റഷ്യൻ ഗ്യാസ് സ്റ്റേഷനിലെ ​സ്ഫോടനം;11 മരണം

മോസ്കോ: റഷ്യയുടെ തെക്കൻ മേഖലയിലെ ഗ്യാസ് സ്റ്റേഷനിലുണ്ടായ സ്ഫോടനത്തിൽ മരിച്ചവരുടെ എണ്ണം 11 ആയി. ശനിയാഴ്ച അവശിഷ്ടങ്ങൾക്കിടയിൽനിന്ന് ഒരു മൃതദേഹംകൂടി കണ്ടെടുത്തു. ഡാഗെസ്‍താനിലെ മഖാച്കലയിലുള്ള ഗ്യാസ് സ്റ്റേഷനിലാണ് വെള്ളിയാഴ്ച സ്ഫോടനം നടന്നത്.

സ്ഫോടനത്തിൽ ഗ്യാസ് സ്റ്റേഷന്റെ കഫറ്റീരിക്കും തീപിടിക്കുകയായിരുന്നു. മരിച്ചവരിൽ രണ്ട് പേർ ​കുട്ടികളാണെന്ന് റഷ്യയുടെ എമർജൻസി മന്ത്രാലയം അറിയിച്ചു. മോസ്കോയിൽനിന്ന് 1600 കിലോമീറ്റർ അകലെയുള്ള പ്രദേശമാണ് മഖാച്കല. സ്ഫോടനത്തെക്കുറിച്ച് അന്വേഷണം തുടങ്ങിയതായി പ്രാദേശിക അധികൃതർ പറഞ്ഞു.

കഴിഞ്ഞ ആഗസ്റ്റിൽ ഗ്യാസ് സ്റ്റേഷനിലുണ്ടായ സ്ഫോടനത്തിൽ 35 പേ​ർ കൊല്ലപ്പെടുകയും 115 പേർക്ക് പരിക്കേൽക്കുകയും ചെയ്തിരുന്നു.