ആയുധമെത്തിച്ച നാളിൽ ഇസ്രായേലിന് ഭീഷണിക്കത്തുമായി യു.എസ്

വാ​ഷി​ങ്ട​ൺ: ഇ​സ്രാ​യേ​ലി​ന്റെ ര​ക്ഷ​ക്ക് കൂ​ടു​ത​ൽ സൈ​നി​ക​രെ അ​യ​ക്കു​ക​യും അ​ത്യാ​ധു​നി​ക ‘താ​ഡ്’ മി​സൈ​ൽ പ്ര​തി​രോ​ധ സം​വി​ധാ​ന​മെ​ത്തി​ക്കു​ക​യും ചെ​യ്ത​തി​നു പി​റ​കെ, നെ​ത​ന്യാ​ഹു​വി​ന് യു.​എ​സ് വ​ക ഭീ​ഷ​ണി​ക്ക​ത്തും. ഗ​സ്സ​യി​ൽ മാ​നു​ഷി​ക സ​ഹാ​യം മു​ട​ക്കു​ന്ന​ത് അ​വ​സാ​നി​പ്പി​ച്ചി​ല്ലെ​ങ്കി​ൽ സൈ​നി​ക സ​ഹാ​യം ​വെ​ട്ടി​ക്കു​റ​ക്കു​മെ​ന്നാ​ണ് സ്റ്റേ​റ്റ് ​സെ​ക്ര​ട്ട​റി ആ​ന്റ​ണി ബ്ലി​ങ്ക​നും പ്ര​തി​രോ​ധ സെ​ക്ര​ട്ട​റി ലോ​യ്ഡ് ഓ​സ്റ്റി​നും ഒ​പ്പു​വെ​ച്ച ക​ത്തി​ൽ പ​റ​യു​ന്ന​ത്. 30 ദി​വ​സ​ത്തെ സാ​വ​കാ​ശ​മാ​ണ് അ​നു​വ​ദി​ച്ചി​രി​ക്കു​ന്ന​ത്.

ഏ​റ്റ​വു​മൊ​ടു​വി​ൽ വ​ട​ക്ക​ൻ ഗ​സ്സ​യി​ൽ ഇ​സ്രാ​യേ​ൽ ദി​വ​സ​ങ്ങ​ളാ​യി തു​ട​രു​ന്ന സൈ​നി​ക നീ​ക്കം ല​ക്ഷ​ങ്ങ​ളെ ഇ​ഞ്ചി​ഞ്ചാ​യി കൊ​ല്ലു​ന്ന​താ​യി യു.​എ​ൻ റി​പ്പോ​ർ​ട്ട് ചെ​യ്തി​രു​ന്നു. വ​ട​ക്ക​ൻ ഗ​സ്സ​യി​ലേ​ക്ക് എ​ല്ലാ​വി​ധ സ​ഹാ​യ​ങ്ങ​ളും മു​ട​ക്കി​യും നാ​ടു​വി​ടാ​ൻ പോ​ലും അ​നു​വ​ദി​ക്കാ​തെ​യും വി​വി​ധ മേ​ഖ​ല​ക​ളി​ൽ കൂ​ട്ട​ക്കൊ​ല തു​ട​രു​ക​യാ​ണെ​ന്നാ​ണ് ക​ഴി​ഞ്ഞ ദി​വ​സ​ത്തെ റി​പ്പോ​ർ​ട്ട്. മ​റ്റു വ​ഴി​ക​ളെ​ല്ലാം ഇ​സ്രാ​യേ​ൽ മു​റി​ച്ചു​ക​ള​ഞ്ഞ​തി​നാ​ൽ യു.​എ​ൻ ഏ​ജ​ൻ​സി​ക​ൾ ന​ൽ​കു​ന്ന സ​ഹാ​യം മാ​ത്ര​മാ​ണ് നി​ല​വി​ൽ വ​ട​ക്ക​ൻ ഗ​സ്സ​യി​ലു​ള്ള​വ​ർ​ക്ക് ജീ​വ​ൻ നി​ല​നി​ർ​ത്താ​ൻ സ​ഹാ​യ​ക​മാ​കു​ന്ന​ത്. ഇ​തു​കൂ​ടി നി​ർ​ത്തു​ന്ന​ത് നാ​ലു ല​ക്ഷം ഫ​ല​സ്തീ​നി​ക​​ളെ മ​ഹാ​ദു​രി​ത​ത്തി​ലാ​ക്കി​യി​ട്ടു​ണ്ട്.

