കോവിഡ്​ മാറിയിട്ടില്ലെങ്കിൽ ട്രംപുമായി സംവാദത്തിനില്ലെന്ന്​ ജോ ബൈ​ഡൻ

വാഷിങ്​ടൺ: പ്രസിഡൻറ്​ ഡോണൾഡ്​ ട്രംപിന്​ ഇപ്പോഴും കോവിഡുണ്ടെങ്കിൽ അദ്ദേഹവുമായി സംവാദത്തിനില്ലെന്ന്​ ഡെമോക്രാറ്റിക്​ പാർട്ടിയുടെ പ്രസിഡൻറ്​ സ്ഥാനാർഥിയായ ജോ ബൈഡൻ. 'നിരവധിയാളുകൾക്ക്​ വൈറസ്​ ബാധയേറ്റിട്ടുണ്ട്​​. ഇതൊരു ഗുരുതരമായ രോഗമാണ്​. ക്ലെവ്​ലാൻഡ്​ ക്ലിനിക്കി​െൻറയും അവിടുത്തെ ഡോക്​ടർമാരുടേയും നിർദേശങ്ങൾ പാലിക്കേണ്ടതുണ്ടെന്നും' അദ്ദേഹം മാധ്യമങ്ങളോട്​ പറഞ്ഞു. ട്രംപി​െൻറ ഇപ്പോഴത്തെ സ്ഥിതി എന്താണെന്ന്​ എനിക്കറിയില്ല. അദ്ദേഹവുമായുള്ള സംവാദത്തിന്​ കാത്തിരിക്കുകയാണ്​. എന്നാൽ, എല്ലാ സുരക്ഷാ മാനദണ്ഡങ്ങളും അനുസരിക്കണമെന്നും ബൈഡൻ കൂട്ടിച്ചേർത്തു.

സെപ്​തംബർ 29നായിരുന്നു പ്രസിഡൻറ്​ സ്ഥാനാർഥികൾ തമ്മിലുള്ള മൂന്ന്​ തുറന്ന സംവാദങ്ങളിലെ ആദ്യത്തെ സംവാദം അരങ്ങേറിയത്​. ഒക്​ടോബർ 15ന്​ മയാമിയിൽ വെച്ചായിരുന്നു രണ്ടാമത്തെ സംവാദം നടക്കേണ്ടിയിരുന്നത്​. നാഷ്​വില്ലെയിൽ ഇൗ മാസം 22ന്​ മൂന്നാമത്തെതും ഷെഡ്യൂൾ ചെയ്​തിട്ടുണ്ട്​. നിലവിലെ സാഹചര്യത്തിൽ സംവാദം എങ്ങനെ നടത്തുമെന്ന കാര്യത്തിൽ വ്യക്​തതയില്ല. എന്നാൽ, കഴിഞ്ഞ ദിവസം പങ്കുവെച്ച ട്വീറ്റിൽ ബെയ്​ഡനുമായുള്ള സംവാദത്തിൽ പ​െങ്കടുക്കാൻ കഴിയുമെന്ന പ്രതീക്ഷയുണ്ടെന്ന്​ ട്രംപ്​ അറിയിച്ചിരുന്നു.

രോഗം ഭേദമാകുന്നതിനു മുമ്പു​തന്നെ പ്രസിഡൻറ്​ തെരഞ്ഞെടുപ്പി​െൻറ പ്രചാരണങ്ങളിലേക്ക്​ വീണ്ടുമിറങ്ങാൻ ട്രംപ്​ ഒരുങ്ങുകയാണെന്നും റിപ്പോർട്ടുകളുണ്ട്​.​​ വൈറ്റ്​ ഹൗസിലെ ഡോക്​ടർമാരെ ചില്ലറയൊന്നുമല്ല ഇത്​ ആശയക്കുഴപ്പത്തിലാക്കുന്നത്​. പൊതുജനാരോഗ്യ സംരക്ഷണത്തിനുള്ള മാർഗനിർദേശങ്ങളേക്കാൾ രാഷ്​ട്രീയ കാര്യങ്ങൾക്ക്​ ട്രംപ്​ മുൻതൂക്കം നൽകു​േമ്പാൾ ഡോ. കോൺലിയുടെ ഓഫിസ്​ വൈറ്റ്​ഹൗസ്​ ജോലിക്കാരെയും സന്ദർശകരെയും പ്രസിഡൻറിനെത്തന്നെയും കോവിഡി​െൻറ ഭീഷണിയിൽനിന്ന്​ രക്ഷി​ച്ചെടുക്കാൻ പെടാപ്പാട്​ പെടേണ്ട അവസ്​ഥയിലാണ്​.