ഹെയ്​തി പ്രസിഡൻറിനെ വീട്ടിൽകയറി വെടിവെച്ചുകൊന്നു

പോർ​ട്ടോ പ്രിൻസ്​: കരീബിയൻ ദ്വീപ്​ രാഷ്​ട്രമായ ഹെയ്​തിയുടെ പ്രസിഡൻറ്​ ജൊവിനെൽ മൊയ്​സി​(53) അജ്ഞാതസംഘത്തി​െൻറ വെടിയേറ്റു മരിച്ചു. പ്രാദേശിക സമയം ബുധനാഴ്​ച പുലർച്ചെ ഒരുമണിയോടെ സായുധ സംഘം രാത്രിയിൽ പോർ​ട്ടോ പ്രിൻസിലെ വസതിയിൽ അതിക്രമിച്ചുകയറി ഇദ്ദേഹത്തെ വെടിവെച്ചുകൊല്ലുകയായിരുന്നുവെന്ന് ഇടക്കാല പ്രധാനമന്ത്രി ​​ക്ലോ​െഡ​ ജോസഫ്​ അറിയിച്ചു​. പ്രസിഡൻറി​െൻറ ചുമതല തനിക്കാണെന്നും അദ്ദേഹം അറിയിച്ചു. ആക്രമണത്തിൽ പരിക്കേറ്റ മൊയ്​സിയുടെ ഭാര്യ മാർട്ടീനി ആശുപത്രിയിലാണ്​. പ്രസിഡൻറി​െൻറ വധത്തോടെ ഭക്ഷ്യക്ഷാമവും ദാരിദ്ര്യവും കൊണ്ട്​ പൊറുമുട്ടിയ രാജ്യത്തെ രാഷ്​ട്രീയ അസ്​ഥിരത കൂടുതൽ രൂക്ഷമാകാനാണ്​ സാധ്യത​.

രണ്ടുവർഷത്തിലേറെയായി പൊതുതെരഞ്ഞെടുപ്പു നടക്കാതെ പാർലമെൻറ്​ പിരിച്ചുവിട്ട സാഹചര്യത്തിൽ സവിശേഷ അധികാരത്തി​െൻറ പിൻബലത്തിലായിരുന്നു മൊയ്​സി അധികാരത്തിൽ തുടർന്നത്​. ഈ വർഷമൊടുവിൽ രാജ്യത്ത്​ തെരഞ്ഞെടുപ്പ്​ നടത്താനായിരുന്നു തീരുമാനം. ​െകാല്ലപ്പെടുന്നതിന്​ മണിക്കൂറുകൾക്ക്​ മുമ്പാണ്​ പുതിയ പ്രധാനമന്ത്രിയായി ഏരിയൽ ഹെൻറിയെ മൊയ്​സി തെരഞ്ഞെടുത്തത്​.

കരീബിയൻ രാഷ്​ട്രങ്ങളിലെ ഏറ്റവും ദരിദ്രരാജ്യമാണ്​ ഹെയ്​തി. രാഷ്​ട്രീയ പ്രതിസന്ധി രൂക്ഷമായതിനൊപ്പം രാജ്യത്ത്​ അടുത്തിടെയായി സായുധസംഘങ്ങൾ മോചനദ്രവമാവശ്യപ്പെട്ട്​ ആളുകളെ തട്ടിക്കൊണ്ടുപോകുന്ന സംഭവവും വർധിച്ചിരുന്നു.

പ്രകൃതി ദുരന്തങ്ങൾക്കൊപ്പം ദാരിദ്ര്യവും ജനങ്ങളെ വലക്കുകയാണ്​. ഇത്തരം ദുരിതങ്ങൾക്കിടയിലും ജനങ്ങളുടെ ക്ഷേമത്തിനായി നടപടിയെടുക്കുന്നില്ലെന്ന്​ മൊയ്​സിനെതിരെ ആരോപണമുയർന്നിരുന്നു. 2021 ​അവസാനിക്കു​േമ്പാഴേക്കും രാജ്യത്ത്​ സുതാര്യമായ തെരഞ്ഞെടുപ്പ്​ നടത്തണമെന്ന്​ യു.എൻ രക്ഷാസമിതിയും യു.എസും യൂറോപ്പും ആവശ്യപ്പെട്ടിരുന്നു.