ഒ​രു വ​ർ​ഷം പി​ന്നി​ട്ട് തു​ട​രു​ന്ന വം​ശ​ഹ​ത്യ​യെ സ​ഹാ​യി​ച്ച് ഇ​സ്രാ​യേ​ലി​ന് ഏ​റ്റ​വും കൂ​ടു​ത​ൽ ആ​യു​ധ​ങ്ങ​ൾ ന​ൽ​കു​ന്ന​ത് യു.​എ​സാ​ണ്. യു​ദ്ധ​വി​മാ​ന​ങ്ങ​ൾ, ബോം​ബു​ക​ൾ, മി​സൈ​ലു​ക​ൾ, ഷെ​ല്ലു​ക​ൾ എ​ന്നി​വ​യി​ലേ​റെ​യും യു.​എ​സ് എ​ത്തി​ച്ചു​ന​ൽ​കു​ന്ന​താ​ണ്. ഈ ​ആ​യു​ധ​ങ്ങ​ൾ ഉ​പ​യോ​ഗി​ച്ച് ഇ​സ്രാ​യേ​ൽ തു​ട​രു​ന്ന അ​ധി​നി​വേ​ശം 17 ല​ക്ഷം ഫ​ല​സ്തീ​നി​ക​ളെ​യാ​ണ് ഒ​ട്ടും സൗ​ക​ര്യ​ങ്ങ​ളി​ല്ലാ​ത്ത അ​ൽ​മ​വാ​സി അ​ഭ​യാ​ർ​ഥി ക്യാ​മ്പി​നു​ള്ളി​ൽ ന​ര​കി​ച്ചു​ക​ഴി​യാ​ൻ നി​ർ​ബ​ന്ധി​ത​രാ​ക്കി​യ​ത്. അ​ടി​യ​ന്ത​ര​മാ​യി പ്ര​തി​ദി​നം 350 ലോ​റി സ​ഹാ​യ​മെ​ത്തി​ക്കാ​ൻ അ​നു​വ​ദി​ക്ക​ണ​മെ​ന്നാ​ണ് യു.​എ​സ് ആ​വ​ശ്യം. വ​ട​ക്ക​ൻ ഗ​സ്സ​യി​ൽ തു​ട​രു​ന്ന ഒ​റ്റ​പ്പെ​ടു​ത്ത​ൽ അ​വ​സാ​നി​പ്പി​ക്ക​ണ​മെ​ന്നും ക​ത്ത് നി​ർ​ദേ​ശി​ക്കു​ന്നു.

ക​ത്തി​നു പി​ന്നാ​ലെ വ​ട​ക്ക​ൻ ഗ​സ്സ​യി​ലേ​ക്ക് സ​ഹാ​യ ട്ര​ക്കു​ക​ൾ ക​ട​ത്തി​വി​ട്ട​താ​യി റി​പ്പോ​ർ​ട്ടു​ണ്ട്. ര​ണ്ടാ​ഴ്ച​ക്കി​ടെ ആ​ദ്യ​മാ​യാ​ണ് അ​തി​ർ​ത്തി ക​ട​ക്കാ​ൻ ട്ര​ക്കു​ക​ൾ​ക്ക് അ​നു​മ​തി ല​ഭി​ച്ച​ത്. ക​റം അ​ബൂ​സാ​ലിം, എ​റ​സ് ക്രോ​സി​ങ്ങു​ക​ൾ വ​ഴി 145 സ​ഹാ​യ ട്ര​ക്കു​ക​ൾ വ​ട​ക്ക​ൻ ഗ​സ്സ​യി​ൽ എ​ത്തി​യ​താ​യാ​ണ് റി​പ്പോ​ർ​ട്ട്.