നാല് ഇന്ത്യക്കാർ ആസ്ട്രേലിയയിൽ കടലിൽ മുങ്ങിമരിച്ചു

മെൽബൺ: ബന്ധുക്കളായ നാല് ഇന്ത്യക്കാർ ആസ്ട്രേലിയയിലെ ഫിലിപ് ദ്വീപിലെ ഫോറസ്റ്റ് കേവ് ബീച്ചിൽ കടലിൽ മുങ്ങിമരിച്ചു. പഞ്ചാബ് സ്വദേശിയായ നഴ്സായ ജഗ്ജീത് സിങ് (23), സർവകലാശാല വിദ്യാർഥികളായ കീർത്തി ബേദി (20), സുഹാനി ആനന്ദ് (20), റീമ സോഥി (43) എന്നിവരാണ് മരിച്ചത്.

സർഫിങ്ങിനിടെ ബോട്ട് അപകടത്തിൽ പെടുകയായിരുന്നു. രണ്ടാഴ്ച മുമ്പാണ് റീമ സോഥി ആസ്ട്രേലിയയിൽ എത്തുന്നത്. സുഹാനിയും കീർത്തിയും അവിടെ പഠിക്കുകയാണ്. മെൽബണിൽ ജോലിചെയ്യുന്ന ജഗ്ജീത് സിങ്ങിന് അവിടത്തെ സ്ഥിരം റെസിഡൻസിയുണ്ട്. ബന്ധുക്കളും പരിചയക്കാരുമായ പത്തംഗ സംഘം ജല വിനോദങ്ങളിൽ ഏർപ്പെടുന്നതിനിടെയാണ് അപകടം.