തായ്​വാനിൽ കെട്ടിടത്തിൽ വൻ തീപിടിത്തം; മരണസംഘ്യ 46 കടന്നു

തെക്കൻ തായ്‌വാനിലെ കെട്ടിടത്തിലുണ്ടായ തീപിടിത്തത്തിൽ മരിച്ചവരുടെ എണ്ണം 46 ആയി. ഒറ്റരാത്രികൊണ്ടുണ്ടായ തീപിടുത്തമാണ്​ വൻ നാശം വിതച്ചത്​. പ്രാദേശിക ഉദ്യോഗസ്ഥർ വ്യാഴാഴ്​ച അറിയിച്ചതനുസരിച്ച് 41 പേർക്ക് പരിക്കേറ്റിട്ടുണ്ട്. പുലർച്ചെ 3 മണിയോടെയാണ് 13 നിലകളുള്ള കെട്ടിടത്തിന് തീപിടിച്ചതെന്ന് അഗ്നിശമന സേന ഉദ്യോഗസ്ഥർ പറഞ്ഞു. ഇപ്പോഴും അഗ്നിശമന സേന തിരച്ചിലും രക്ഷാപ്രവർത്തനവും തുടരുകയാണ്​.

തായ്‌വാനീസ് ടെലിവിഷനിൽ വന്ന വീഡിയോയിൽ തീ പിടിച്ച കെട്ടിടത്തി​െൻറ താഴത്തെ നിലകളിൽ നിന്ന് തീജ്വാലകളും പുകയും പുറത്തേക്ക് വരുന്നത്​ കാണാനകകും. തീപിടിത്തത്തി​െൻറ കാരണം വ്യക്തമല്ല. തീ ഏറെ പടർന്ന ശേഷമാണ്​ അഗ്നിശമന സേനയുടെ ശ്രദ്ധയിൽപ്പെട്ടതെന്ന്​ അവരുടെ ഒൗദ്യോഗിക പ്രസ്​താവനയിൽ പറയുന്നു. പുലർച്ചെ 3 മണിയോടെ വൻ പൊട്ടിത്തെറി കേട്ടതായി ദൃക്‌സാക്ഷികൾ തായ്‌വാൻ മാധ്യമങ്ങളോട് പറഞ്ഞു.

കെട്ടിടത്തിന് ഏകദേശം 40 വർഷം പഴക്കമുണ്ട്. താഴത്തെ നിലകളിൽ കടകളും മുകളിൽ അപ്പാർട്ടുമെൻറുകളുമാണ്​ ഉണ്ടായിരുന്നത്​. കെട്ടിടം ഏതാണ്ട്​ പൂർണ്ണമായും നശിച്ചു.