ടൺ കണക്കിന്​ മലിനജലം കടലിലേക്ക്​ ഒഴുക്കാൻ ഫുകുഷിമ; ഡി.എൻ.എ വരെ നശിപ്പിക്കുമെന്ന്​ ​ഗ്രീൻപീസ്​

ഫുകുഷിമ: ജപ്പാനിലെ ഫുകുഷിമ ആണവ വൈദ്യുത നിലയത്തിലെ മലിനജലം കടലിൽ ഒഴ​ുക്കാൻ തീരുമാനിച്ചതിനെതിരെ പരിസ്​ഥിതി സംഘടനയായ ​ഗ്രീൻപീസ്​. ജലത്തിൽ അടങ്ങിയ റേഡിയോ ആക്​ടീവ്​ കാർബൺ മനുഷ്യരിലെ ഡി.എൻ.എയെ വരെ നശിപ്പിക്കുമെന്നും ​​ഗ്രീൻപീസ്​ മുന്നറിയിപ്പ്​ നൽകി.

ഫുകുഷിമയിലെ ആണവ വൈദ്യുതി നിലയത്തിലെ പ്ലാൻറിൽ 1.23 മില്ല്യൺ മെട്രിക്​ ടൺ ജലം 2011 മുതൽ ഇതുവരെ ശേഖരിച്ചുവെച്ചിരിക്കുന്നു. ഇത്​ അപകടകരമായ നിലയിലാണെന്നും റേഡിയോ ആക്​ടീവ്​ ഐസോ​േടാപ്പായ കാർബൺ 14ഉം മറ്റു അപകടകരമായ റേഡിയോചന്യൂക്ലൈഡ്​സും ഇതിൽ അടങ്ങിയിരിക്കുന്നതായും പറയുന്നു. പസഫിക്​ സമുദ്രത്തിലേക്ക്​ ഇത്​ ഒഴുക്കുന്നതിലൂടെ ഭാവിയിൽ പരിസ്​ഥിതിക്കും മനുഷ്യർക്കും പ്രത്യാഘാതങ്ങൾ നേരിടേണ്ടിവരുമെന്നും സംഘടന വ്യക്തമാക്കി.

ആണവ വൈദ്യുത നിലയത്തെ തണുപ്പിക്കാൻ ഉപയോഗിക്കുന്ന ടൺ കടക്കിന്​ ജലം എന്തു​െചയ്യണമെന്നത്​ ജപ്പാൻ വർഷങ്ങളായി ആലോചിക്കുന്ന കാര്യമാണ്​. അവസാന ഉത്തരമായി അധികൃതരും രാജ്യത്തെ പരിസ്​ഥിതി മന്ത്രാലയവും വ്യക്തമാക്കിയത്​ ജലം പസഫിക്​ സമുദ്രത്തിലേക്ക്​ ഒഴുക്കാമെന്നതായിരുന്നു. തുടർന്ന്​ മത്സ്യ മേഖലയിലെയും പരിസ്​ഥിതി സംരക്ഷണ പ്രവർത്തകരും എതിർപ്പുമായി രംഗത്തെത്തി.

മലിനജലം ശുദ്ധീകരിച്ച്​ ഭൂരിഭാഗം ഐസോടോപ്പുകളും നീക്കം ചെയ്​ത ശേഷമാണ്​ ജലം കടലിലേക്ക്​ ഒഴുക്കുവെന്നും സർക്കാർ വൃത്തങ്ങൾ വ്യക്തമാക്കുന്നുണ്ട്​. എന്നാൽ ട്രിറ്റിയം ഐസോടോപ്പ്​ നീക്കം ചെയ്യാൻ സാധിക്കില്ലെന്നും മലിനജലത്തിൽ അപകടകമായ അളവിൽ കാർബൺ 14 അടങ്ങിയിട്ടുണ്ടെന്നും ​ഗ്രീൻപീസ്​ അറിയിച്ചു.