റഷ്യയുമായി ചർച്ച വേണമെന്ന് യുക്രെയ്ൻ; പുടിനെ മെരുക്കാൻ ജർമനി

കി​യ​വ്: റ​ഷ്യ​യു​​ടെ യു​ക്രെ​യ്ൻ അ​ധി​നി​വേ​ശം ആ​സ​ന്ന​മാ​ണെ​ന്ന റി​പ്പോ​ർ​ട്ടു​ക​ൾ​ക്കി​ടെ സൈ​നി​ക ന​ട​പ​ടി ഒ​ഴി​വാ​ക്കാ​ൻ അ​വ​സാ​ന​വ​ട്ട ശ്ര​മ​വു​മാ​യി ജ​ർ​മ​നി. ജ​ർ​മ​ൻ ചാ​ൻ​സ​ല​ർ ഒ​ല​ഫ് ഷോ​ൾ​സ് തി​ങ്ക​ളാ​ഴ്ച വൈ​കീ​ട്ട് യു​ക്രെ​യ്ൻ ത​ല​സ്ഥാ​ന​മാ​യ കി​യ​വി​ലെ​ത്തി.

പ്ര​സി​ഡ​ന്റ് വോ​ളോ​ഡി​മി​ർ സെ​ല​ൻ​സ്കി​യു​മാ​യി അ​ദ്ദേ​ഹം ച​ർ​ച്ച ന​ട​ത്തി. ഇ​വി​ടെ​നി​ന്ന് മോ​സ്കോ​യി​ലേ​ക്കു പോ​കു​ന്ന ഷോ​ൾ​സ് റ​ഷ്യ​ൻ പ്ര​സി​ഡ​ന്റ് വ്ലാ​ദി​മി​ർ പു​ടി​നു​മാ​യി കൂ​ടി​ക്കാ​ഴ്ച ന​ട​ത്തും. പു​ടി​നെ ഏ​തു​വി​ധേ​ന​യും അ​നു​ന​യി​പ്പി​ക്കാ​നു​ള്ള അ​വ​സാ​ന ശ്ര​മ​മാ​യാ​ണ് ജ​ർ​മ​ൻ ചാ​ൻ​സ​ല​റു​ടെ സ​ന്ദ​ർ​ശ​ന​ത്തെ വി​ല​യി​രു​ത്തു​ന്ന​ത്.

അ​തി​നി​ടെ, ന​യ​ത​ന്ത്ര നീ​ക്ക​ങ്ങ​ൾ​ക്ക് അ​വ​സ​രം ന​ൽ​ക​ണ​മെ​ന്ന് റ​ഷ്യ​ൻ വി​ദേ​ശ​കാ​ര്യ മ​ന്ത്രി സെ​ർ​ജി ലാ​വ്റോ​വ് പ്ര​സി​ഡ​ന്റ് പു​ടി​നോ​ട് അ​ഭ്യ​ർ​ഥി​ച്ചു. അ​മേ​രി​ക്ക​യു​മാ​യും നാ​റ്റോ സ​ഖ്യ​രാ​ഷ്ട്ര​ങ്ങ​ളു​മാ​യു​മു​ള്ള ച​ർ​ച്ച​ക​ളു​ടെ പാ​ത തു​റ​ന്നി​ട​ണ​മെ​ന്നാ​ണ് ലാ​വ്റോ​വ് പ​റ​ഞ്ഞ​ത്.

ആ​ശ​ങ്ക ക​ന​ക്കു​ന്ന സാ​ഹ​ച​ര്യ​ത്തി​ൽ യു​ക്രെ​യ്ൻ ത​ല​സ്‍ഥാ​ന​ത്തേ​ക്കു​ള്ള സ​ർ​വി​സു​ക​ൾ ചി​ല വി​മാ​ന​ക്ക​മ്പ​നി​ക​ൾ നി​ർ​ത്തി​വെ​ച്ചു. രാ​ജ്യം വി​ടാ​ൻ യു.​എ​സും ബ്രി​ട്ട​നും യൂ​റോ​പ്യ​ൻ രാ​ജ്യ​ങ്ങ​ളും ത​ങ്ങ​ളു​ടെ പൗ​ര​ന്മാ​രോ​ട് നി​ർ​ദേ​ശി​ച്ചി​രി​ക്കു​ക​യാ​ണ്.

അ​തി​നി​ടെ, നാ​റ്റോ​യി​ൽ ചേ​രാ​നു​ള്ള പ​ദ്ധ​തി യു​ക്രെ​യ്ൻ ഉ​പേ​ക്ഷി​ക്കു​ക​യാ​ണെ​ങ്കി​ൽ റ​ഷ്യ​യു​ടെ ആ​ശ​ങ്ക​ക​ൾ​ക്ക് വ​ലി​യൊ​ര​ള​​വ് അ​ത് പ​രി​ഹാ​ര​മാ​കു​മെ​ന്ന ക്രെം​ലി​ൻ വ​ക്താ​വ് ദി​മി​ത്രി പെ​സ്കോ​വി​​ന്റെ പ്ര​തി​ക​ര​ണം ശ്ര​ദ്ധേ​യ​മാ​യി. യു​ദ്ധം ഒ​ഴി​വാ​ക്കാ​ൻ നാ​റ്റോ പ്ര​വേ​ശ​ന നീ​ക്കം പു​നഃ​പ​രി​ശോ​ധി​ക്കാ​ൻ ത​യാ​റാ​ണെ​ന്ന് യു​ക്രെ​യ്നി​ന്റെ ബ്രി​ട്ടീ​ഷ് അം​ബാ​സ​ഡ​ർ വാ​ദിം പ്രി​സ്റ്റൈ​കോ ക​ഴി​ഞ്ഞ ദി​വ​സം സൂ​ചി​പ്പി​ച്ചി​രു​ന്നു. റ​ഷ്യ​യു​ടെ പ്ര​വ​ർ​ത്ത​ന​ങ്ങ​ൾ സം​ബ​ന്ധി​ച്ച് ക​ഴി​ഞ്ഞ ദി​വ​സം വി​ശ​ദീ​ക​ര​ണം ആ​വ​ശ്യ​പ്പെ​​ട്ടെ​ങ്കി​ലും മോ​സ്കോ പ്ര​തി​ക​രി​ച്ചി​ല്ലെ​ന്ന് യു​ക്രെ​യ്ൻ വി​ദേ​ശ​കാ​ര്യ മ​ന്ത്രി ദി​മി​ത്രോ കു​ലേ​ബ പ​റ​ഞ്ഞു.