​ഗ്രീസിൽ ശമനമില്ലാതെ കാട്ടുതീ; നൂറുകണക്കിനു​ വീടുകൾ കത്തിനശിച്ചു

ആതൻസ്​: ഗ്രീസിൽ ദിവസങ്ങളായി ശമനമില്ലാ​തെ തുടരുന്ന കാട്ടുതീയിൽ നൂറുകണക്കിന്​ വീടുകൾ കത്തിനശിച്ചു. ആയിരക്കണക്കിന്​ ആളുകളെ മേഖലയിൽനിന്ന്​ ഒഴിപ്പിച്ചിട്ടുണ്ട്​. ​

തലസ്​ഥാനമായ ആതൻസിലെ പട്ടണങ്ങളിൽ നിന്ന്​ ആയിരക്കണക്കിന്​ വിനോദസഞ്ചാരികളെയും ത​ദ്ദേശവാസികളെയുമാണ്​ ഒഴിപ്പിച്ചത്​. അണക്കാനുള്ള ശ്രമങ്ങൾക്കിടയിലും ശക്​തമായ കാറ്റും ഉയർന്ന താപനിലയും കാട്ടുതീയുടെ തോത്​ കൂട്ടുകയാണ്​.

ആയിരക്കണക്കിന്​ അഗ്​നിശമന സേനാംഗങ്ങൾ 20ഓളം വാട്ടർ ബോംബിങ്​ വിമാനങ്ങൾ ഉപയോഗിച്ചാണ്​ തീ നിയന്ത്രണവിധേയമാക്കാൻ ശ്രമിക്കുന്നത്​. ബ്രിട്ടൻ, ഫ്രാൻസ്​,യു.എസ്​ ഉൾപ്പെടെയുള്ള രാജ്യങ്ങളിൽ നിന്ന്​ അഗ്​നിശമന സേനാംഗങ്ങളും വിമാനങ്ങളും ഗ്രീസിലെത്തിയിട്ടുണ്ട്​. രാജ്യത്ത്​ കഴിഞ്ഞ 10 ദിവസത്തിനകം 56,655 ഹെക്​ടർ മേഖലയാണ്​ കാട്ടുതീയിലെരിഞ്ഞത്​.