ന്യൂ​യോ​ർ​ക്കി​ൽ വം​ശീ​യാ​ക്ര​മ​ണം; 18കാ​ര​ന്റെ വെ​ടി​വെപ്പിൽ 10 മരണം

ന്യൂ​യോ​ർ​ക്ക്: യു.​എ​സ് ന​ഗ​ര​മാ​യ ന്യൂ​യോ​ർ​ക്കി​ൽ 18കാ​ര​ന്‍റെ വെ​ടി​വെ​പ്പി​ൽ 10 പേ​ർ കൊ​ല്ല​പ്പെ​ട്ടു. കൊ​ല്ല​പ്പെ​ട്ട​വ​രി​ൽ ഭൂ​രി​ഭാ​ഗ​വും ആ​ഫ്രി​ക്ക​ൻ വം​ശ​ജ​രാ​ണ്. മൂ​ന്നു​പേ​ർ​ക്ക് പ​രി​ക്കേ​റ്റു. ന്യൂ​യോ​ർ​ക്കി​ലെ ബ​ഫ​ലോ ന​ഗ​ര​ത്തി​ലെ സൂ​പ്പ​ർ​മാ​ർ​ക്ക​റ്റി​ലാ​യി​രു​ന്നു വെ​ടി​വെ​പ്പു​ണ്ടാ​യ​ത്. ആ​ക്ര​മ​ണ​ത്തി​നു പി​ന്നി​ൽ വ​ർ​ണ​വെ​റി​യാ​ണെ​ന്ന് അ​ധി​കൃ​ത​ർ പ​റ​ഞ്ഞു. ആ​ക്ര​മ​ണ​ത്തി​ന്‍റെ ദൃ​ശ്യ​ങ്ങ​ൾ പ്ര​തി കാ​മ​റ​യി​ലൂ​ടെ ലൈ​വ് സ്ട്രീം ​ചെ​യ്തി​രു​ന്നു.

വെ​ടി​വെ​പ്പി​നു പി​റ​കെ ഹെ​ൽ​മ​റ്റ് ധ​രി​ച്ച തോ​ക്കു​ധാ​രി​യെ അ​റ​സ്റ്റ് ചെ​യ്ത​താ​യി ബ​ഫ​ലോ പൊ​ലീ​സ് ക​മീ​ഷ​ണ​ർ ജോ​സ​ഫ് ഗ്രാ​മ​ഗ്ലി​യ മാ​ധ്യ​മ​ങ്ങ​ളോ​ട് പ​റ​ഞ്ഞു. സൂ​പ്പ​ർ​മാ​ർ​ക്ക​റ്റി​ലെ പാ​ർ​ക്കി​ങ് കേ​ന്ദ്ര​ത്തി​ൽ​നി​ന്നി​രു​ന്ന നാ​ലു​പേ​ർ​ക്ക് നേ​രെ​യാ​ണ് സൈനിക വേഷത്തിലെത്തിയ ആ​ക്ര​മി ആ​ദ്യം വെ​ടി​യു​തി​ർ​ത്ത​ത്. ഇ​തി​ൽ മൂ​ന്നു​പേ​ർ സം​ഭ​വ സ്ഥ​ല​ത്തു​ത​ന്നെ മ​രി​ച്ചു. പി​റ​കെ അ​ക​ത്തു ക​യ​റി തു​ട​ർ​ച്ച​യാ​യി വെ​ടി​വെ​ച്ചു. സു​ര​ക്ഷ ജീ​വ​ന​ക്കാ​ര​നാ​യ മു​ൻ പൊ​ലീ​സ് ഓ​ഫി​സ​റും മ​രി​ച്ച​വ​രി​ൽ ഉ​ൾ​പ്പെ​ടും.

പൊ​ലീ​സെ​ത്തു​മ്പോ​ൾ ആ​ക്ര​മി തോ​ക്ക് സ്വ​ന്തം ക​ഴു​ത്തി​ൽ​വെ​ച്ച് ആ​ത്മ​ഹ​ത്യ ഭീ​ഷ​ണി മു​ഴ​ക്കി. പൊ​ലീ​സ് അ​നു​ന​യി​പ്പി​ച്ച് പി​ന്തി​രി​പ്പി​ക്കു​ക​യാ​യി​രു​ന്നു. പി​റ​കെ അ​റ​സ്റ്റ് ചെ​യ്യു​ക​യും ചെ​യ്തു. അതിനിടെ യു.എസ് നഗരമായ ഷികാഗോയിലെ മില്ലേനിയം പാർക്കിൽ 16കാരനെ വെടിയേറ്റ നിലയിൽ കണ്ടെത്തി. നെഞ്ചിൽ വെടിയേറ്റ കുട്ടിയെ ആശുപത്രിയിൽ പ്രവേശിപ്പിച്ചു. സംഭവവുമായി ബന്ധപ്പെട്ട് രണ്ടുപേരെ കസ്റ്റഡിയിലെടുത്തു. ഇവരിൽ നിന്ന് ആയുധങ്ങളും കണ്ടെടുത്തിട്ടുണ്ട്.