യു.​എ​ന്നി​ലെ മ്യാ​ന്മ​ർ പ്ര​മേ​യം: വി​ട്ടു​നി​ന്ന് ഇ​ന്ത്യ​യും റ​ഷ്യ​യും

ന്യൂ​യോ​ർ​ക്: മ്യാ​ന്മ​റി​ൽ അ​ക്ര​മം അ​വ​സാ​നി​പ്പി​ക്ക​ണ​മെ​ന്നും മു​ൻ പ്ര​സി​ഡ​ന്റ് ഓ​ങ് സാ​ൻ സൂ​ചി അ​ട​ക്കം രാ​ഷ്ട്രീ​യ ത​ട​വു​കാ​രെ സൈ​നി​ക ഭ​ര​ണ​കൂ​ടം ഉ​ട​ൻ മോ​ചി​പ്പി​ക്ക​ണ​മെ​ന്നും ആ​വ​ശ്യ​പ്പെ​ട്ട് യു.​എ​ൻ ര​ക്ഷാ​സ​മി​തി​യി​ൽ പ്ര​മേ​യം. ഇ​ന്ത്യ, ചൈ​ന, റ​ഷ്യ എ​ന്നീ രാ​ജ്യ​ങ്ങ​ൾ വി​ട്ടു​നി​ന്ന​പ്പോ​ൾ ര​ക്ഷാ​സ​മി​തി​യി​ലെ ബാ​ക്കി 12 രാ​ജ്യ​ങ്ങ​ളും പ്ര​മേ​യ​ത്തെ അ​നു​കൂ​ലി​ച്ചു. 2021 ഫെ​ബ്രു​വ​രി​യി​ൽ സൈ​ന്യം അ​ധി​കാ​ര​മേ​റ്റ​ശേ​ഷം രാ​ജ്യ​ത്തെ സ്ഥി​തി ആ​ശ​ങ്ക​ജ​ന​ക​മാ​ണെ​ന്ന് ബ്രി​ട്ട​ൻ അ​വ​ത​രി​പ്പി​ച്ച പ്ര​മേ​യ​ത്തി​ൽ ചൂ​ണ്ടി​ക്കാ​ട്ടി. മ്യാ​ന്മ​റി​ലെ ദ​യ​നീ​യ സ്ഥി​തി അ​ഭി​മു​ഖീ​ക​രി​ക്കാ​ൻ ചെ​റു​തെ​ങ്കി​ലും ​സു​പ്ര​ധാ​ന ചു​വ​ടു​വെ​പ്പ് യു.​എ​ൻ ന​ട​ത്തി​യ​ത് അ​ഭി​ന​ന്ദ​നാ​ർ​ഹ​മാ​ണെ​ന്ന് ആം​നെ​സ്റ്റി ഇ​ന്റ​ർ​നാ​ഷ​ന​ൽ പ​റ​ഞ്ഞു. മ്യാ​ന്മ​റി​ലെ പ​ട്ടാ​ള അ​ട്ടി​മ​റി അ​പ​ല​പി​ച്ചും ആ​യു​ധ ഉ​പ​രോ​ധം ഏ​ർ​പ്പെ​ടു​ത്ത​ണ​മെ​ന്നാ​വ​ശ്യ​പ്പെ​ട്ടും ക​ഴി​ഞ്ഞ വ​ർ​ഷം യു.​എ​ൻ പൊ​തു​സ​ഭ പ്ര​മേ​യം പാ​സാ​ക്കി​യി​രു​ന്നു.