കരഞ്ഞുകലങ്ങി ഗസ്സ; തുടച്ചുനീക്കപ്പെട്ട് കുടുംബങ്ങൾ

ഗ​സ്സ സി​റ്റി: വെ​ടി​നി​ർ​ത്ത​ൽ ച​ർ​ച്ച​ക​ൾ ഒ​രു​വ​ശ​ത്ത് തു​ട​രു​​ന്ന​തി​നാ​ൽ എ​ല്ലാം ശ​രി​യാ​കു​മെ​ന്നും നീ​ണ്ട ഇ​ട​വേ​ള​ക്കു​ശേ​ഷം ആ​ഹ്ലാ​ദ​ത്തി​ന്റെ പെ​രു​ന്നാ​ൾ എ​ത്തു​മെ​ന്നും കാ​ത്തി​രി​പ്പി​ലാ​യി​രു​ന്നു ഗ​സ്സ​യി​ലെ 20 ല​ക്ഷം കു​ടും​ബ​ങ്ങ​ൾ. ഏ​റെ​പേ​രും അ​ടു​ത്ത​നാ​ളി​ലെ വ്ര​ത​മെ​ടു​ക്കാ​ൻ തീ​രു​മാ​ന​മെ​ടു​ത്ത് പ്ര​തീ​ക്ഷ​യോ​ടെ ഉ​റ​ങ്ങി​യ​വ​ർ.

അ​വ​രു​ടെ നി​റ​മു​ള്ള സ്വ​പ്ന​ങ്ങ​ൾ മാ​ത്ര​മ​ല്ല, ജീ​വി​ത​വും ത​ക​ർ​ത്താ​ണ് ചൊ​വ്വാ​ഴ്ച പു​ല​ർ​ച്ച ര​ണ്ടു​മ​ണി​യോ​ടെ ഇ​സ്രാ​യേ​ൽ ബോം​ബ​റു​ക​ളും അ​തി​ർ​ത്തി​ക്ക​പ്പു​റ​ത്തെ പീ​ര​ങ്കി​ക​ളും ഒ​ന്നി​ച്ച് തീ​തു​പ്പി​യ​ത്. കെ​ട്ടി​ട​ങ്ങ​ളി​ൽ 80 ശ​ത​മാ​ന​വും നേ​ര​ത്തേ ത​ക​ർ​ക്ക​പ്പെ​ട്ട ഗ​സ്സ തു​രു​ത്തി​ലെ ഉ​ള്ള സൗ​ക​ര്യ​ങ്ങ​ളി​ൽ ഞെ​രു​ങ്ങി​ക്ക​ഴി​യു​ന്ന​വ​ർ​ക്കു മേ​ലാ​യി​രു​ന്നു മ​ര​ണം വ​ർ​ഷി​ച്ച​ത്.

ത​നി​ക്ക് കു​ടും​ബ​ത്തി​ലെ 26 പേ​രെ​യാ​ണ് ഒ​റ്റ​രാ​ത്രി​യി​ൽ ന​ഷ്ട​മാ​യ​തെ​ന്ന് പ​റ​യു​ന്നു ഗ​സ്സ സി​റ്റി​യി​ലെ മു​അ്മി​ൻ ഖു​റൈ​ഖി​ഹ്. കു​ടും​ബ​മൊ​ന്നി​ച്ച് രാ​ത്രി ഉ​റ​ങ്ങു​ന്ന​തി​നി​ടെ​യാ​ണ് ഭീ​ക​ര​ശ​ബ്ദ​ത്തി​ൽ ബോം​ബു​ക​ൾ പ​തി​ച്ച​ത്. കെ​ട്ടി​ട​ത്തി​ന​ടി​യി​ലാ​യ പ​ല​രെ​യും ഇ​നി​യും ക​ണ്ടെ​ത്താ​നാ​യി​ല്ലെ​ന്നും മു​അ്മി​ൻ പ​റ​യു​ന്നു.

