കമല ഹാരിസി​െൻറ സ്ഥാനാർഥിത്വം: ഇന്ത്യൻ സമൂഹത്തിന്​ ചരിത്രനിമിഷം

വാഷിങ്​ടൺ: ഇന്ത്യൻ വംശജയായ കമല ഹാരിസിനെ ഡെമോക്രാറ്റിക്​ പാർട്ടി വൈസ്​ പ്രസിഡൻറ്​ സ്ഥാനാർഥിയായി പ്രസിഡൻറ്​ സ്ഥാനാർഥി ജോ ബൈഡൻ നാമനിർ​േദശം ചെയ്​തത്​ അമേരിക്കയിലെ ഇന്ത്യൻ സമൂഹത്തിന്​ അഭിമാന നിമിഷമായി. രാഷ്​ട്രീയ വേർതിരിവുകൾക്കിടയിലും ബഹുഭൂരിഭാഗം ഇന്ത്യൻ വംശജരും കമലയുടെ നേട്ടത്തെ സ്വാഗതം ചെയ്​തു.

അമേരിക്കയിലെ ഇന്ത്യൻ സമൂഹത്തിന്​ ലഭിച്ച അംഗീകാരമായാണ്​ സ്ഥാനാർഥിത്വം വിലയിരുത്തുന്നത്​. പെപ്​സികോ മുൻ ​േമധാവി ഇന്ദ്രനൂയി അടക്കമുള്ളവർ ബൈഡ​െൻറ തീരുമാനത്തെ സ്വാഗതം ചെയ്​തു. കമലയെ തിരഞ്ഞെടുത്തത്​ മികച്ച തീരുമാനമാണെന്നും മൊത്തം അമേരിക്കൻ സമൂഹത്തിനും അഭിമാന നിമിഷമാണെന്നും ഇന്ദ്ര നൂയി ട്വീറ്റ്​ ചെയ്​തു. സ്ഥാനാർഥിത്വത്തോടെ ഇന്ത്യൻ അമേരിക്കൻ വംശജർ മുഖ്യധാര സമൂഹമായി മാറിയതായി ഇന്ത്യസ്​പോറ സ്ഥാപകനും പ്രമുഖ ഇന്ത്യൻ–അമേരിക്കൻ വംശജനുമായ എം.ആർ. രംഗസ്വാമി പറഞ്ഞു. ഇന്ത്യൻ അമേരിക്കൻ അഡ്വക്കസി ഗ്രൂപ്പായ 'ഇംപാക്​ട്​' ഡെമോക്രാറ്റിക്​ പാർട്ടി തിരഞ്ഞെടുപ്പ്​ പ്രചാരണത്തിന്​ 10 ദശലക്ഷം ഡോളർ സമാഹരിക്കുമെന്ന്​ പ്രഖ്യാപിച്ചിട്ടുണ്ട്​.

കമലയുടേത്​ എല്ലാം ഉൾക്കൊള്ളുന്ന അമേരിക്കയുടെ കഥയാണെന്നും കറുത്ത വർഗക്കാർക്കൊപ്പം ദശലക്ഷക്കണക്കിന്​ ഏഷ്യൻ അമേരിക്കൻ വോട്ടർമാർക്കും പ്രചോദനമാണെന്നും ഇംപാക്​ട്​ എക്​സിക്യൂട്ടിവ്​ ഡയറക്​ടർ നീൽ മഖിജ പറഞ്ഞു.

കാലിഫോർണിയയിലെ ഇന്ത്യൻ–അമേരിക്കൻ സംരംഭകൻ അജയ്​ ഭൂ​ട്ടോറിയ കമല ഹാരിസിനായി ഗ്രാഫിക്​, സാമൂഹിക മാധ്യമ പോസ്​റ്റുകളും പുറത്തിറക്കും. ബൈഡനു​വേണ്ടി ഹിന്ദി അടക്കം വിവിധ ഭാഷകളിൽ ഭൂ​ട്ടോറിയ പ്രചാരണം നടത്തുന്നുണ്ട്​. അതേസമയം, കമലയുടെ സ്ഥാനാർഥിത്വം ട്രംപിനെ പിന്തുണക്കുന്ന ഇന്ത്യൻ വംശജരായ വോട്ടർമാരിൽ ആശയക്കുഴപ്പവും ഉണ്ടാക്കിയിട്ടുണ്ട്​. ആദ്യ ആഴ്​ചകളിൽ കമല ഹാരിസി​െൻറ സ്ഥാനാർഥിത്വം ഇന്ത്യൻ വംശജരിൽ ആശയക്കുഴപ്പം സൃഷ്​ടിക്കുമെങ്കിലും അധികം വൈകാതെ ട്രംപാണ്​ ഇരുരാജ്യങ്ങളും തമ്മിലെ മികച്ച ബന്ധത്തിന്​ നല്ലത്​ എന്ന തീരുമാനത്തിലെത്തുമെന്ന്​ ട്രംപ്​ വിക്​ടറി ഇന്ത്യൻ അമേരിക്കൻ ഫിനാൻസ്​ കമ്മിറ്റി കോ ചെയർ ആയ അൽ മാസൺ പറഞ്ഞു. ബൈഡനും കമലയും ഇന്ത്യക്കായി ഒന്നും ചെയ്​തിട്ടില്ലെന്നും ട്രംപ്​ രാജ്യത്തി​െൻറ അടുത്ത സുഹൃത്താണെന്നും അൽ മാസൺ പറഞ്ഞു.