അഫ്​ഗാൻ അഭയാർഥികളെ സുരക്ഷിതരാക്കണമെന്ന് ജോർജ്​ ബുഷ്​

വാഷിങ്​ടൺ: അഫ്​ഗാൻ അഭയാർഥികൾക്ക്​ സുരക്ഷിതമായി യു.എസിലെത്താനുള്ള അവസരമൊരുക്കണമെന്ന്​ മുൻ യു.എസ്​ പ്രസിഡന്‍റ്​ ജോർജ്​ ഡബ്യു ബുഷ്​. യു.എസിനൊപ്പം നിന്നവരാണ്​ അഫ്​ഗാനികളെന്നും ബുഷ്​ ഓർമിപ്പിച്ചു.

അഫ്​ഗാനികൾ കടുത്ത പ്രതിസന്ധിയാണ്​ അഭിമുഖീകരിക്കുന്നത്​. രാജ്യത്തിന്‍റെ പുരോഗതിക്കായി മുൻനിരയിൽ നിന്നവരാണ്​ അവർ. അടിയന്തര സഹായം ആവശ്യപ്പെടുന്ന അഫ്​ഗാൻ ജനതക്ക്​ അത്​ നൽകാൻ ചുവപ്പുനാട തടസമാകരുത്​. സുരക്ഷിതമായി അവരെ നാട്ടിലെത്തിക്കാനുള്ള ബാധ്യത നമുക്കുണ്ട്​. സർക്കാറിതര സന്നദ്ധസംഘടനകളും അഫ്​ഗാൻ ജനതയെ സഹായിക്കാനായി മുന്നോട്ട്​ വരണമെന്നും ബുഷ്​ ആവശ്യപ്പെട്ടു.

അഫ്​ഗാൻ അധിനിവേശത്തിന്​ യു.എസ്​ തുടക്കം കുറിച്ചപ്പോൾ ബുഷായിരുന്നു പ്രസിഡന്‍റ്​. പിന്നീട്​ 20 വർഷത്തിന്​ ശേഷം നിലവിലെ പ്രസിഡന്‍റ്​ ജോ ബൈഡന്‍റെ ഭരണകാലത്ത്​​ അമേരിക്ക അഫ്​ഗാൻ വിടുന്നത്​. ഇതിന്​ പിന്നാലെയാണ്​ അഫ്​ഗാനിലെ പ്രവിശ്യകൾ ഓരോന്നായി കീഴടക്കി താലിബാൻ അധികാരം പിടിക്കുന്നത്​.