ഇലാൻ ഉമർ: യു.എസ്​ ജനപ്രതിനിധി സഭയിലെ വേറിട്ട ശബ്​ദമായി വീണ്ടും

വാഷിങ്​ടൺ: ഡെമോക്രാറ്റ്​ അംഗം ഇലാൻ ഉമർ രണ്ടാം തവണയും യു.എസ്​ ജനപ്രതിനിധി സഭയിലേക്ക്​. അമേരിക്കയിലെ രാഷ്​ട്രീയ യാഥാസ്​ഥിതികത്വത്തെയും ​പ്രസിഡൻറ്​ ഡോണൾഡ്​ ട്രംപിനെ പോലെ കടുത്ത വലതുപക്ഷ യാഥാസ്​ഥിതികരെയും ചൊടിപ്പിച്ച ശബ്​ദമാണ്​ ഇലാൻ ഉമറി​േൻറത്​.

മിനിസോട്ടയിലെ ഫിഫ്​ത്ത്​ ഡിസ്​ട്രിക്​റ്റിൽനിന്ന്​ 2018ലാണ്​ ആദ്യം ഇലാൻ ജനപ്രതിനിധി സഭയിലെത്തുന്നത്​. ജനപ്രതിനിധി സഭയിലെത്തുന്ന ആദ്യ സൊമാലി -അമേരിക്കൻ വംശജ കൂടിയാണ്​ ഇവർ. ആദ്യഘട്ടത്തിൽ ജനപ്രതിനിധി സഭയിലെത്തിയ​േപ്പാൾ മുതൽ നിലപാടുകളുടെ പേരിൽ ഏറെ ശ്രദ്ധ പിടിച്ചുപറ്റിയിരുന്നു.

മിനിസോട്ടയിൽ റിപ്പബ്ലിക്കൻ സ്​ഥാനാർഥിയായ ലാസി ജോൺസന്​ ഇലാൻ ഒമറി​െൻറ ഭൂരിപക്ഷത്തിൽ ചെറു ചലനം പോലും സൃഷ്​ടിക്കാൻ കഴിഞ്ഞില്ലെന്നാണ്​ വോട്ടിങ്​ ശതമാനം സൂചിപ്പിക്കുന്നത്​. തുടർച്ചയായ രണ്ടാംഘട്ടത്തിലെ ത​​െൻറ വിജയം മിനിസോട്ടയിൽ ചരിത്രം സൃഷ്​ടിച്ച​ുവെന്നും വാഷിങ്​ടണിലെ രാഷ്​ട്രീയം മാറ്റിമറിച്ചുവെന്നും ഇലാൻ ഉമർ പ്രതികരിച്ചു.

ജനപ്രതിനിധി സഭയിൽ തട്ടമിടുന്നതിന്​ 181 വർഷം ഉണ്ടായിരുന്ന വിലക്ക്​ മറികടന്നാണ്​ ഇലാൻ ഉമർ ഇസ്​ലാമിക വേഷത്തിൽ ഒൗദ്യോഗിക പദവി ഏറ്റെടുത്തത്​. ഖുർആനിൽതൊട്ട്​ സത്യപ്രതിജ്ഞ ചെയ്​തതായിരുന്നു മറ്റൊരു ചരിത്രം. അമേരിക്കയിലെ ഇസ്രയേൽ അനുകൂലികൾക്കെതിരെയായിരുന്നു ഇലാൻ ഉമറി​െൻറ രൂക്ഷ വാക്കുകൾ. പ്രസിഡൻറ്​ ഡോണൾഡ്​ ട്രംപിനെയും രാഷ്​ട്രീയ നിലപാടുക​െളയും ട്വിറ്ററിലൂടെയും അല്ലാതെയും നിരന്തരം ആക്രമിച്ചിരുന്നു.

ഇലാൻ ഒമർ തെരഞ്ഞെടുക്ക​െപ്പട്ട മിനിസോട്ട അ​േ​മരിക്കൻ കറുത്ത വംശജനായ ജോർജ്​ ഫ്ലോയിഡി​െൻറ കൊലപാത​കത്തെ തുടർന്ന്​ രാഷ്​ട്രീയ പ്രധാനത്തോടെയാണ്​ ലോകം മുഴ​ുവൻ ​േനാക്കിയിരുന്നത്​. സ്​ത്രീ വോട്ടർമാർക്കിടയിലും വെള്ളക്കാരല്ലാത്ത വോട്ടർമാർക്കിടയിലും ​ഡെമോക്രാറ്റിക്കുകൾ സ്വാധീനം ചെലുത്തിയതായ റ​ിപ്പോർട്ടുകൾ പുറത്തുവന്നിരുന്നു.