ആ​ശു​പ​ത്രി​ക​ൾ നി​റ​യെ ചോ​ര പു​ത​ച്ച നി​ല​യി​ലാ​ണെ​ന്നും ഗ​സ്സ ഒ​രി​ക്ക​ലൂ​ടെ കൊ​ല​ക്ക​ള​മാ​യി മാ​റി​യെ​ന്നും അ​ൽ​ജ​സീ​റ​ക്കാ​യി ഗ​സ്സ സി​റ്റി​യി​ൽ​നി​ന്ന് റി​പ്പോ​ർ​ട്ട് ചെ​യ്യു​ന്ന ഹാ​നി മ​ഹ്മൂ​ദ് പ​റ​ഞ്ഞു. അ​ൽ​അ​ഹ്‍ലി ആ​ശു​പ​ത്രി​യി​ൽ നി​ഷ്‍ക​ള​ങ്ക​ത തു​ളു​മ്പു​ന്ന മു​ഖ​വു​മാ​യി മ​രി​ച്ചു​കി​ട​ക്കു​ന്ന കു​ഞ്ഞു​ങ്ങ​ൾ മു​ത​ൽ സ്ത്രീ​ക​ളു​ടെ​യും മ​റ്റു​ള്ള​വ​രു​ടെ​യും മൃ​ത​ദേ​ഹ​ങ്ങ​ളാ​ണ് എ​ങ്ങും. ജീ​വ​ന​റ്റ ര​ണ്ട് ​പെ​ൺ​മ​ക്ക​ളെ ചേ​ർ​ത്തു​പി​ടി​ച്ച് ക​ര​യു​ന്ന ഒ​രു ഉ​മ്മ​യു​ടെ കാ​ഴ്ച ശ​രി​ക്കും ക​ണ്ണു​ന​ന​യി​​ച്ചെ​ന്ന് ഹാ​നി പ​റ​യു​ന്നു.

ഗ​സ്സ​യി​ൽ സു​ര​ക്ഷി​ത​മാ​യി ഇ​ട​ങ്ങ​ളൊ​ന്നു​മി​ല്ലെ​ന്ന വി​ളം​ബ​ര​മാ​യി​രു​ന്നു ചൊ​വ്വാ​ഴ്ച പു​ല​ർ​ച്ച ന​ട​ത്തി​യ ആ​ക്ര​മ​ണ​പ​ര​മ്പ​ര. അ​വ​ശ്യ മ​രു​ന്നു​ക​ളി​ല്ലാ​തെ ഓ​രോ മി​നി​റ്റി​ലും ഒ​രാ​ൾ മ​ര​ണ​ത്തി​ന് കീ​ഴ​ട​ങ്ങു​ന്ന കാ​ഴ്ച​യാ​ണെ​ന്ന് അ​ൽ​ശി​ഫ ആ​ശു​പ​ത്രി ഡ​യ​റ​ക്ട​ർ മു​ഹ​മ്മ​ദ് അ​ബൂ സ​ൽ​മി​യ പ​റ​യു​ന്നു.

രോ​ഗി​ക​ൾ​ക്ക് അ​ടി​യ​ന്ത​ര​മാ​യി ന​ൽ​കേ​ണ്ട​തി​നാ​ൽ ര​ക്തം ന​ൽ​കാ​നാ​വ​ശ്യ​പ്പെ​ട്ട് ദെ​യ്ർ അ​ൽ​ബ​ല​ഹി​ൽ ആ​രോ​ഗ്യ മ​ന്ത്രാ​ല​യം അ​റി​യി​പ്പ് എ​ല്ലാ​യി​ട​ത്തും എ​ത്തി​ച്ചി​ട്ടു​ണ്ട്. ര​ണ്ടാ​ഴ്ച​യാ​യി അ​വ​ശ്യ സ​ഹാ​യ​ങ്ങ​ൾ എ​ല്ലാം മു​ട​ക്കി​യ ഗ​സ്സ​യി​ലെ ആ​ശു​പ​ത്രി​ക​ളി​ൽ വ​ൻ പ്ര​തി​സ​ന്ധി​യാ​ണ്. മ​രു​ന്നി​നു മാ​ത്ര​മ​ല്ല, ഇ​ന്ധ​ന​ത്തി​നും ക്ഷാ​മ​മു​ള്ള​തി​നാ​ൽ പ്ര​വ​ർ​ത്ത​നം നി​ർ​ത്തി​വെ​ക്കേ​ണ്ടി​വ​രു​മെ​ന്ന ആ​ശ​ങ്ക നി​ല​നി​ൽ​ക്കു​ക​യാ​ണ്.

റ​മ​ദാ​നി​ലെ ദി​ന​ങ്ങ​ളി​ലെ​ങ്കി​ലും ഇ​ത്തി​രി മ​നു​ഷ്യ​ത്വം പ്ര​തീ​ക്ഷി​ച്ച​വ​ർ​ക്കു നേ​രെ​യാ​യി​രു​ന്നു ക്രൂ​ര​ത മാ​ത്രം അ​ട​യാ​ള​പ്പെ​ട്ട ആ​ക്ര​മ​ണ​ങ്ങ​ൾ. ത​ക​ർ​ക്ക​പ്പെ​ട്ട കെ​ട്ടി​ടാ​വ​ശി​ഷ്ട​ങ്ങ​ൾ​ക്ക​ടി​യി​ൽ ഇ​നി​യു​മെ​ത്ര പേ​രു​ണ്ടാ​കു​മെ​ന്ന നെ​ടു​വീ​ർ​പ്പോ​ടെ​യു​ള്ള കാ​ത്തി​രി​പ്പി​ലാ​ണ് ഗ​സ്സ​യി​ലെ കു​ടും​ബ​ങ്ങ​ൾ.