നീയൊരു ചെകുത്താനാണ്, ഏറ്റവും വലിയ തോൽവിയും​; കൊലയാളിയോട്​ ഇരകളുടെ രോഷപ്രകടനം

ക്രൈസ്​റ്റ്​ ചർച്ച്​: ന്യൂസിലാൻറിലെ പള്ളികളിൽ കൂട്ടക്കൊല നടത്തിയ ബ്രെൻറൺ ടറൻറിനെതിരെ രോഷപ്രകടനവുമായി ഇരകളുടെ ബന്ധുക്കൾ. ക്രൈസ്റ്റ്ചർച്ച് കോടതിയിൽ ചൊവ്വാഴ്ചയാണ്​ കേസ്​ സംബന്ധിച്ച്​ വാദം ആരംഭിച്ചത്​. 2019 മാർച്ച് 15 ന് നടന്ന ആക്രമണങ്ങളിൽ 51 പേരാണ്​ കൊല്ലപ്പെട്ടത്​. ഓസ്‌ട്രേലിക്കാരനായ 29 കാരൻ ബ്രെൻറൻ ടറൻറ്​ കുറ്റം സമ്മതിച്ചിട്ടുണ്ട്.

ത​െൻറ ഭർത്താവ്​ കൊലയാളിയെ നേരിടാൻ ശ്രമിക്കവെ ധീരനായാണ്​ മരിച്ചതെന്ന്​ അബ്രീൻ നയീം എന്ന യുവതി വിചാരണ വേളയിൽ പറഞ്ഞു. ഭർത്താവ് നയീം റാഷിദിനെയും മകൻ തൽഹയെയും ഇവർക്ക്​ വെടിവയ്​പ്പിൽ നഷ്ടമായിരുന്നു. 'ഭർത്താവും മകനും മരിച്ചതിനുശേഷം എനിക്ക് ഒരിക്കലും സാധാരണപോലെ ഉറങ്ങാനായിട്ടില്ല'- അബ്രീൻ നയീം പറഞ്ഞു.

'ഞാനും എ​െൻറ മക്കളും, ഇൻ‌ഷല്ലാ, ഇതിലും മികച്ചവരായിരിക്കുകയും കൂടുതൽ ഉത്തരവാദിത്തമുള്ള പൗരന്മാരായിരിക്കുകയും ഈ സമൂഹത്തിന് ഏറ്റവും മികച്ച സംഭാവന നൽകുകയും ചെയ്യും'. നീ ലോകത്തിലെ ഏറ്റവും വലിയ പരാജിതനാണെന്നും അവർ ടറൻറിനോട്​ പറഞ്ഞു. ന്യൂസിലാൻറിൽ പരോൾ ഇല്ലാതെ ജീവപര്യന്തം തടവിന് ശിക്ഷിക്കപ്പെടുന്ന ആദ്യത്തെ വ്യക്തിയായിരിക്കും ടറൻറ്​ എന്നാണ്​ കരുതപ്പെടുന്നത്​.

വധശിക്ഷ നിലവിലില്ലാത്തതിനാൽ ഇയാൾക്ക്​ കൊടുക്കാൻ പറ്റുന്ന പരമാവധി ശിക്ഷ അതാണ്​. അൽ നൂർ പള്ളിയിൽ 'പിശാച്' എത്തിയപ്പോൾ എന്ന്​ പറഞ്ഞാണ്​ ഇരകളിൽ ഒരാളായ മുഹമ്മദ് സിദ്ദിഖി സംസാരിച്ചത്​. ആക്രമണത്തിൽ ഇദ്ദേഹത്തി​െൻറ കയ്യിൽ വെടിയേറ്റിരുന്നു.'അതെ, നിരപരാധികളെ കൊല്ലാനുള്ള ദുരുദ്ദേശത്തോടെ നിങ്ങൾ ദൈവത്തി​െൻറ ഭവനത്തിൽ പ്രവേശിച്ചതിനാലാണ് ഞാൻ പിശാച് എന്ന് വിളിക്കുന്നത്.

എ​െൻറ സുഹൃത്തുക്കളുടെയും കുടുംബത്തി​െൻറയും സ്വപ്നങ്ങളെ നി​െൻറ ഭീരുത്വം നിറഞ്ഞ പ്രവർത്തി ന​ശിപ്പിച്ചു'- മുഹമ്മദ് സിദ്ദിഖി പറഞ്ഞു. ഇത്​ കേൾക്കവെ ടറൻറ്​ ത​െൻറ താടി പതുക്കെ ഇളക്കുന്നുണ്ടായിരുന്നു. മകൻ സയ്യിദ് കൊല്ലപ്പെട്ടതിനെ തുടർന്ന്​ വിചാരണക്കായി കോടതിയിലെത്തിയ നോറൈനി മിൽനെ 'നിന്നെ ഞാൻ മരിച്ചവനായാണ്​ കാണുന്നതെന്നും ഈ ലോകത്ത് നിനക്ക്​ എന്ത്​ ശിക്ഷ ലഭിച്ചാലും ഒരിക്കലും മതിയാകില്ല'എന്നും പറഞ്ഞു.