​ക്ട​റി​യി​ൽ റ​ഷ്യ വ്യോ​മാ​ക്ര​മ​ണം തു​ട​രു​ന്നു. സാ​ര​മാ​യി പ​രി​ക്കേ​റ്റ് ഫാ​ക്ട​റി​യി​ൽ കു​ടു​ങ്ങി​ക്കി​ട​ക്കു​ന്ന പോ​രാ​ളി​ക​ളെ സു​ര​ക്ഷി​ത​മാ​യി ഒ​ഴി​പ്പി​ച്ചാ​ൽ ത​ട​വി​ലാ​ക്കി​യ റ​ഷ്യ​ൻ ത​ട​വു​കാ​രെ മോ​ചി​പ്പി​ക്കാ​മെ​ന്ന വാ​ഗ്ദാ​ന​വു​മാ​യി യു​ക്രെ​യ്ൻ രം​ഗ​ത്തു​വ​ന്ന​തി​നു പി​ന്നാ​ലെ​യാ​ണ് ആ​ക്ര​മ​ണം ക​ന​ത്ത​ത്.

ഇ​തു​സം​ബ​ന്ധി​ച്ച് അ​നു​ര​ഞ്ജ​ന​ശ്ര​മ​ങ്ങ​ൾ ന​ട​ക്കു​ക​യാ​ണെ​ന്ന് യു​ക്രെ​യ്ൻ ഉ​പ​പ്ര​ധാ​ന​മ​ന്ത്രി ഇ​റി​ന വെ​റ​ഷ്ചു​ക് പ​റ​ഞ്ഞു. നി​ര​വ​ധി ഉ​പാ​ധി​ക​ളു​ണ്ട്. എ​ന്നാ​ൽ, ഒ​ന്നി​ലും ധാ​ര​ണ​യി​ലെ​ത്തി​യി​ട്ടി​ല്ലെ​ന്നും അ​വ​ർ അ​റി​യി​ച്ചു.

അ​തി​നി​ടെ ഒ​ഴി​പ്പി​ക്ക​ൽ പാ​ത​ക​ളെ​ല്ലാം റ​ഷ്യ​ൻ സേ​ന ഉ​പ​രോ​ധി​ച്ച​താ​യി മ​രി​യു​പോ​ൾ മേ​യ​ർ പ​റ​ഞ്ഞു. ഏ​താ​നും അ​പാ​ർ​ട്മെ​ന്റു​ക​ൾ മാ​ത്ര​മാ​ണ് മ​രി​യു​പോ​ളി​ൽ ജ​ന​വാ​സ​യോ​ഗ്യ​മാ​യി അ​വ​ശേ​ഷി​ക്കു​ന്ന​ത്. അ​വി​ടെ​ത​ന്നെ കു​ടി​വെ​ള്ള-​ഭ​ക്ഷ്യ​ക്ഷാ​മം രൂ​ക്ഷ​മാ​ണ്. ​ഫെ​ബ്രു​വ​രി 24 മു​ത​ൽ ഇ​തു​വ​​രെ 788 മി​സൈ​ലു​ക​ളാ​ണ് മ​രി​യു​പോ​ളി​നു​മേ​ൽ റ​ഷ്യ വ​ർ​ഷി​ച്ച​ത്.

യു​ക്രെ​യ്നി​ന്റെ തെ​ക്ക്, കി​ഴ​ക്ക് ഭാ​ഗ​ത്തു​ള്ള ഗ​താ​ഗ​ത അ​ടി​സ്ഥാ​ന സൗ​ക​ര്യ​ങ്ങ​ൾ ത​ക​ർ​ക്കു​ക എ​ന്ന​താ​ണ് റ​ഷ്യ​യു​ടെ പ്ര​ധാ​ന ല​ക്ഷ്യ​മെ​ന്ന് യു​ക്രെ​യ്നി​ലെ സാ​യു​ധ​സേ​ന​യി​ലെ അ​ല​ക്സി ഗ്രോ​മോ​വ് പ​റ​ഞ്ഞു. ഒ​ഡേ​സ​യി​ൽ ക​രി​ങ്ക​ട​ലി​നെ ല​ക്ഷ്യം​വെ​ച്ചു​നീ​ങ്ങി​യ ക്രൂ​സ് മി​സൈ​ൽ വെ​ടി​വെ​ച്ചി​ട്ട​താ​യി യു​ക്രെ​യ്ൻ വ്യ​ക്ത​മാ​ക്കി.

നാ​റ്റോ​യി​ൽ അം​ഗ​മാ​കു​ന്ന​ത് വൈ​കി​പ്പി​ക്കി​ല്ലെ​ന്ന് ഫി​ൻ​ല​ൻ​ഡ് പ്ര​സി​ഡ​ന്റും പ്ര​ധാ​ന​മ​ന്ത്രി​യും ​വ്യ​ക്ത​മാ​ക്കി. അ​യ​ൽ​രാ​ജ്യ​മാ​യ സ്വീ​ഡ​നും ഇ​തു​സം​ബ​ന്ധി​ച്ച് ഉ​ട​ൻ തീ​രു​മാ​നം കൈ​ക്കൊ​ള്ളും. റ​ഷ്യ​യെ പ്ര​കോ​പി​പ്പി​ക്കു​ന്ന തീ​രു​മാ​ന​മാ​ണ് ഇ​രു​രാ​ജ്യ​ങ്ങ​ളു​ടെ​യും.