വ​ട​ക്ക​ൻ ഇ​സ്രാ​യേ​ലി​ൽ റോ​ക്ക​റ്റാ​ക്ര​മ​ണം ക​ടു​പ്പി​ച്ച് ഹി​സ്ബു​ല്ല

ജ​റൂ​സ​ലം: വ​ട​ക്ക​ൻ ഇ​സ്രാ​യേ​ലി​​ലെ ഹൈ​ഫ​യി​ലും ഗ​ലീ​ലി​യി​ലും ഹി​സ്ബു​ല്ല​യു​ടെ ക​ന​ത്ത റോ​ക്ക​റ്റാ​ക്ര​മ​ണം. ഹി​സ്ബു​ല്ല ഉ​പ​മേ​ധാ​വി ന​ഈം ഖാ​സിം ന​ട​ത്തി​യ ടെ​ലി​വി​ഷ​ൻ അ​ഭി​സം​ബോ​ധ​ന​ക്ക് തൊ​ട്ടു​പി​റ​കെ​യാ​ണ് നൂ​റി​ല​ധി​കം റോ​ക്ക​റ്റു​ക​ൾ ഈ ​പ്ര​ദേ​ശ​ങ്ങ​ൾ ല​ക്ഷ്യ​മി​ട്ടെ​ത്തി​യ​ത്. അ​ഞ്ചെ​ണ്ണം ഹൈ​ഫ​യി​ലും ക്ര​യോ​ട്ടി​ലും പ​തി​ച്ചു. 12 പേ​ർ​ക്ക് പ​രി​ക്കേ​റ്റി​ട്ടു​ണ്ട്. കെ​ട്ടി​ട​ത്തി​ന് നാ​ശം സം​ഭ​വി​ച്ചു.

ല​ബ​നാ​ൻ അ​തി​ർ​ത്തി​യി​ൽ ഇ​സ്രാ​യേ​ൽ ക​ര​സേ​നാ​നീ​ക്കം ന​ട​ക്കു​ന്ന പ്ര​ദേ​ശ​ത്തു​നി​ന്നാ​യി​രു​ന്നു ആ​ക്ര​മ​ണം. ഇ​സ്രാ​യേ​ലി​ലേ​ക്ക് കൂ​ടു​ത​ൽ ആ​ക്ര​മ​ണം ന​ട​ത്തു​മെ​ന്നും വ​ട​ക്ക​ൻ ഇ​സ്രാ​യേ​ലി​ൽ​നി​ന്ന് കൂ​ടു​ത​ൽ പേ​ർ ഒ​ഴി​ഞ്ഞു​പോ​കാ​ൻ നി​ർ​ബ​ന്ധി​ത​രാ​കു​മെ​ന്നും ഹി​സ്ബു​ല്ല നേ​താ​വ് ന​ഈം ഖാ​സിം പ​റ​ഞ്ഞു. ‘ത​ങ്ങ​ളു​ടെ പോ​രാ​ട്ട​വീ​ര്യം ഇ​പ്പോ​ഴും ശ​ക്ത​മാ​ണ്. ക​ഴി​ഞ്ഞ ദി​വ​സ​ങ്ങ​ളി​ലു​ണ്ടാ​യ ആ​ക്ര​മ​ണ​ങ്ങ​ളി​ൽ കൊ​ല്ല​പ്പെ​ട്ട നേ​താ​ക്ക​ൾ​ക്ക് പ​ക​ര​ക്കാ​ർ ചു​മ​ത​ല​യേ​റ്റു​ ക​ഴി​ഞ്ഞു.

ഹ​സ​ൻ ​ന​സ്റു​ല്ല​യു​ടെ പി​ൻ​ഗാ​മി​യെ ക​​ണ്ടെ​ത്താ​ൻ ഉ​ട​ൻ വോ​ട്ടെ​ടു​പ്പ് ന​ട​ക്കും. അ​മേ​രി​ക്ക ഇ​സ്രാ​യേ​ലി​ന് പി​ന്തു​ണ​യു​മാ​യി ഉ​ണ്ടാ​യി​രു​ന്നി​ല്ലെ​ങ്കി​ൽ എ​ന്നേ ആ ​രാ​ജ്യം ത​ക​ർ​ന്നു​വീ​ണേ​നെ’​യെ​ന്നും അ​ദ്ദേ​ഹം പ​റ​ഞ്ഞു. അ​തി​നി​ടെ, അ​തി​ർ​ത്തി ക​ട​ക്കാ​ൻ ശ്ര​മി​ച്ച ഇ​സ്രാ​യേ​ൽ സൈ​നി​ക​രെ തു​ര​ത്തി​യ​താ​യും ആ​ള​പാ​യം വ​രു​ത്തി​യ​താ​യും ഹി​സ്ബു​ല്ല അ​വ​കാ​ശ​പ്പെ​ട്ടു. ബൈ​റൂ​ത്തി​ൽ ന​ട​ത്തി​യ വ്യോ​മാ​ക്ര​മ​ണ​ത്തി​ൽ മു​തി​ർ​ന്ന ഹി​സ്ബു​ല്ല ക​മാ​ൻ​ഡ​ർ സു​ഹൈ​ൽ ഹു​സൈ​നിയെ വ​ധി​ച്ച​താ​യി ഇ​സ്രാ​യേ​ൽ സൈ​ന്യ​വും അ​വ​കാ​ശ​പ്പെ​ട്ടു.

ഹി​സ്ബു​ല്ല സ്ഥി​രീ​ക​രി​ച്ചി​ട്ടി​ല്ല. ബൈ​റൂ​ത്തി​ൽ ഹി​സ്ബു​ല്ല​യു​ടെ ശ​ക്തി​കേ​ന്ദ്ര​മാ​യ ദാ​ഹി​ല​യി​ൽ ചൊ​വ്വാ​ഴ്ച​യും ഇ​സ്രാ​യേ​ൽ സൈ​ന്യം ആ​ക്ര​മ​ണം ന​ട​ത്തി. അ​തി​നി​ടെ, ചൊ​വ്വാ​ഴ്ച മ​ധ്യ ഗ​സ്സ​യി​ലെ അ​ഭ​യാ​ർ​ഥി ക്യാ​മ്പി​ൽ ഇ​സ്രാ​യേ​ൽ ബോം​ബി​ങ്ങി​ൽ 17 ഫ​ല​സ്തീ​നി​ക​ൾ കൊ​ല്ല​പ്പെ​ട്ടു. 24 മ​ണി​ക്കൂ​റി​നി​ടെ, ഗ​സ്സ​യി​ൽ 56 പേ​രാ​ണ് ഇ​സ്രാ​യേ​ൽ കു​രു​തി​ക്കി​ര​യാ​യ​ത്.