ഒാക്​സ്​ഫഡ്​ സർവകലാശാല വിദ്യാർഥി യൂനിയൻ പ്രസിഡൻറായി ഇന്ത്യൻ വംശജ

ലണ്ടൻ: ഒാക്​സ്​ഫഡ്​ സർവകലാശാല വിദ്യാർഥി യൂനിയൻ പ്രസിഡൻറായി ഇന്ത്യൻ വംശജ അൻവി ഭൂട്ടാനിയെ തെരഞ്ഞെടുത്തു. മാഗ്​ഡാലൻ കോളജിലെ ഹ്യൂമൻ സയൻസ്​ വിദ്യാഥിനിയാണ്​ അൻവി.

വിദ്യാർഥി യൂനിയൻ ഉപതെര​ഞ്ഞെടുപ്പിൽ അൻവി വിജയിച്ചതായി ഒാക്​സ്​ഫഡ്​ സർവകശാല വ്യാഴാഴ്​ച രാത്രിയോടെ പ്രഖ്യാപിക്കുകയായിരുന്നു. വംശീയ ബോധവൽക്കരണത്തിലും സമത്വത്തിലും ഉൗന്നിയായിരുന്നു അൻവിയുടെ പ്രചാരണം. ഒാക്​സ്​ഫഡ്​ ഇന്ത്യ സൊസൈറ്റിയുടെ പ്രസിഡൻറ്​ കൂടിയാണ്​ അൻവി. റെക്കോർഡ്​ പോളിങ്​ നേടിയാണ്​ അൻവിയുടെ വിജയം.

ഒാക്​സ്​ഫഡ്​ ജീവിത സാഹചര്യം, ക്ഷേമ സേവനങ്ങൾ, അച്ചടക്ക നടപടികൾ, പാഠ്യപദ്ധതി വൈവിധ്യവൽക്കരണം തുടങ്ങിയവക്ക്​ പ്രകടന പത്രികയിൽ അൻവി മുൻഗണന നൽകിയിരുന്നതായി വിദ്യാർഥി പത്രമായ ചാർവെൽ റിപ്പോർട്ട്​ ചെയ്​തു. ഇന്ത്യൻ വിദ്യാർഥിയായ രശ്​മി സാമന്ത്​ രാജിവെച്ച പ്രസിഡൻറ്​ സ്​ഥാനത്തേക്കായിരുന്നു ഉപതെരഞ്ഞെടുപ്പ്​.