ജി.സി.സി യോഗം ഇന്ന്; ഗസ്സ പുനർനിർമാണം അജണ്ട

റി​യാ​ദ്: ഗ​സ്സ വി​ഷ​യ​ത്തി​ൽ ജി.​സി.​സി രാ​ജ്യ​ങ്ങ​ളു​ടെ യോ​ഗം വെ​ള്ളി​യാ​ഴ്ച സൗ​ദി അ​റേ​ബ്യ​യു​ടെ ത​ല​സ്ഥാ​ന​മാ​യ റി​യാ​ദി​ൽ ന​ട​ക്കും. ഇ​ത്ത​വ​ണ സൗ​ദി കി​രീ​ടാ​വ​കാ​ശി മു​ഹ​മ്മ​ദ് ബി​ൻ സ​ൽ​മാ​ന്റെ ക്ഷ​ണ​പ്ര​കാ​രം ജോ​ർ​ഡ​ൻ, ഈ​ജി​പ്ത് തു​ട​ങ്ങി​യ രാ​ജ്യ​ങ്ങ​ളും യോ​ഗ​ത്തി​ൽ പ​​ങ്കെ​ടു​ക്കും. ബ​ഹ്‌​റൈ​ൻ, കു​വൈ​ത്ത്, ഒ​മാ​ൻ, ഖ​ത്ത​ർ, സൗ​ദി, യു.​എ.​ഇ തു​ട​ങ്ങി​യ രാ​ജ്യ​ങ്ങ​ളാ​ണ് ഗ​ൾ​ഫ് സ​ഹ​ക​ര​ണ കൗ​ൺ​സി​ൽ (ജി.​സി.​സി) അം​ഗ​ങ്ങ​ൾ.

മാ​ർ​ച്ചി​ൽ ന​ട​ക്കാ​നി​രി​ക്കു​ന്ന അ​റ​ബ് ഉ​ച്ച​കോ​ടി​യി​ൽ അ​വ​ത​രി​പ്പി​ക്കാ​നു​ള്ള പ്ര​ധാ​ന അ​ജ​ണ്ട​ക​ളാ​യി​രി​ക്കും ​ജി.​സി.​സി യോ​ഗ​ത്തി​ന്റെ മു​ഖ്യ ച​ർ​ച്ച. ഫ​ല​സ്തീ​ൻ പു​ന​ർ​നി​ർ​മാ​ണ​ത്തി​ന് ഈ​ജി​പ്ത് ത​യാ​റാ​ക്കി​യ ബ​ദ​ൽ പ​ദ്ധ​തി ജി.​സി.​സി യോ​ഗം ച​ർ​ച്ച ചെ​യ്യു​മെ​ന്നാ​ണ് വി​വ​രം.

ഫ​ല​സ്തീ​നി​ക​ളെ ഗ​സ്സ​യി​ലെ സു​ര​ക്ഷി​ത​സ്ഥാ​ന​ത്തേ​ക്ക് മാ​റ്റി അ​ന്താ​രാ​ഷ്ട്ര നി​ർ​മാ​ണ ക​മ്പ​നി​ക​ളു​ടെ സ​ഹാ​യ​ത്തോ​ടെ പു​ന​ർ​നി​ർ​മി​ക്കാ​നാ​ണ് ഈ​ജി​പ്ത് പ​ദ്ധ​തി ത​യാ​റാ​ക്കി​യ​ത്. ഫ​ല​സ്തീ​നി​ക​ളെ വി​വി​ധ രാ​ജ്യ​ങ്ങ​ളി​ലേ​ക്ക് മാ​റ്റി ഗ​സ്സ ഏ​റ്റെ​ടു​ക്കു​മെ​ന്ന യു.​എ​സ് പ്ര​സി​ഡ​ന്റ് ഡോ​ണ​ൾ​ഡ് ട്രം​പി​ന്റെ പ്ര​ഖ്യാ​പ​ന​ത്തി​ന്റെ പ​ശ്ചാ​ത്ത​ല​ത്തി​ലാ​ണ് ജി.​സി.​സി യോ​ഗം ചേ​രു​ന്ന​ത്.

ട്രം​പി​ന്റെ പ​ദ്ധ​തി​യെ സ്വാ​ഗ​തം​ചെ​യ്ത ഇ​സ്രാ​യേ​ൽ, ഫ​ല​സ്തീ​നി​ക​ളെ ഒ​​ഴി​പ്പി​ക്കാ​നു​ള്ള നീ​ക്ക​ങ്ങ​ളും തു​ട​ങ്ങി​യി​രു​ന്നു. എ​ന്നാ​ൽ, ട്രം​പി​​ന്റെ പ്ര​ഖ്യാ​പ​നം അ​റ​ബ്, യൂ​റോ​പ്യ​ൻ രാ​ജ്യ​ങ്ങ​ൾ ത​ള്ളു​ക​യാ​ണു​ണ്ടാ​യ​ത്.